地產論壇
登入名稱
密碼
頁數:
油價冧,樓價會不會冧
瀏覽人次:22298    回應:18

油價冧,樓價會不會冧

 

湯文亮博士

紀惠集團行政總裁
2018年11月26日

  上星期五,中原指數繼續下跌,已經連跌8個星期,不但老C,任何睇好樓市的人都會轉軚,最多話是假跌,未來一定會回升,當樓市下跌,以往任何利好樓市因素都突然變利淡,例如利息,以往業界人士會話加息是因為經濟好,樓價亦會上升,如果唔加息,當然是有利樓價,現在加息就變成樓市下跌不利因素,加息會直接影響業主負擔,樓市又怎能不下跌,如果唔加息,代表經濟環境不佳,市場沒有能力承擔加息壓力,樓價又怎能不跌,其實,任何因素都有正反兩面,專家可以用任何一面去解釋樓市升跌,不過,這不是香港地產界人士的專利,全世界都是如此這樣的。

  上星期六,有老友對我說,今次香港樓市一定大冧,我話不會跌35%,今次又錯,我最初不明白,原來老友話油價大冧,有外國評論員認為基金賭錯邊而輸了很多錢,要賣股還債,導致美股冧,倘若美股冧,港股一定冧,而港股冧,不少香港股票投資者要賣樓還債,所以香港樓市一定冧,如此解釋,我真的是第一次聽,當然無話可說。

  其實,影響樓市下跌的因素有很多,包括供應增加,利息上升,中美貿易戰令經濟環境轉壞等,油價下跌或者是適逢其會,絕對不會因為油價冧而香港樓價亦冧,從今次事件中,我們可以發現有一些基金經理根本是賭徒,不過他們是賭別人的錢,贏了除了應收的酬金外還有分紅,就算輸了,他們亦沒有損失,但酬金不能少收一毫,最近,有基金經理用YouTube 向客人表示已經輸晒他們的投資,連見面解釋都費事,我認為這是一個很壞的榜樣,即是對投資基金的人說,即使所有投資化為烏有,只可以說是投資者不好彩,與他們無關,試問以後點會有人投資基金,不如買樓收租,即使回報低亦穩穩陣陣,不會突然收到消息話投資化為烏有,如此來說,油價冧,反而會令更多人放棄投資基金而轉而買樓,最後樓價或者會為此而受惠,不過,大家千祈唔好相信,我亂說亂話,其實,油價與樓價根本是風馬牛不相及,油價冧,樓價有可能同時冧,不過是因為有其他因素,而非油價冧,樓價也會冧。

油價冧,樓價會不會冧
1. 湯瑪斯
2018-11-26 10:28

我都認為「影響樓市下跌的因素有很多」,但我認為樓市會在兩年內跌超過35%。原因是過去兩年樓價瘋狂上升,由高位下跌35%都只係回到冇咁癲既價錢。某大好友在幾個月前仍說香港剛踏入龍市二期,仍然有排升。但近期轉軑了。他找到下台階,就係林鄭提出既空置稅。他與博士一樣認為空置稅不是花招,會導致供應增加,令樓價下調。於是轉軑變得順理成章。現時仍有小部份磚家沒有轉軑或轉軑留下可能回調的後著(風水佬技倆)。這些磚家沒有某君那麼聰明。因為過去幾個月影響香港樓價的因素不變沒有重大變化,惟一新的因素是空置稅,這些磚家卻沒有把握這一下台踏。樓市若繼續下跌,他們只能認錯。不過這類磚家通常不會認錯,只會轉為低調。

3. 十郎
2018-11-26 10:57


      跌左之後一定會回升的 , 只有太陽。如果說香港物業的話 , 請參考日本。我明白香港不同日本 , 香港叻好多 , 咁樣睇下由邊一點下跌吧 , 150蚊匯豐升番未 ? 咁有信心就不如買企鵝。

4. 自我陶醉
2018-11-26 11:14
傻侵努力壓低油價,目的只有一個,就係令通脹減慢,從而影響加息步伐,理論上對樓價有利。
5. 我們的隊伍向太陽
2018-11-26 11:34
港樓跌左一定會升的, 不過
1. 仲未到底, 唔知幾耐到底, Lucy 話三年
2. 到底之後橫行, 唔知橫行幾耐, Lucy 都未開始估
3. 瞓醒慢行, 慢慢行
有壓力的可能是租租, 脂深投資者轉賣為租, 租都開始下降

