地產論壇
登入名稱
密碼
頁數:
民進黨為國民黨執政鋪路
瀏覽人次:19800    回應:17

民進黨為國民黨執政鋪路

 

湯文亮博士

紀惠集團行政總裁
2018年11月27日

  我相信絕大部分人認為韓國瑜能夠當選高雄市長,是因為他那句「人進去,貨出來」,即是有更多陸客去高雄,而更多高雄貨物可以賣去國內,大家要知道,民進黨執政高雄20年,已經成為民進黨根據地,進可攻,退可守,可以的話,民進黨主席可以做台灣總統,就算失勢,都可以退回高雄休養生息,伺機再起,要奪取民進黨這個根據地,並不是靠一兩句口號就可以成功,而是民進黨自己放棄,否則的話,就算有一百句口號都不可以攻下高雄,現在失落了高雄市的執政地位,一定會被國民黨連根拔起,萬一下一屆選總統失利,民進黨都唔知要退到哪裡。

  當日楊堅建立隋朝,留李淵守根據地太原,所以,李淵的官位是太原留守,後來天下群雄逐鹿,楊廣滅亡,李淵以太原資源東山再起,建立唐朝,蔡英文去了台北做總統,留陳菊守高雄,誰不知陳菊守到一鑊粥,索性唔理,去埋台北做總統府秘書長,留陳其邁守高雄,如果要大家分辨,一定會以為韓國瑜是民進黨,陳其邁是國民黨,其實,陳菊是不應該去台北做總統府秘書長,如果她留守高雄,應該可以擊敗韓國瑜,畢竟陳菊是有很多師奶fans ,今次可以算是一子錯,滿盤皆落索。

  韓國瑜的「人進去,貨出來」這個口號只是他得勝部分理由,而事實上陳菊用了不少錢,但得唔到既定效果,而支持民進黨的基層市民最慘,如果韓國瑜在高雄執政稍有成績,而事實上想冇成績都很難,下一次台灣總統大選,民進黨九成九會變成在野黨,其實,今次民進黨大敗的原因,就是台灣人知道民進黨只懂得搞選舉,不懂得搞經濟,將台灣的經濟搞得咁差其實是為國民黨執政鋪路,今次選高雄市長,除了陳菊之外,民進黨應該搵一個叫阿亮的人去選,既生瑜何生亮,一定可以擊敗韓國瑜。

民進黨為國民黨執政鋪路
1. 孖公仔
2018-11-27 10:01
看英文愁眉苦臉個樣, 這對孖公仔倒有點俗版樸緊餵同吹信實的影子, 前者樸姐可能要坐到 100 歲先放出黎, 唔知泡菜同奶茶是否都是摺信封過日辰。
2. 民進黨天生殘缺
2018-11-27 10:31
民進黨和香港反對派一樣,由美國扶持。 天生殘缺,只能靠意識形態,去騙選票。叫了三四十年的結束一黨專政,民主自由。再信的都是傻子。

再加上美帝縮皮,狗粮不足。騙不了多久。
3. 向泛民说不
2018-11-27 11:21

今次台湾选举真的是大大力的大了那些反中港融合,反自由行,反高铁,反港珠澳的黄狗脸。这批垃圾话自由行只是占5%GDP。不重要。

台湾没有了自由行,成个市场,马上萧条。夜市要close,的士无人坐。连商铺也没有人租。加上农产品不能买到大陆,一旦收成大增,价格马上崩盘。虽然台湾经济指标很好,但是中下阶层真是水深火热。

4. 十一哥
2018-11-27 11:23
1%要控制99%…信仰係必然工具、當信到要扎炮…神話就破滅、鄧公就以至簡破繁…揾食行先、做就當今阿爺可以餓垮呆彎、韓魚講得幾激情都係劇情所需、關鍵詞…華人~提咗N次…要揸手、選民肯定阿爺啱聽…梗關照啱傾嘅兄弟、呆嘅都知轉呔有着數啦!而家唔怕落注高雄嘞。


5. To 4
2018-11-27 11:37
墳哥, 高雄有啲咩係阿爺要架? 開展工作假期計劃俾阿爺黎摘蕉定俾高雄人去大陸摘提子?
6. 十郎
2018-11-27 11:45


      從前有一個大官退隱回鄉 , 因為為官清廉 , 兩袖清風 , 就到隔離鄉應徵做卜卜齋先生 , 鄉長話一年脩金12兩銀子 , 不過要回答三個問題 , 答對一題收四兩 , 答不對就沒收 , 老師自問才高八斗 , OK了。老師一上工 , 非常嚴厲 , 念書默書打手板都齊晒 , 小孩子提起反學都哭著螺地 , 鄉民話呢個先生好渣。好快年尾散學出糧 , 鄉民第一條題目是 , 鴨蛋是鴨生 , 雞蛋雞生 , 鵝蛋鵝生 , 咸蛋乜野生呀 ? 唔識答。第二條 , 劉備 , 關公 , 張飛 , 孔明打麻雀 ,  " 砵 "  , 有人放屁 , 請問是誰放呀 ? 又唔識。最後一題 , 周瑜同諸葛亮既老豆係邊個呀 ? 老師啞口無言 。 唔識答就空著手 , 垂頭喪氣地回家 , 扎著炮過年。

