地產論壇
登入名稱
密碼
頁數:
讓刺身,回佣消失去
瀏覽人次:19235    回應:28
讓刺身,回佣消失去
 
湯文亮博士
紀惠集團行政總裁
2019年1月4日

  明報陸振球話,雖然我的文章能夠經常上榜,而且去到甚高位置,但以評論文章來說,似乎已經去到盡頭,如果可以的話,我應該多寫一些逆向思維文章,令讀者可以從對立方向睇同樣問題,我覺得有道理,但首先要改專欄名稱,既然是講反話,專欄名稱應該叫「敢說反話」。

  蔡瀾先生話讓火鍋消失去,立刻引起激烈回響,似乎無人贊成火鍋消失,不過,大家千祈唔好怪責蔡瀾,他生長於星馬地區,正是四季都是夏,在夏天打邊爐的確是不倫不類,讓火鍋在星馬地區消失亦可以說得通。

  中國烹飪技巧多不勝數,但以炙同涮為最高境界,炙是夏天食,類似我們現在BBQ,涮是冬天食,即是打邊爐,炙與涮有一個共通點,就是食物是要僅熟,而且食材是要上佳的,如果是不佳的食材,還有很多烹調方法,例如炇燉等,有人話刺身才是最高境界,我相信香港人認識刺身是因為食日本魚生,在幾百年前,刺身是日本庶民的食物,他們不准熟食,所以才食魚生,只能在耕田時偷偷地用鋤頭炙幾片牛肉,叫鋤燒,即是Sukiyaki ,由此來看,刺身根本不是菜式,而是食材,只不過是略過烹調的步驟,直接將食材放入口裡,所以,讓刺身消失去才比較合情合理。

  凱匯熱賣,但四大代理齊齊討伐信置,理由是信置出手太低,只付1.7%佣金,有很多物業代理私底下向客人回佣2%,變成做蝕本生意,我不敢評論誰是誰非,但我深信一定會和解收場,大家都是生意人,沒有永遠敵人,現在只不過是有些少意見不合,其實,問題是出在回佣,如果不是有回佣,1.7%亦是一個可以接受百分比,不如以後讓回佣消失去,便不會出現爭拗,市民亦可以睇到真正的樓價。

讓刺身,回佣消失去
1. 香港土著
2019-01-04 10:26
由打壓AA佣講到新樓抬價問題,其實信置係帶頭教育小市民,回佣高即係可能買貴野。

信置囤貨少,唔怕同AA頂兩下,隔一大輪先再有新盤,到時AA可能已經餓到唔記得1.7%之恨。
2. 京士頓
2019-01-04 10:29
買新樓, 根本不须要地代. 買新樓硬给地代佣金, 完全不合理. 發展商硬要買新樓的市民養地代, 政府應該立例取消買新樓要付地代佣金, 把地代佣金全還给市民.
3. 句子重組
2019-01-04 10:47
買新樓, 根本不须要打印花. 買新樓硬给正苦印花稅, 完全不合理. 特衰正苦硬要買新樓的市民交咁多錢黎給個印, 政府應該立例取消買新樓要付印花稅, 把印花稅全還给市民.
4. 真真薯片
2019-01-04 11:04
係香港其他行業,回佣似乎係非法行為,例如公司負責人收回佣令指定判頭中標,肯定犯法

雖然辣招下少左人用公司買樓,但如果公司買樓,公司持有人即唯一董事收AA回佣而選擇指定AA買樓,咁又算唔算犯法?
5. 真真薯片
2019-01-04 11:09
2樓,買新樓流程上的確唔需要AA,但係AA可以促銷垃圾新盤,就算係筍既新盤,AA亦幫地霸賣貴d,對買家黎講,AA係垃圾,因為AA令買家買貴左,但係對地霸黎講,AA有增加利潤既作用,所以地霸陪AA一齊打劫買家再分贓(佣),商業上係合理,除非地霸可以同?。個價錢下唔需要AA一樣賣晒,咁就另計,不過未試過
6. 引刀一快
2019-01-04 11:23
真真薯片兄