6. 路人丁
2018-11-26 11:43
近排因住屋需要換樓, 我見到的實際情況係, 樓市其實又唔係想像中跌得咁勁。

你話同今年最高價時比, 表面上當然跌幅大。3個月前最高位時, 根本好多叫價係無人問津, 成交樓目寥寥可數。而今日, 好多叫價比起最高位時已回落大約10%, 個別業主如肯再減多2~3%, 已好快有人接貨。但肯減價的業主好少, 都係因為買左新樓, 或要移民先肯減, 大部份都係堅持唔肯再減。

7. To 6
2018-11-26 11:59
正如當初炒起一樣, 需要一個過程令人相信, 八、九年前新樓過萬一呎都係冇人信。
8. 十一哥
2018-11-26 12:06
通街專家、評論多數建基於正府公佈嘅資料、做就咗正苦操縱嘅能力、最近美帝內部數據都係正面、真假邊個可以確認 ?現實係一路都托水、息口大升係幻想…微調根本唔值得研究。
中美~政府擁有強大嘅操控能力、已經唔洗實質、政策齋噏…效果即時見功…冇人敢抗力、為政點會比自己難過、明呢一點、就知當世化…危而不險、興風作浪…先食到大茶飯。

9. 鳥5
2018-11-26 12:57
油價 同樓市, 可以講唔係直接關係, 大約兩點 係影響好大經濟
油價過低 60蚊以下 國內會出現通縮 中小企融資會非常困難 15年已經試過... 中國俄羅斯 最理想價格為70蚊左右.... 第二就係確認美國強通縮 輸出 政策.。。。 剪羊毛 非常強烈。。。 是故而家中國境況 集水 外出 去槓桿 情況下 加速 國內資金撤資 呢個就係香港宜家面對 短期嘅問題。。。 屋漏同夜雨一齊來都幾麻煩
10. 鳥5
2018-11-26 12:59
停止加息步伐 梗係你好喇 但更加冇錢借 就重大9鑊
11. 鳥5
2018-11-26 13:05
低油價 高美元15年玩過. 大陸即時大鑊... 玩到28蚊... 就美國 頁岩油爆大鑊 120蚊 就全球攬炒... 而家中美兩個都係玩緊果估唔到個頭箍下計...
12. 鳥5
2018-11-26 13:10
美國而家玩緊嘅係 可接受嘅通將盡最大努力強力輸出通縮.. 為博弈 最大利益化... 中國 歐盟 美國, 是但兩方硬著陸 最後一方方為 軟 著陸.。。 安耶倫收水時間表。。。 美國必需 響20 20 第一季或以前完成... 否則美國 都幾危
13. 鳥5
2018-11-26 13:14
美國人唔係針對中國人 或者針對其他國家人 只係針對一件事. ....錢
14. To 8
2018-11-26 13:16
墳哥, 其實老侵想經濟數據好定唔好?
15. 鳥5
2018-11-26 13:38
資產泡沫.. 重點係(大量資金)擁入該資產 都達不可承受.... 當年匯豐銀行120電訊盈科... 資產質素 好與壞 ,並非重點. 重點在於(大量資金湧入)..... 咁講試下大家明唔明, 越巔越贏得多, 最後大家都係 (最大 理智)選擇 .....鬥癲...... 呢個就係人性
16. 香港土著
2018-11-26 13:42
『美國因為自己重債,所以就唔敢大力加息。』哩句說話用於過去幾十年都似乎ok。投資市場上,C9就最中意跟哩種似是而非口號落注。


17. 香港土著
2018-11-26 13:47
借到爆廠,債主唔肯再借,但又要周轉,咁只有涯貴息囉。印錢到盡頭,息又低無可低,趁身體比對家好少少咪快少少減藥囉。
18. 十一哥
2018-11-27 00:29
陀地又信咗19個財資專家嘅論述、認為孭重債唔一定怕加息嘅、就好似老C  food吹108式環環相扣…好玄妙嘅、不過次次都要做死因研究。

19. 香港土著
2018-11-27 10:45
既然你唔明就講白少少。

美國加息去盡到三厘,哩點全世界都知。我講係債息,升跌唔可以100%操控。就算聯儲停止加息,債息可以照上,債息上,新興市場就水緊。

而你就講:『聯儲唔敢加息太多,因為怕自己還債息太金,港樓港股冇問題..』意思即係債息同Fed Rate一致,同上同落。

你嘅C9口號,簡單叫下什麼美國唔敢加息太多,所以全世界就繼續低息,哩句野係廢話,因為美國從來都係重債,但遇上金融風險,一樣要加息,重點係加完人地重傷,自己冇事。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。