地產論壇
登入名稱
密碼
頁數:
落第的購買力變天之驕子
瀏覽人次:26854    回應:28

落第的購買力變天之驕子

 

湯文亮博士

紀惠集團行政總裁
2018年12月20日

  信置突然以低市價三成開售觀塘裕民坊凱匯,成績驕人,一Q清枱之後還是一Q清袋,有年輕朋友連續兩次落第,到了第三次已經信心盡失,問我在信置內部識唔識人,可不可以幫他,最低限度俾一個機會佢去揀樓,年輕朋友未買過樓,不知道現在買樓的程序是相當嚴謹,叫信置內部幫忙,連提都唔好提,否則有機會被邀請去飲咖啡。

  年輕朋友話如果第三次都抽唔到,他應該怎樣做,我話值得恭喜,因為凱匯make your purchasing power great again,當第三次仍然抽不到,代表有千多個實在購買力已經買了凱匯,市場上少了那一批購買力,剩餘的購買力反而會變成天之驕子,打算賣樓的業主因為沒有足夠購買力,唯有減價才可以將單位賣走,現在剩餘的購買力可以慢慢睇慢慢揀,根本不用自己鋤價,凱匯無形中迫那些打算賣樓的業主減價。

  凱匯成功,一定會有其他地產商跟隨,劈價賣樓就會變成新常態,市場上的購買力就會被新樓盤吃掉,剩餘的購買力反而有更大的議價能力,話唔定可以用非常優惠價錢買到非常優質單位,所以,抽唔到或者揀唔到合心水單位的人不應氣綏,或者這是他們的福份,可以從二手樓巿場上揀到適合自己的單位。

  有一件事買家一定要留意,當打算買樓的人在市場上揀到適合自己的單位,就千祈唔好猶豫,或者擔心樓價會繼續下跌,老實說,誰人都不敢保證樓價是否會繼續下跌,但如果不下定决心去買樓,就永遠都無機會買到樓,現在是買家時間,買到新樓固然是好,但買唔到竟然更好,但如果不在這段時間買到適合自己單位,即是捉到鹿唔識脫角,好都變成唔好。

落第的購買力變天之驕子
1. 鳥5
2018-12-20 11:58
早兩日有單新聞 觀塘麗港城 銀主盤出一萬零幾一呎 成交。。。。 劈價潮 都似乎繼續
2. 鳥5
2018-12-20 12:00
https://youtu.be/XOyZZ-ykVWY
3. Mr. KO
2018-12-20 12:12

It's the Era when you get CASH , You have a say here !

See the rates hike again from Fed and the shrinking of balance sheet from US central banks, CASH KING will return to the town! 

4. 唔敢加價
2018-12-20 14:06
消耗全城两千個購買力。下一個大盤要再降價两成,才有購買力。
5. LC1
2018-12-20 14:36
我諗trade war 最大影響係大陸人,如果大陸人唔同你香港人爭樓,D 樓平三成係正常,因為噤先反映香港人既購買能力,而唔係炒高左之後既購買能力,没錯,升定跌没有人知,不過以香港既GDP 黎講,只要價錢合理,重係好多人會去買樓。我看如果中國經濟調整,香港陰D陰D 噤跌,跌到合乎香港人既付款能力,就會橫行,140 ~ 150 CCL 我諗唔會少過E 個數,因為租金無跟樓價同步上,即係租金亦都未必跟數價調(係跟你個人工黎調),如果買樓收租唔可以比供款,邊個會走去投資,樓平兩成既話,噤應該條數就會balance . 之前急升既假象係因為交投少,而只有零星高價交投帶起個市,就好似股市噤,如果成交少但係價不定上既話,你都知佢企唔住,所以今次樓市調整,應該係睇大部份香港人可以買樓既能力作為底部。而政府同你講就係,50000 ~ 70000 家庭收入,15000 蚊一尺作為基本。
6. 望東樓
2018-12-20 14:43
呢個係結論係有一個非常重要嘅前設,就係「購買力」並無呢度其他樓評估計咁大。如果購買力巨大,立刻就會還原基本步。

又如果萬一其他地霸緊跟信置用錯價賣樓,咁會唔會誘使今年較早時間用啱價買咗樓嘅超級好友大量咁撻、撻、撻呢?
7. To 6
2018-12-20 15:06
東哥,都係繼續買定花生睇係最正
8. QQ
2018-12-20 15:59
係人都扑去買樓既原因得一個,就是住左十年八年後仲賺大錢,但以近年既天花板價入,咁就要怡和大厦頂價出貨,有冇咁理想?喔....有既....可能有ifc價出現
9. 鳥5
2018-12-20 17:20
在下都仲係覺得, 真實嘅 大跌浪, 都係以 信貸過度為主因 積 冇著褲嘅人多寡 為主因。。。。 呢樣嘢喺高位調頭 係最隱蔽 數據滯後 同埋唔會太張揚透明度極低。。。。 美國如是日本如是
10. 十郎
2018-12-20 17:27


      侵侵不依章法出牌。

      四方城睇侵侵 , 已經在打亂章。舉例1: 拘留孟晚舟 。2: 喊老鮑停止加息。3: 叫習大大幫手買大豆。隔離話美國又贏 , 我要從新學習 " 贏 " 字係點解作。

      硬好話2019年唔加息 , 2020年仲減息添 , 我認為有可能既 , 不過有一個條件 , 就係來多一次次按風暴 , 即係來多一次雷曼兄弟 , 咁樣你地想執邊條籌呢 ?

