地產論壇
登入名稱
密碼
頁數:
樓市回暖提早到來
瀏覽人次:14318    回應:31
樓市回暖提早到來
 
何熊輝
2019年1月5日

  樓價經過多週調整後,最終迎來輕微的回升,加上股市在低位強力反彈,中美貿易戰持續傳來好消息,人民銀行又宣佈調低存款準備金1%,向市場注入1.5萬億元資金,此外,美國來年可能零加息,新盤銷情又超理想,種種因素滙集後,樓價見底回升的條件,開始漸漸形成。

  一向以來,樓市在農曆新年前例淡的情況,今年出現改變,近期凱滙的熱銷,證明減價兩成的中價盤,有市場承接力。至於剛公佈二手樓樓價指數字輕微回升,發展商已急不及待承勢推售大埔天鑽,策略又是以低價作招徠,從首日倍數的登記數字顯示,這些數字顯示,中低價新盤減價後會有不俗的承接力。

  筆者原先估計發展商會謀定而後動,但結果顯示,發展商深信低價致勝的策略仍然有效,故又以此法吸取中低價盤的客源,倘該盤最終又熱銷,那就可證實樓價成功觸底回升。

  預料該盤第三批次的單位售價,會較低位回彈一成以上,因此想執便貨,就要爭取首兩批貨的入市機會。從市場反應可知,無論一手或二手盤,只要低市價一成半以上的放盤,就有買家搶入市。因此希望樓市大插後才入市的買家,可能需要重新調整入市的策略。

  謹慎的買家,可再追踪多兩星期的樓價指數,倘指數平穩回升,樓價有機會提早完成調整,屆時倘再延遲入市,已無明顯益處。

樓市回暖提早到來
1. 止跌回升
2019-01-05 18:09
樓價指數止跌之餘,更錄得輕微反彈,反映主要大型屋苑二手住宅樓市走勢的中原城市領先指數(CCL)最新報174.49,按周微升0.07%,扭轉連跌13周頹勢。
2. morgan
2019-01-05 18:35
財爺警示經濟下行風險來源:香港網
財政司司長陳茂波在網志中大敲警鐘,指外在環境在未來一段時間可能會時好時壞,反覆波動,而從大趨勢評估,2019年全球市場面對的挑戰將比2018年更大,而且下行風險正在增加。中美貿易戰,國際間的摩擦,英國能否落實有秩序脫歐,息率趨升的同時,美國聯儲局亦按計劃縮減資產負債表,將成為困擾全球市場的不穩定因素,美國雖然今年初經濟增長強勁,但隨著減稅和財政政策的刺激作用減弱,明年的增幅料會減慢,歐元區和日本都受到結構問題制約,來年表現亦會較今年遜色。市場人士也普遍認為,在港府大折扣的資助房屋因素影響下,樓市在未來一年仍會繼續調整,預計2019年全年將下調10%。
4. 低價效應
2019-01-06 09:43
隨着觀塘大型新盤凱滙熱賣過後,一手市場焦點轉至中海外旗下大埔山塘路天鑽,項目以折實實呎1.28萬元、低於同區二手屋苑兩成推售,反應熱烈,昨日是開放示範單位後首個周末,參觀人流絡繹不絕,市場消息指出,項目累收逾2000票,以首張價單324伙計,超額認購逾5倍,項目最快於本周推售。
5. 輝粉
2019-01-06 10:34
輝哥唔會錯,快啲幫襯輝哥。
6. 好多人不理智買樓
2019-01-06 10:43
現在入市,兵行險着,這樣的市況,樓價最少要跌四成,呼籲有心入市的買家要三思。
7. 有本事
2019-01-06 11:16
買得到樓冇話理唔理智,有本事先買到,就算打劫搶錢都要拿得起支槍先講。
8. 有錢景
2019-01-06 11:41
本港樓市氣氛近期好轉,除了預期美國聯儲局今年的加息步伐減慢,以及大行料樓價將見底,反映二手樓價走勢的中原城市領先指數CCL終止3周連跌,刺激本地地產股表現強勢,長實集團及恒基地產昨日均升逾5%。市場人士認為地產股「高息又穩健」,目前吸引力較房地產信託基金(REITs)大;而領展(823)昨日亦升3.58%,收報80.95元,創上市新高。
10. 好多人不理智,加埋D理智
2019-01-06 13:37
不理智買樓者好多,理智者買樓又有。

樓係得咁多畀不理智同理智者買了托住個價,等樓跌四成先入市嘅等極都等唔到,都係D人衰,做乜要入市啫。
11. 好友在此
2019-01-06 14:51
淡淡三個月前開始說三道四(年底樓價跌三成,四成甚至五成),2019年到了暫時只跌了7%,離淡淡目標重係好遠。

