地產論壇
登入名稱
密碼
頁數:
茶餐廳亂話(416)同銀唔同命
瀏覽人次:19049    回應:5

茶餐廳亂話(416)同銀唔同命

 

湯文亮博士

紀惠集團行政總裁
2018年10月30日

  今早去到茶餐廳,老闆問點解昨日匯豐的業績如此不濟,股價反而升了5%。是否壞消息去盡?沒有壞消息便是好消息。我有多少不明白,匯豐昨日所公布的業績比所有分析員預計為佳,不但盈利高於預期,而且連范寧上任時的承諾,匯豐的收入增長高於支出增長。雖然在第三季仍未可以做到,但估計在第四季就可以做到全年收入增長高於支出增長,基本上沒有投行或者分析員彈核這份報告,我認為股價上升5%實在太少。至於在公布之前點解有咁多不利消息,有咁多分析員叫大家沽空匯豐,這可能是他們與茶餐廳老闆一樣睇錯隔離,將渣打變做匯豐。如果匯豐昨日公布的業績與渣打一樣,即時下跌10%絕對不出奇。

  雖然渣打還未公佈業績,但已經要求高層提供裁員及削減開支計劃。由此可見,業績也不會太好。渣打股票持有人見到匯豐與渣打有如此巨大分別,唯有嘆一句同銀唔同命。在渣打公布業績之後,不知股價的表現又會如何。

茶餐廳亂話(416)同銀唔同命
1. MT
2018-10-30 10:39
全世界都睇匯豐唔掂,係博士唱反調,又真係俾博士睇中,唔服唔得
2. 湯瑪斯
2018-10-30 12:01

近幾年有教人炒股炒樓的網站一直唱淡匯豐,我最記得個主持話匯豐冇賺錢能力,所謂收益只係靠賣資產(那一年匯豐確係賣了一些資產粉飾廚窗)。但我唔明點解匯豐冇賺錢能力,我用左匯豐信用卡十幾年,據悉佢係其中一間最能在信用卡賺到錢的銀行,重有按揭貸款及同業拆息應該賺唔少,更重要的係匯豐作為恒生的控股公司,恒生賺錢佢分得最多,所以我相信匯豐有能力賺大錢。以上只係我個人的印像,我冇時間睇佢既年報。現時環球經濟有隱憂,中美又打貿易戰。我連匯豐都唔敢買,一年多前起已經一股不留!兩年內持現金做定期安全好多,就算被通賬侵食都係蝕少當贏!我承認自己保守!

3. 十郎
2018-10-30 17:53


           再談沽空

      大家唔會以為沽空一億多匯豐的是散戶嘛 ? 大銀行 , 投資銀行有信託戶口, 又有等錢用商人按入的各式各樣股票 , 投資銀行有晒最尖數據 , 最新消息 , 最多股票 , 最有可能做淡者是投資銀行。佢唔會苯到打正旗號出招, 可以用旗下艇仔出手, 衰左艇仔背鑊 , 唔會學雷曼摺埋。你地覺唔覺得自己跟投行對賭。

      翻查匯豐去年派息率是106.25%  , 佢將盈利派盡都未夠。大家留意。


      
4. 真真薯片
2018-10-31 10:02
可能之前沽空匯豐,就係想琴日升返比你睇

渣打不斷cutcutcut,已經cut到d服務同前線甩頭甩骨,邊個夠膽就去試
5. 真真薯片
2018-10-31 10:12
2樓,我個人認為匯豐已經係半公營機構,好似電燈咁,作為最大銀行,香港好多本業如你所講既信用卡,按揭等已經係自動賺錢,但係呢d業務已經飽和,變成市好佢就自然好,市差佢就跟住差,對投資者黎講冇咩增長慨念,另外匯豐比人罰完大錢後,唔比人開公司戶口,呢個做法會食少好多大陸生意,尤其係大灣區一帶一路個餅佢食少好多,再者,香港金融業已經比阿爺主導,依家中銀先係一哥,有政策同正苦扶持,匯豐冇晒背景,所以我認為買股票既話,匯豐都係一般,用黎買多幾隻分散風險,收息係可以,但係唔會熱炒
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。