地產論壇
登入名稱
密碼
頁數:
老人家買樓背後的故事
瀏覽人次:24596    回應:9

老人家買樓背後的故事

 

湯文亮博士

紀惠集團行政總裁
2018年12月28日

  有老友問我,觀塘裕民坊凱匯是否好抵買。因為買家之中,有不少已經上了年紀,甚至有一些接近100歲。如果唔抵買,怎樣可以吸引到一班老人家?老實說,在現時環境,在其他地產商不願意減價的情況下,裕民坊新盤的確值得買但入票的人甚多,打算買樓的人動用到家庭每一位成員,包括最年長的父母,令到抽到的機會可以大一點,這亦是無可厚非的事。而有部分買家甚至希望父母抽到,他們買樓時只需要付正常的印花稅,到父母他日百年歸老,他們所買的單位亦可以經遺產轉讓方式回歸出錢買樓的子女,亦不需繳付任何印花稅。換句話說,用父母的名義買樓不但可以增加中簽的機會,而且可以避繳印花稅,何樂而不為的事。

  不過凡事有利有弊,當父母是業主的時候,他們是有權在過身後將剛買入的單位交給任何一位子女,甚至是任何人。只要經合法的程序做妥便可以,那位出錢買樓的子女是絕對不知道。雖然有人話絕對沒有問題,那位出錢買樓的子女可以要求父母簽定一份信託書,證明那個單位是由他出錢買,即使有遺囑亦不能將那個單位轉給受益人。這個方法是相當危險,信託書其實是逃稅的證據,就算父母在生將那個單位賣走,他的兒子都不敢攞信託書出來。因為一攞出來,不但會被要求交三倍應付的印花稅,甚至會坐牢。如果有這種心態買樓給父母就千祈唔好做,唔值得博。

老人家買樓背後的故事
1. 引刀一快
2018-12-28 10:31
唔知老太太百年歸老之後,算唔算凶宅?
2. 真真薯片
2018-12-28 14:45
我估地代係想做show case比其他買家睇,冇名唔緊要,仔女名用晒都唔緊要,仲有阿媽名可以用!

但係如果我50歲,阿媽7,80歲,假如我阿媽學正個show case咁98歲都仲有意識去買樓,都幾大鑊
3. QQ
2018-12-28 16:01
世事無絕對,有98歲出名幫仔女,亦有人嗱嗱聲去逆按揭,理由就是仔女做左黃絲,家庭嚴重撕裂,D錢自己用番冇咁激氣。
4. 借人頭其實有D危
2018-12-28 17:40
我就聽過有個家姐為左避DSD,扮孝順,實則搵老人家借人頭。口頭上講明,老人家百年後先比返間屋佢。後來老人家反口,話個細仔無樓想留返俾個細仔,攪到個家姐同細佬反面。仲差D攪到倫常慘案。因為FRIEND上FRIEND聽返來,無FOLLOW UP到。不過估計就算佢最後拎得返層樓,都必然無左個細佬。為咩咁呢?
5. 向泛民说不
2018-12-28 19:37
引刀真系思想惡毒啦,老人家當然會仙世,包括引刀啦,估計唔會多過50年,引用灣仔天主教墓的一句話,他早君體也相同。

不過做人不用甘黑心,人地只是想避稅者,老人買了之後,可以轉比自己的親人,甚至他將來的遺產也可以給親人。為自己親人省100,200萬稅,有什麼不好。
6. 向泛民说不
2018-12-28 19:39
4樓,這也是投資的風險。不用大驚小怪。
7. 引刀一快
2018-12-29 06:07
向飯提前示範紅衛兵批鬥技巧,又幾生鬼。

你俄爹砌中國有毒生豬肉呢單嘢,你點都開脫唔到架喇。
8. 引刀一快
2018-12-29 06:22
To 4樓

呢D細佬,唔要就罷喇,錢又唔係佢出,憑咩埋怨家姐呢?老人家老糊塗,將個女俾錢買嘅樓嚟做人情,本來已經係唔啱,個細佬好意思要,咁先叫做絕,呢件事唔係大姐小器,係個細佬有心侵吞人家財產。
9. 真真薯片
2018-12-29 14:43
刀兄,自己唔搵錢,專門靠攞親戚朋友錢既人,多到不得了,好多仲做到非常成功
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。