11. 鳥5
2018-12-20 17:27
5/F, 我認同 供款 能力 家庭負債比例 係健康水平 為一個合理之前 不過如果以50個percent 供款能力, 其實樓價 係要返11年
12. 自我陶醉
2018-12-20 20:03
十郎兄

其實美國佬現在只係死前最後掙扎,以現時全球嘅負債水平,如果再嚟多次雷曼,整個金融體系就會崩潰,千祈唔好以為2008嘅QE劇情可以重演。

13. 十一哥
2018-12-20 20:29
8月已經出咗喎卵、阿爺冇理由唔知嘅、係都要打隻重章侵侵上、呢D係咪叫引章呢?一隻牌幾個效果、太子女被標參…咁D高官就知home sweet home、叠埋心水為人民服務…好過頻頻撲撲都係鋪條死路、當老襯亂哂章…下下使橫手…攪到越有銀就越唔敢…落注美帝手到之處、屈親都手尾長、有銀梗知香港好、所以今次銀號就有條件唔加息…水湧入多過流出、樓唔冼睇得太灰…借勢調整3幾成先玩得長嘅。

阿爺自己塘水滾塘魚…大過美帝市場3倍、呢劑幫趁買豆、係始終要用、亦等於襟美帝豆農落水…咁上下就比佢抖下氣、下鑊就識驚…會拑下當老襯、其他供應國更冇得搏懵嗌貴D。

14. 望東樓
2018-12-20 20:50
今日睇到彭博話香港三十歲以下排隊上公屋嘅人士當中,有一半係擁有大學學位嘅。第一感覺係好心噏,但諗深一層,究竟係依家嘅私樓太貴定係一世住公屋呢個offer實在係太大嘅誘惑,令到呢班八十後嘅學士不惜打散、拒絕升職、加班為咗仍然符合資格上樓?(雖則現今一般嘅學士學位已經唔值錢)

都話香港最慘就係班努力上進嘅基層。
15. 鳥5
2018-12-20 22:58
14/F, 有見地 呢個現象 咪就係由光盛需求 轉變成彈性需求 當樓價跌到佢哋嘅供款能力 三成 呢班大學生又彈性需求就會轉變成為 剛性需求。。。 想一想係咪。。。 如果林鄭十年後 先購居屋 二百萬兩房四百呎 佢哋都唔會排公屋 。。。 我仲係覺得樓價會跌過跌穿08年 即使而家收入大家不變 供款四成先至會 增加返啲實質剛性需求
16. 鳥5
2018-12-20 23:10
在下好小表態 話個底部幾多 ,因為太恐怖 ,未畀人小過咩。。。基本我係認同汤博士話跌3成细價樓。。。不過係岩岩 寫細價樓爆煲論嗰個湯博士開始計.... 過多幾年 你就知 話畀人聽買咗邊度嘅新樓,等於話畀人聽生花柳, 而家講D人覺得匪夷所思。。。我係理解, 但條數就真係咁行。。。
17. To 16
2018-12-21 08:28
鳥哥, 都唔係咩匪夷所思, 每月錢莊估價緊縮 2%, 50 個月之後就會變零, 大概都係博士所講的幾年, 東哥講之撻訂, 不如諗吓該煨幾時發生第一宗撻訂(減三成是底的幻想破滅)。
18. 十三
2018-12-21 10:17
14/F
其實真係好灰, 同好理解D 大學生
我同我老婆夾埋搵十幾個一個月,但想買層樓都買唔到
原因只係因為我地兩個都無家底,全部靠自己,要儲首期加雜費都唔知要去到何年何月
想買樓都要望門輕嘆
19. 引刀一快
2018-12-21 12:25
今日睇睇凱匯個廣告,終於揣摩到點解起呢個名,原來對象係大陸人,唔知會唔會係希望海航D員工去買呢?
凱匯,普通話諧音“開會”,買咗佢可以行路去啟德“開會”。
20. 自我陶醉
2018-12-21 12:50
19樓 引刀兄

咁都得? 哈哈哈! 

咁凱匯個名算唔算係形聲? 嚟緊個 Downtown 又係咩意思? 千祈唔好話係會意啊!

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。