公司收就冇事,董事私人名義收就應該犯法喇。
曾蔭權攞卡嚟儲分都死。
7. To 6
2019-01-04 11:32
快哥, 曾蔭權死左啦咩?
8. 但係AA可以促銷垃圾新盤
2019-01-04 11:37
片哥, 原本 AA 哩粒偉哥可以令對垃圾盤 J 唔起嘅客無離頭都 J 得起仲群起而爭, 但現在情況係哩個盤已經自減左肉金, 引來包括阿婆, 所以唔覺得係哩粒偉哥嘅功勞, 如果地霸 set 個 counter, 自己行埋去就減兩隻, 客仔一定省得同 AA 傾冇擔保嘅回佣。
9. 引刀一快
2019-01-04 11:50
講到刺身,近年我對日本魚生興趣減咗,中意食順德魚生同潮州生醃多D,肥媽Maria介紹人食鯇魚生俾人鬧到翻天,真係冤枉。的確,從衛生角度嚟講,鯇魚生真係唔健康,可能有華枝睪甚至絛蟲,不過味道一流,尤其係山塘鯇魚,唔餵飼料只餵草,甚至自然生長果D,鮮甜都極,口感亦佳。順德魚生係一種做法,冇限用乜魚,肥媽唔識避忌,直接介紹鯇魚,香港人咁錫身,梗係大把話柄俾人懟喇,係我就會介紹人食海水魚,比如沙鯭、或者六斤以上嘅黃立鯧之類,夠膽食三文魚嘅話,呢類海水魚就問題不大。

10. 信置
2019-01-04 14:41
其實我們都好驚,這次過橋抽板,恐怕日後冇地代合作,到時候都唔知去唔去到貨。
11. 真真薯片
2019-01-04 14:45
8樓,凱匯大部份單位係抵,不過都唔係全部單位都咁抵,如果完全冇AA,可能一樣賣得晒,不過有冇清得咁快,尤其係貴單位,就好難講,畢竟冇試過
12. 凱匯大部份單位係抵
2019-01-04 15:52
片哥, 17000 真係抵, 42折 = 7140, 睇吓房毀會俾啲咩貨廿七萬人, 同樣價錢兩個世界, 不過後者可以做到四百中呎數, 以生一個或兩個黎計算是比較夠住。前者唔駛靠 AA, 阿婆仆住黎買, AA 照樣填個名落去, 自己 set counter 都做到, 博士講人頭落地, 一係因為開錯價清晒貨, 另一係請多左嘍囉駛大左。
13. 腥港人
2019-01-04 16:13
下次開多條隊,唔經AA買平1%,四大地代都可以收爐。

既然地產資訊網都可以業主自讓,咁發展商當然都可以自讓啦。
14. 真真薯片
2019-01-04 16:17
咁又係,房毀會既盤就係例子,唔洗AA,一樣搶晒

尤其係首置盤既貴單位,萬買蚊呎,凱匯首輪萬六,只差二千,但首置盤係未包地價!又禁售又盛,房毀會咁樣呃人都搶爆,的確唔需要AA
15. AH-HO
2019-01-04 17:18
發展商直接賣樓其實是有的,我知道的例子是4叔。而且直接同4叔買仲可以免一段時間的管理費。
但實際上好多人都是經過aa買。。。點解?因為回佣個份仲大過免左的管理費囉。。。
16. 鳥5
2019-01-04 19:39
歷史上 ,係有發 展商 自己成立銷售隊伍去促銷 ,結局係失敗。。。 不過當時 地產代理 只專注自己二手, 畀埋佣,都唔太都唔太彩發展商。。。 而家嘅地代 係好難去你解當時嘅情況情況。。。
17. 鳥5
2019-01-04 19:40
中介好俾媒人, 媒人利是其實唔玩得
18. 鳥5
2019-01-04 19:43
貨就一定去到 不過係唔同價錢啫 用就實有發展商畀 唔會個個好似信和置業 咁傻 計埋啲雞仔數
19. 鳥5
2019-01-04 19:46
得罪經紀 篤爆你嗰份 贏粒糖輸間廠分合約 你都幾頭痕.... 呢啲錢 慳唔過
20. 鳥5
2019-01-04 19:48
銷售高檔嘢 冇人服侍 我又未見過呢啲生意啫 唔係買清水樓呀大佬
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。