地產論壇
登入名稱
密碼
頁數:
小陽春是否提早來臨
瀏覽人次:22351    回應:18

小陽春是否提早來臨

 

湯文亮博士

紀惠集團行政總裁
2018年12月26日

  地產界人士明白每年11月12月到翌年1月,大多數地產商都不會開售新樓盤,只會提高貨尾售價,為春節後製做一個小陽春,我叫這三個月做垃圾時間,但正確來說應該是休漁期,讓購買力休養生息,不過今年有多少出乎意料之外,信置突然以低市價三成推售觀塘裕民坊凱匯,結果是成績驕人,一Q清枱之後加推又加推,但仍然是一Q清枱,有老友問是否小陽春提早來臨,我不敢肯定,或者對信置而言,這的確是小陽春,但對於那些較早前以高價開售新樓盤的小型地產商,就乜春都唔係,最壞就是已經開了盤,如果現在大幅減價,以後就會失了信譽,但如果不減價,在大型地產商劈價之下,他們的新樓盤就很難出售,有人話這是地產商的「特里芬困境」。

  我最初認為信置是太早開盤,應該在春節之後,當購買力再次凝聚的才開盤,就會出現一個小陽春,但我疏忽了在過去幾個月即使樓價偏軟,但成交量仍然偏低,代表購買力在凝聚中,如果沒有一些優質大型樓盤開售,購買力就會轉到那些單幢式或者中小型樓盤,老實說,商場如戰場,大型地產商有見及此,知道凝聚中購買力可以支持大型新樓盤,所以立刻劈價開盤亦是無可厚非的事,至於小陽春是否提早來臨就有待商榷,因為有可能這是一次性的小陽春,其他即使是大型地產商亦未必可以分到一杯羹,除非擴闊減價幅度,才有機會出售。

  大多數人會認為樓市在春節後是否會出現小陽春是決定於買樓人士意慾,他們買樓的意慾強,樓市便會出現小陽春,其實這個想法是錯誤的,香港人買樓的意慾隨時隨地都非常強勁,問題是樓價是否能夠負擔得起,他們其實是很被動,小陽春的主動權在地產商手中,如果地產商以實惠價格賣樓,在購買力現在仍然充裕的情況下,小陽春是不成問題,但如果地產商惜貨如金,開出樓價仍然不是市民所能夠負擔,小陽春就不會出現。

小陽春是否提早來臨
1. MT
2018-12-26 10:42
暫時仲未有其他新盤跟風減價,等住睇下一步會係點
2. 撻撻
2018-12-26 11:32
第一張價單是不是已經撻了兩間?
4. 引刀一快
2018-12-26 15:51
到底係小陽春,還是係夕陽餘暉?
前幾日大陸有個好夠膽嘅經濟學者向松祚,講嘅嘢可謂驚心動魄,尤其係債方面。
5. 望東樓
2018-12-27 00:00
一刀,好似話廣州銀主盤開始湧現。有冇察覺?
6. LC1
2018-12-27 02:39
過去幾個月因為可以買樓既人,都因為樓市下跌和trade war 而唔入市住,係信心既問題多過實力,未見香港人消費能力向下,如果搵錢能力無向下,加埋新年出雙糧,也許會改變某些淮買家既諗法,始終有耐性既人唔係噤多 睇股市就知,當然trade war 同樓市轉勢既心理關口下,高價賣樓都只會慘淡,就似指數大跌既期間新 IPO 以上限發售,其實所有發展商E 幾年都搵到豬籠入水,如果唔急變現,keep 住D 貨三兩年,等環境轉好先黎高價賣也可以。
7. 自我陶醉
2018-12-27 09:20
引刀兄,

睇完向松祚個演講,佢話國內GDP增長唔係6.X 而只有1.X, 你認為有咁差嗎?
8. 講呢啲
2018-12-27 09:56
2樓7樓 - 回鄉創業,你估講玩?依家係企業想倒閉都被禁止喎。

不過,總之中國或成最後贏家,呢個係必然,就算地球灰飛湮滅都係咁話。係咪?
9. 向泛民说不
2018-12-27 11:23
自醉,大陆游客来香港还是爆买。还有前两天去大湾区,根本感觉不到股票崩盘。边有可能增长只是1.XX。向松祚应该也是潜伏的打手,随时背后一刀。
向松祚发表了演讲之后,香港这边好像没有发生。台毒法轮功马上大做文章,好像一早就知道的一样。
10. 引刀一快
2018-12-27 12:05
東樓兄

廣州銀主盤不嬲多,所以變化唔太覺。
11. 引刀一快
2018-12-27 12:16
自我陶醉兄

單睇大灣區都差咗喇,全國拉勻當然唔樂觀,但係要留意一個問題,向松祚話係1.67或負數,雖然令人吃驚,但係平時7點幾6點幾,本來一直都係有水份,實際落差未必係咁大,以前都有學者講過真正GDP只有2點幾或1點幾,經濟今年係急跌,但係會有空間俾明年再跌嘅😨
12. 引刀一快
2018-12-27 12:21
向飯

大灣區係中國最開放最實在嘅一個區域,前兩日聖誕節,梗係人來人往喇傻蟹,其他地方就一定冇咁興旺,因為大部分地方講明要打殘聖誕老人,所以買屋最好就係大灣區。
13. 引刀一快
2018-12-27 12:27
向飯

向松祚可能係打手?係都係國內派系嘅打手,如果係俄羅斯派去嘅,你都識得佢喇,哈哈哈
14. 向泛民说不
2018-12-27 13:28
前世咯,引刀和普京真系咯乱骨头。咩都可以算到普京身上。斩不断,理还乱。
QE之下,全世界经济都有水分啦, 不过,消费市场不会骗人。大陆游客还在爆买。
15. 自我陶醉
2018-12-27 13:43
引刀兄,

如果真係由2%講成6.x%,話佢有水份其實都好厚度,直頭係發水,甚至發脹。 佢今次嘅演講對象係對經濟有深入了解嘅幹部和知識分子,而唔係一般九唔搭八嘅無知百姓,我認為唔可以只用一句打手,就完全抹煞佢嘅公信力。

16. 向泛民说不
2018-12-27 14:31
学者夸大其词是很正常,本人也看了向松祚的演讲。最多也只能说说个大淡友。但是为什么会疯传?那就奇怪了。
18. QQ
2018-12-27 15:49
GDP,你有你講,我有我講,像霧又像花就啱啦,唔係點搞死美霸

观天下精选|陈平:以GDP衡量中国经济,会低估中国的竞争力 https://www.guancha.cn/chenping1/2018_12_26_484636.shtml
19. 亞Q
2018-12-27 17:48
GDP增長唔係6.X 而只有1.X, 咁都可以20到30年間GDP 増長幾十倍 , 犀利咯 !
20. 講呢啲
2018-12-28 02:28
向飯係又噏唔係又噏,想人信就作個好少少嘅故仔先啦唔該。向松祚來歷出身有路可尋,求學師承亦係世界知名。呢啲料,讀過才知功力,非求其一個阿茂作個原因就能輕易否定,就算要否定都唔輪到你 - 拜託睇吓佢個職位係乜先再講,否則只會繼續出醜。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。