地產論壇
登入名稱
密碼
頁數:
茶餐廳亂話(450)佣金事件如何收科
瀏覽人次:21716    回應:12

茶餐廳亂話(450)佣金事件如何收科

 

湯文亮博士

紀惠集團行政總裁
2019年1月3日

  今早去到茶餐廳,老闆問乜原來買新樓有回佣。他完全不知道,其實我也是半知半解,全部代理對於回佣的事都非常口密,因為關乎他們的直接收益。所以,任何代理都不會主動話有回佣,通常都是在買家強迫下才會俾回佣,我沒有買新樓,所以,根本沒有留意回佣這件事。

  其實,地產商與代理都是生意人,沒有永遠的敵人,這件事一定和氣收場,不過就要有人做代罪羔羊。今次物業代理已經指名道姓,我估計最後信置都要暫借某人人頭一用,才能平息物業代理怒火。不過,事件雖然平息,後遺症才開始,以後地產商開盤就要睇物業代理面色,樓價、佣金都要得到物業代理肯首才可以開盤,否則,樓盤就很難做到好成績。有人話,這豈不是地產商被物業代理牽著鼻子走,我不會用這樣來形容。我認為是妹仔大過主人婆,做地產商真慘。

茶餐廳亂話(450)佣金事件如何收科
1. 屋漏兼逄夜雨
2019-01-03 15:05
「以附件形式記載,現正發售中的新盤佣金比率,普遍介乎樓價2.5%至13.5%。」

其實此時寄出哩張慰問卡, 啫係提醒你, 淨低果啲係咪唔想賣, 係想冇 AA, 定想 AA 多到日日響售樓廠門口開片再開片, 最好就同 AA AA 制, 13.5/2 啦。

暫借某人人頭一用

Well, 某人應該賣晒才宣佈分得 1.7 嘛, 咁咪冇仇報囉。
2. ABC
2019-01-03 15:39

其實賣新樓點解要through經紀? 直接買給市民咪省回所有lor

3. 攬炒
2019-01-03 17:01
橫掂CCL成日被人質疑其真實性,AA乾脆質低CCL到118,一方面兇二手樓業主劈價,另一方面令地霸推新盤定價顯得更貴,有得做二手又可還地霸一拳,一舉兩得。
4. 真真薯片
2019-01-03 18:27
如果一件產品好賣,其實唔洗sales,例子有全盛時期既iPhone,大把人搶住買,果陣既iphone sales唔係sales,係customer service

不過就算凱匯點好賣,都需要做宣傳,AA的確洗唔少錢幫凱匯宣傳,呢方面信和係佔左便宜,佢賣樓前唔定佣金亦唔係冇道理,佢可以話視乎AA有幾落力再決定佣金

其實地霸如果對自己個盤有信心,可以試下iphone式賣樓,買家自己上網登記,地霸整個地方收票,有票就有個號碼,抽籤後買家自己上網check排第幾,然後自己去排隊,的確唔需要AA, 果幾億佣金係多餘,問題係如果冇左AA既宣傳,死lur攻勢,同一口價係咪一樣賣得咁好呢?呢樣好難講,如果地霸大劈價平市價三四成,當然唔洗AA都一定搶爆,咁同派錢冇分別,AA最大既作用,係幫地霸宣傳,lur客,賣貴d,等唔想買既客,唔應該買既客,唔夠實力買既客都肯用高價買,買家背一身僓,成全地霸高利潤,所以如果地霸因為AA幫到手高位出貨賺多左,一手樓既佣其實係應該比既

5. 真真薯片
2019-01-03 19:54
借人頭一用?地霸連正苦都唔洗比面,係售樓廠連地霸個實Q都玩死AA,邊個莊邊個閒非常明顯,話比幾多就幾多,點洗借人頭一用?第時有細盤賣唔去,只要加佣,大堆AA咪又9沖
6. 望東樓
2019-01-03 23:28
鎖跌氏架,咁即係從撻訂律(包括真同假)可以反映到地代嘅功力。
7. 引刀一快
2019-01-04 04:39
鐵打的地霸,流水的AA,確實係你唔做有人做。
不過呢件事應該多多少少打擊咗後來購買者信心,高調講明劈三成,咁都仲要俾回佣,到底底線仲有幾低?
8. 真真薯片
2019-01-04 09:30
刀兄,AA專長就係冇底線,不過如果同國內同胞鬥底線,都仲係望塵莫及
9. 湯瑪斯
2019-01-04 15:38

我同2樓ABC既諗法一樣。點解發展商唔自己賣呢?

4樓話AA駛唔少錢幫凱匯賣廣告,照計廣告費多極都去唔到佣金既一半。我自己都試過唔經AA租層樓出去,又試過唔經AA賣樓。唔通發展商與散戶唔同,一定要經AA?希望知情既博士或C兄講解一下。

10. To 9
2019-01-04 16:59
咁你唔係發錢商規模嘛, 如果你要放百零間, 在以往已經要聚集幾百個污合之眾帶千人黎響售樓廠搞核爆, 製造繁榮昌盛得百零個幸運兒嘅境象, 然後隔冇耐又搞一場, 又整出一渣向隅嘅失敗者, 令啲人相信自己失敗, 失敗, 再失敗, 搞掂都係得百零單開, 咁製造失敗者嘅 AA 食西北風? 普世可能只有本港會有人俾錢為自己加持失敗。
11. a70
2019-01-04 17:38
地產商應該会繼續多稔計縮佣,缩皮費。2047前赚盡。


12. 望東樓
2019-01-04 20:33
不過無論點都好,四大地代都係最大輸家。因為以後只要唔係朱買家都會逐個地代、逐間代理格價。只會揀最平果個幫佢地入票。如果市場夠透明嘅話,佢地係應該近乎白做。所以理論上四間行應該哽咗佢。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。