好友們感謝淡淡唱低樓價的努力,這幾個月還未找到一個低市價一成的心水盆,唔通D業主唔夠蠢?定係淡淡再無新招?
12. 温故知新:淡友的分類
2019-01-06 15:46
forevergo
@2018-8-31 06:42 PM #1
1.黑心淡:成Q日希望樓價冧,業主BBQ,儘管自己完全無能力買,佢地只求攬炒,希望人地陪佢地PK,為淡友中最廢最乞人憎一類。

2.被動淡:呢類淡友其實心知樓價大跌機會緲茫,但有頭髮邊個想做癩痢?因為無能力/追唔到樓價而出盡力唱淡只求可唱到跌,呢類人唔太貪心,如樓價跌到買得起時即會買入。

3.真心淡:內心堅定的相信樓價會跌5,7,9成,儘管睇錯市多年仍永不放棄,通常性格比較固執,呢類人有目標,如樓價跌唔到佢心水價位佢地寧願永遠唔買。

4.AA淡:打份工,無乜好討論,唱升唱跌都係為開單。

5.賭博淡:呢類人曾經有過樓但抵受唔到誘惑,中途落車沽空自住樓後,為希望樓價下跌平倉以賺取差價,佢地唱淡目的只求再上返車,通常都係賭徒。

6.分析淡:呢類人知識水平較高,會作多樣資料搜集,以數據去量化樓市,呢類人唔會同自己鬥氣,當市場再度熾熱時往往早著先機快人一步入市。

7.路過淡:呢類淡友只係經過地產版,留低一句
"嘩,有排跌"

"好快跌3成"

"而家買樓永不番身"
其實純粹路過,同入廟拜神冇分別,呢類淡友平時無乜留意樓市,亦無乜住屋需要,自己都唔知自己講緊乜,分分鐘轉頭已經唔記得自己留過言。

大家一齊討論下仲有乜淡友種類?
13. 真心不買樓
2019-01-06 17:04
我好窮呀

有冇人施捨吓呀

我唔貪心呀

500呎就夠喇,嘻嘻

我好窮呀
14. 樓霸
2019-01-06 19:58
何生你好似係7月29日叫人等運到不如入市,聽左你講已經蝕左2成,變左負資產。你仲好意思繼續唱好
15. 回13樓
2019-01-06 20:10
 回13樓好窮人

自己窮買不起樓仲系度哈哈
完全無羞恥心。
仲叫人施捨

將的錢掉落大海都吾益你尼種
廢人......哈哈





16. 真心不買樓
2019-01-06 21:28
回15樓

我又唔貪心,又不黑心

好過呢度好多人,認屎認屁

馬後炮做樓神、做股神

淡友講到尾都係窮L一名。
17. 望東樓
2019-01-06 21:39
樓上,個班成世人都唔買樓,之不過到個市去到興恰恰個陣就抵受唔住樓市嘅吸引力摩頂入市嘅苦主,代表人物係我哋呢排日日喺電視報紙見到各位輝哥啦。不如稱之為慘淡?或者好淡唔淡?

又如果用其他資產嚟演繹,比方係恆指預期市盈率五十倍睇淡個啲有兩類人,一類係無錢買股票嘅窮淡;另一類都係瀕臨絕種嘅絕淡。而係恆指預期市盈率五倍嘅時候睇淡個啲就係差吾多所有人,稱之為係人都淡。
18. 老施出手
2019-01-07 10:50
恒指踏入2019年後波動加劇,新年首個交易日(上周三)急跌715點後,周五又大升561點,近期更進軍基金業務的中原集團主席施永青,以及富達國際亞洲區固定收益主管Bryan Collins分析最新形勢。兩人均相信中美短期可就貿易戰達成和解協議,看好風險資產。施永青透露,他上周五已將中原地產派發的部分股息買入盈富基金(2800);Collins則認為,目前亞洲優質企業美元債券估值吸引,值得留意。
19. 唱淡入市
2019-01-07 17:13
老施最近不斷唱淡樓市,話會跌三年,轉頭就入市掃盈富,話睇好貿戰有好結果,原來又是唱淡入市高手。
20. 不再忍手
2019-01-08 08:56

中國海外(00688)旗下大埔天鑽持續收票,市場消息稱總入票近4000張,以首張價單324伙計算,超購約11.35倍,市場預料項目本周末進行首輪銷售。

由恒地牽頭發展的元朗尚悅.嶺昨天加推新一張51伙價單,並趕於周五(11日)天鑽開售前發售合共101伙截擊。

天鑽截至昨晚累收近4000票,以首張324伙價單計,超購11.35倍,預料發展商日內加推。位於山塘路8號的天鑽提供1620伙,實用面積334至1388方呎,預計2021年1月底入伙。

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。