      後事如何 , 下回分解。

7. 現實
2018-11-27 11:46
如果出現個台版文在寅就好玩了。
9. 望東樓
2018-11-27 15:03
只要係阿爺鍾意,佢出口的屎,咁大個祖國咁多田,都可以用嚟做肥田料。查實係越垃圾越好,因為除咗祖國就全世界再冇其他人要。以後再投民進黨就大家齊齊吔蕉。
10. 越垃圾越好
2018-11-27 15:35
咁阿爺應該將全中國啲垃圾運晒去高雄等佢地將功補過, 投銀進黨吖嗱。
11. 十郎
2018-11-27 16:22


      既生瑜何生亮 , 下集。

      狀元出身的大官老師愁眉苦臉地過年 , 他的細佬來拜年 , 見到情況問亞哥何事情啊 ? 大哥一五一十講給 弟弟知道。弟弟說 " 唏 " 出年我幫你去教書 , 保證拿番d脩金來。

      第二年細佬真係代兄上陣 , 鄉長見到說 : 你大哥為什麼不來 ? 他是狀元 , 你不是啊。弟弟說 : 你見唔見大哥門額上寫著 " 狀元及弟 " ?  即係話亞哥中狀元 , 連帶弟弟都係狀元呀 , 我一樣係架。鄉長接受並解釋出糧條件 , 要答三個問題 , 答中一個四兩 , 答唔中沒收 , 細佬話同意 , 不過我亦有一個條件 , 就是我不歡迎別人參觀我教書 , 我在門上貼一個字 , 你地有人識讀 , 我就可以讓你們參觀吧。

      弟弟老師就開工 , 他取一張紙寫一個字 , 上面係 " 口" , 下面係 " 干 " , 好似暉春般貼在門上 , 說你地識得讀就可以參觀了。一上堂 , 老師話 : 你地個個自己讀書 , 做乜野都得 , 那班馬騮就捉蟋蟀啦 , 打波子 , 打架 , 睡覺 , 各適其適 , 非常開心 , 未食飯就嚷著要返學 , 鄉民說呢個老師 " 有料 "到 , 好想睇下 , 但是又唔識讀門上的字。

     好容易又到年尾散館出糧了 , 未出題目之前 , 鄉民問老師門上的是什麼字呀 ? 細老師說 : 唏 ! 你地正面唔識  , 可以掉轉來睇吧 , 那是個 " 吉 " 字呀。鄉民自嘆走了眼 。開始第一條題目 , 咸蛋乜野生呀 ? 弟弟答 : 咸蛋當然咸鴨生喇 , 咸鴨即係臘鴨 , 臘鴨生既 , 鄉民經過一番相議 , 接受。第二條 , 劉備 , 關公 , 張飛 , 孔明打麻雀 , 有人放屁 , 誰呀 ? 答曰 : 關公 , 因為放屁者臉紅 , 一定關公。村民出第三條問 , 周瑜同諸葛亮的父親是誰呀 ? 弟弟答 : 呢條仲容易 , 你地有冇睇大戲呀 ? 周瑜歸天都有唱 , 既生瑜何生亮 , 答案係周既同諸葛何囉。村民哄動 , 認為有理 , 為了獎勵 , 就將今年和去年他哥哥的脩金一同給與弟弟 , 還囑咐弟弟明年再續。回家後弟弟一併將銀兩交哥哥 , 說出年啋佢地都傻。




      


12. 十一哥
2018-11-27 17:11
答蠢人問題、阿爺就係要高雄、就係要台灣、使乜揀嘢要。

13. To 12
2018-11-27 17:26
答墳哥, 海南有海航, 呆灣有冇呆航?
14. 湯瑪斯
2018-11-28 09:21
「放屁者臉紅 」,冇乜邏輯。講明話張飛孔明,有乜可能唔係張飛?重有,狀元及「第」,唔係狀元及「弟」呀。當然你可以話村民唔識野,咁都俾人昆倒!
15. 十郎
2018-11-28 11:02


      的確係。放屁者面紅   係因為唔好意思 , 害羞了。係 "狀元及第 " 。 其實呢個是一個笑話來的。


16. To 15
2018-11-28 12:02
十哥, 雖然是笑話, 但村民確實是好胡弄。
17. 阿亮
2018-11-28 12:18
哈哈, 找阿亮, 很幽默
18. 亞Q
2018-11-28 12:42
放出 一招城市聯盟 , 無論國民黨抑或民進黨以後都無力扭轉乾坤 !
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。