地產論壇
登入名稱
密碼
頁數:
David Webb可能會枉作好人
瀏覽人次:21889    回應:23

David Webb可能會枉作好人

 

湯文亮博士

紀惠集團行政總裁
2018年11月22日

  David Webb 上一次發表迷網50,搞到細價股巿場滿城風雨,有一些人到現在仍然一身蟻,以為事情告一段落,點知David 哥又再發表危險41,暫時未知到影響有幾大,但我不明白點解David 哥咁得閒,有時間自己做投資,無謂浪費那麼多人力資源去搞細價股,唔好以為股民會多謝他,其實不會,因為不玩細價股的股民沒有必要多謝他,玩細價股的股民嫌他阻頭阻勢,甚至阻住他們發達,嚴格來說,與我發表細價樓爆煲論一樣,絕對是吃力不討好,我早就知錯能改,David 哥還死牛一面頸。

  在物業市場方面,David 哥有沒有聽過有評論員撰文叫人唔好買劏場商舖或者納米樓,不是沒有,應該是很少很少,因為大家都知道,叫都叫唔住,要買的人一定要買,但買了一次之後就不會有下一次,既然只是一次性的,點解要阻止他們,在細價股方面也是一樣,那些買了細價股的人,不但見到其地公司派息他們又沒有份,還不時要供股,而股價又不斷下瀉,試得幾次,叫他們也不會買細價股,不如實實在在買一些大藍籌,所以,發表那些迷網50,危險41根本沒有用,甚至可以說阻礙了股票投資者的成長。

  其實,David 哥應該知道,那些細價股買賣根本是另外一個市場,一般投資者是不會參與,嚴格來說,他們是塘水滾塘魚,平日的成交量很少,成交金額也不多,但那些細價股股票就成為股票持有人借錢的抵押品,雖然股票不值錢,但隻殻仍然值錢,如果借錢的人未能按時清還欠款,抵押用的股票就會被斬倉,有很大機會連話事權也失去,隻殻當然也是屬於別人,除非是新玩股票的人,如果玩了一段時間,或者在某隻細價股輸過錢,就唔會再買細價樓,現在David 哥列出迷網50以及危險41,有可能令人誤會除了那91隻股票之外,其他股票,包括細價股都是安全,使到他們失去戒心,豈不是枉作好人。

David Webb可能會枉作好人
1. 望東樓
2018-11-22 09:00
聽聞因為細價股事件,原本細價股可以用來做抵押,但依家冇人肯收。好多人資金鏈出現問題,於是要將豪宅出賣/按比財務。唔知係咪指同近幾日睇倒機單慘不忍睹嘅成交有關。
2. 香港土著
2018-11-22 09:40
迷惘股搭棚師傅猶如老鼠,警覺性非常高,基本上太陽一出就會遁入溝渠,出嚟行走唔敢帶貴重物品跟身,唔會傾「家」, 只會破產。
3. 香港土著
2018-11-22 09:45
博士,非常認同。

從仆街經驗成長,好過罰抄「我以後不再貪心」千萬倍。
4. 自我陶醉
2018-11-22 09:47
天地有正氣,錢並唔係一切。 證監懶理,港交所唔會理,搞搞下成個場都係老千,慢慢就冇人會信股市,冇咗呢啲垃圾,錢自然會流入真正做生意嘅公司,既救了無知股民,又幫了香港股票市場健康發展,仲落力過個個月收錢嗰班友,Webb哥實在功德無量。

5. 十一哥
2018-11-22 10:15
勸得到…就唔係賭、老湯講中哂、果D落叠嘅全部係…聰明人…所以係唔使可憐嘅、講交、正監、都同士丹利一樣角色、開得賭點會真心唔想做大條數、多D古靈精怪…個場先會巴巴閉閉、個個淨買大籃籌收息…生發發就一定傑笪笪。

6. 安全駕驶
2018-11-22 12:17

有說,上次迷網50”Webb先生因為投資失利作出的報復。今次危險41”可能也是他投資路上的一步棋法,目的並不一定是為了警惕投資者。

7. 自我陶醉
2018-11-22 14:17
我也聽聞他曾買了一隻嬰兒用品股中伏,但未經證實。這更證明中伏並唔係一般散戶專利,證監必需嚴正處理這些老千股問題。
8. 引刀一快
2018-11-22 16:11
柴舟叔話齋,憎恨使力量變成無限大,唔係有前因,點會咁大動力做嘢兼分享吖。

唔知大陸有冇人夠膽咁玩呢?
9. 自我陶醉
2018-11-22 16:49
引刀兄

莫講話大陸股市冇香港咁高透明度,就算俾你搵到個老千,你都唔敢亂嚟,你睇下啲p2p 苦主咩情況,若然搞到幾十隻老千股齊齊插水,肯定唔得掂,惡意破壞金融系統穩定,加埋尋釁滋事兩條罪,監都有得你坐,未開始行動已經拉咗喇。哈哈哈!
10. 十郎
2018-11-22 17:01


      大衛哥唔會單打獨鬥既 , 會唔會基金呀 ? 彀股有價 , 佢買左然後唱衰 , 收網果個會唔會係佢呀 ?

