地產論壇
登入名稱
密碼
頁數:
一Q清枱與一Q清袋的分別
瀏覽人次:24955    回應:4

一Q清枱與一Q清袋的分別

 

湯文亮博士

紀惠集團行政總裁
2018年12月22日

  當我寫文關於新樓銷售,大多數是會用一Q清枱,但有時候因應不同情况,會用上一Q清袋,例如地產商推出的高成數按揭,以及鼓吹父幹,其作用是一Q清了買家的袋,不過,當我寫一Q清袋,不時會被人修正為一Q清枱,我自少就鍾意打「士碌架」,怎會不知道兩者的分別,一Q清枱我亦試得多,但從未試過147度的一Q清枱,而打「士碌架」通常都會涉及賭博,參與的人都希望清了對方的袋。

  在凱匯一Q清枱之後,有老友問點解凱匯與其他小型地產商樓盤有咁大分別,不少新樓盤要賣五成都很艱難,老友唔明白,這是「一Q清枱」與「一Q清袋」的分別,一般小型地產商只能夠推出單幢式或者只有三四百個單位的新樓盤,就算可以做到一Q清枱,在短時間內很難繼續有單位推出,一Q清枱就變成一Q清袋,就算仍然有購買力都沒有用,物業代理當然知道這個情況,他們不會落力做那些樓盤,如果不減價,只會叫地產商慢慢賣,一定可以賣得哂。

  至於好似凱匯那些大型樓盤,物業代理就會非常落力,希望在第一輪銷售能夠做到一Q清枱,地產商會加推應市,吸盡市場上的購買力,物業代理就可以多做生意,從今次凱匯開售做到兩次一Q清枱,信置立刻加推300幾個單位來看,物業代理的策略是成功,如果大家明白「一Q清枱」與「一Q清袋」的分別,就不會話物業代理厚此薄彼,只做大樓盤唔做細樓盤。

一Q清枱與一Q清袋的分別
1. 自我陶醉
2018-12-22 10:08
博士多次一Q清枱,若然係英式唔係美式的話,肯定係世界級水平。勁! 


2. 望東樓
2018-12-22 13:58
如果枱 > 袋 = 清袋,又
如果枱 < 袋 = 清枱

袋有好多層次等級,比方愛瑪仕係包包,女人街舊幾水一個都係。
3. 腥港人
2018-12-22 23:02
香港都好多年無咁市區核心地段嘅大型新盤上過市,而下一個咁嘅盤亦唔知會喺邊。

觀塘相對啟德,觀塘落樓下有宵夜食,啟德落樓下得泥沙食。

即使匯璽,在深水埗或者成個西九填海區睇,都唔係正中心位,而其他市建盤又無咁大規模,海璇果啲更加唔係凡夫俗子可以諗嘅。

而唔考慮清枱問題,佢賣啟德同價都會賣得去。
4. 真真薯片
2018-12-24 08:38
博士講出左屋苑式大盤同單棟細盤既分別

市區好過大西北
屋苑好過單棟
兩房好過迷你積
梗廚好過開放廚

凱匯集多項優點於一身,開二手價,自然得到最優質購買力捧場
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。