地產論壇
登入名稱
密碼
頁數:
休漁期後買魚的策略
瀏覽人次:23381    回應:24

休漁期後買魚的策略

 

湯文亮博士

紀惠集團行政總裁
2018年12月18日

  有不少老友笑我睇錯市,我認為今次凱匯推售最多可以賣到八成,誰不知又一Q清枱,老實說,我並不是睇錯市,是我忘記今次凱匯有二千幾個單位,488個單位是第一浪,如果銷售成績理想,甚至一Q清枱,信置會加推另外幾百個單位,所以,物業代理會非常落力,希望可以做到一Q清枱,而事實上又如他們所願,在一Q清枱之後,不但信置立刻加推,連新地雷霆亦話行家開紅盤,他們亦會立刻推盤應市,這點大家應該明白,唔通任由信置吸盡市場上的購買力,所以,今次凱匯一Q清枱是有其理由。
   
  雖然今次凱匯是一Q清枱,但我始終認為最後20%揀樓人士是不用太心急,因為不但凱匯會加推,而且其他新樓盤陸續有來,有機會可以用同樣或者更低價錢買到更好單位,太早入市,可能很快就會感到後悔,他們應該稍等一會,樓市不會因為一個新樓盤首次推售一Q清枱而轉勢。  

  不少人有類此經驗,就是在休漁期結束之後立刻去買海鮮,雖然漁船源源不住回航,但買海鮮的人更多,優質海鮮很快便被掃清,不少人去到街市買不到優質海鮮,但不想空手而回,便會買一些次優質海鮮,但價錢絕對不會便宜,如果那些人願意多等幾日,當大量漁船回航後才去買海鮮,到那時候,買海鮮的人亦會減少,他們就會有機會買到一些又平又靚海鮮,很多精打細算的家庭主婦都明白這個道理,她們不會在休漁期後第一時間去買海鮮,最低限度不會買一些售價高而品質是次一等的海鮮,不過,家庭主婦始終是識得細算,當要買樓大算的時候便忘掉一切,急不及待買入新樓盤的最後20%單位,以為唔買就以後都買唔到,或者要付更高樓價,而事實上除非其他地產商浪費正在衍生購買力,否則的話,將會有更多樓盤推出,價錢會愈來愈合理,買樓不需要精打細算,而是要粗枝大算,在樓市下跌之際,品質不佳,價錢不合理就唔好買,很快又會有另外一個新樓盤推出市場。

休漁期後買魚的策略
1. 心急比人呃
2018-12-18 11:44
有理
2. 腥港人
2018-12-18 12:13
買魚係可以等,可以揀,但買樓除左優質唔優質,仲會考慮近唔近家人,位置是否方便等等,甚至有幾多同類嘅供應。基本上凱匯個位,對區內嚟講已經係最方便,唔通差不多價錢買邊角位嘅油塘、堆填區新盤咩?

凱匯個價正係近年所謂嘅優質海鮮減價。而隔離不論啟德、油塘定堆填區,類近嘅供應都陸續有嚟,反而觀塘就比較難。
3. QQ
2018-12-18 12:18
抄底抄在半山腰
4. 早買唔好受
2018-12-18 12:35
都係浪子話齋"早買唔好受"
5. 冼女士
2018-12-18 12:51
冼女士買樓就像買龍鳳鈪,連鈪都有休漁期,問你服未?
6. 鳥5
2018-12-18 13:46
平貴5係重點,5好攞埋老豆老母去Long叠樓番黎。。高位,好狠高險。。。 新约 啲合約根本冇水位, lee十年, 是福定是禍?
7. MT
2018-12-18 14:59
而家買樓係咪好時機我唔知,只覺得個盤樣樣條件都好但賣大包減價,發展商睇市點都叻過我,無理由有錢唔執
8. MT
2018-12-18 15:05
而家買樓係咪好時機我唔知,只覺得個盤樣樣條件都好但賣大包減價,發展商睇市點都叻過我,無理由有錢唔執
9. 望東樓
2018-12-18 16:17
嗱嗱嗱,咁你就要學今日搵輪椅推個九十八歲嘅老媽出嚟買樓果個啦。第日樓價跌咗就可以話老媽已經老人癡呆,係響神智不清嘅情況下被無良嘅經紀氹落疊,強烈要求退款及償還利息。唯一問題係阿婆期間仙去。。。。
10. 望東樓
2018-12-18 16:19
十樓,相信阿嬤可能已經係成屋最後一個人頭。
11. 補充 5.
2018-12-18 16:20
其實唔係好明白, 點解 98 歲阿婆唔直接將千五萬俾啲子孫, 而要咁轉折...
12. 鳥5
2018-12-18 16:28
執錢?係指 經紀 ?發展商 ?定新買家? 新買家好似係 執咗 一條債。。。。
13. 鳥5
2018-12-18 16:32
如果發展商 ,有水位 ?淨係排隊 大莊都比幾萬 你收 ..呢個係九七前 ,同大陸十幾年前 就發生過  而家嗰啲叫做水位 根本就係贏粒糖輸間廠...
14. To 10
2018-12-18 16:32
樓哥, 發錢商唔係代交喪披印花稅嗎? 這是在下諗唔明的。
15. 鳥5
2018-12-18 16:34
呢個似傳說中嘅死亡之吻
16. 鳥5
2018-12-18 16:40
如果發展商 睇好後市 根本就唔會 有樓花 賣 現樓啦 仲咁好實力嘅情況下去判斷... 仲唔 坐貨 坐到上火星咩.. 又何須攤分風險呢
17. 引刀一快
2018-12-18 17:37
休漁期之後,成個街市嘅價值觀都會出現改變,要食好嘢,可以惜腰間錢。
18. Johnny
2018-12-18 18:01
1樓所言甚是
19. 成個街市嘅價值觀
2018-12-18 18:01
如果要講寓意嘅話, 推太嫲出黎又是否表示要透支到太祖幹? 或者承托力非常足, 維辣有期?
20. 引刀一快
2018-12-18 18:47
樓上,休漁期完結與否,未有全民共識。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。