      基金殂擊藍籌股失敗 , 都有歷史可查。當年壞孩子殂擊新世界 , 給彤叔三爬兩撥打扒左 , 彤叔要大幅度供股 , 壞孩子死死氣講數投降。

      大衛哥如果受左老千氣 , 真係可憐。買細價股就比人千 , 買大價股就比人蝦。🤧🤧🤧🤧

11. 引刀一快
2018-11-22 17:16
自我陶醉兄

厲害,你講嘅,就係我唔敢講果D囉,不過國家有一D專門負責唱淡嘅寫手,佢地好似呢度D游擊隊,次次唔同筆名,作用係平衡訊息,真係以看淡稱著有名氣果D,個個都冇嘢寫。
12. 自我陶醉
2018-11-22 19:11
引刀兄

其實我冇講咩喎,只係介紹下兩地唔同嘅法律制度啫。

講真,大陸嘅老千股,又的確對金融穩定十分重要,若然有500隻、1000隻老千股全部一齊插水,你都咪話唔得人驚。哈哈哈!
13. 真真薯片
2018-11-22 21:08
細價股唔同劏場,我見好多賭細價股既人,輸完再賭,再輸再再賭,輸到妻離子散都停唔到,唱衰細價股一方面阻人發達,另一方面都阻人破產
14. 向泛民说不
2018-11-23 09:45
自醉,讲开老千股, 全世界都有,金融中心难避免,破坏最大的就是次按,鬼佬明知是石头,仲要当A A A黄金卖比你。谁更无耻。

15. 自我陶醉
2018-11-23 11:40
向飯,

你又啱喎! 有冇睇過The Wall Street Wolf? 

冇老千即係嗰度搵唔到食喇,問題係老千比例有幾多,同有冇機制去制衡。你認為人哋個價唔值,你可以隨便唱,隨便沽,你有本事推冧佢個棚係你叻。 

有咩地方係你俾老千呃咗都唔可以出聲唔可以做嘢? 又有冇市場會在跌市時唔准人唱淡?你依足程序沽空,有冇人會話你惡意沽空? 有冇人會去拉你,抄你家? 
16. 向泛民说不
2018-11-23 11:56
自嘴,你可以闹David Web 是恶意估空,但是香港有无禁呢?
有句话,有强奸,无焗赌。贪字得个贫。一个好称在金融中心长大的高尚香港人去买老千股,输了可以怪谁?
最讨厌是现在反华势力咩春赖政府。fake news无孔不入。

17. 自我陶醉
2018-11-23 12:46
向飯,

咁快你就腦充血喇! 對身體唔好啊!討論時平心靜氣嘛! 我講過咩fake news?我只係問咗你幾個問題啫? 你有答案了嗎?

乜人哋Webb哥有話要怪政府咩? 證監睇唔到啲老千,呢位阿哥只係自己動手大掃除去拆棚,唔洗再有人誤墮陷阱啫,有咩問題? 

話時話,早排p2p 爆煲你有咩睇法? 我懷疑係fake news! 哈哈哈!
18. fake news
2018-11-23 13:25
棚 係 "fake" news, 唔係 fake news
19. 向泛民说不
2018-11-23 13:58
自醉,在一个国家发展金融的时候,P2P这样问题的阵痛是要面对的。类似P2P在香港也试过。60年代的银行危机难道不是吗?当时恒生银行仲要无奈的比汇丰吃掉。汇丰在殖民地时代就可以打横来,一去到美国,就被老美罚完一次又一次。仲有70年代的天线泡沫,难道又不是吗?
大陆的优点是肯去尝试。香港人97年前也是肯尝试,不过97年之后,被饭民废材洗脑,船头怕鬼,船尾怕贼。真是“无路用“, 台湾话/闽南话很传神的骂人没有用。香港人也有一句话,叫做比条路行下。不过饭民连”路“也抹黑。可怕。
20. 向泛民说不
2018-11-23 14:02
自醉,在一个国家发展金融的时候,P2P这样问题的阵痛是要面对的。类似P2P在香港也试过。60年代的银行危机难道不是吗?当时恒生银行仲要无奈的比汇丰吃掉。汇丰在殖民地时代就可以打横来,一去到美国,就被老美罚完一次又一次。仲有70年代的天线泡沫,难道又不是吗?
大陆的优点是肯去尝试。香港人97年前也是肯尝试,不过97年之后,被饭民废材洗脑,船头怕鬼,船尾怕贼。真是“无路用“, 台湾话/闽南话很传神的骂人没有用。香港人也有一句话,叫做比条路行下。不过饭民连”路“也抹黑。可怕。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。