地產論壇
登入名稱
密碼
頁數:
茶餐廳亂話(414)現代版朱序
瀏覽人次:19247    回應:7

茶餐廳亂話(414)現代版朱序

 

湯文亮博士

紀惠集團行政總裁
2018年10月28日

  昨日有兩個講座,做完之後非常之攰。好彩昨晚有一覺好瞓,今早起身又可以同平時一樣,跑完步去茶餐廳。有一個熟客知我買了匯豐,於是語重心長對我說:他以前一向睇好股票,在恒指3萬3點的時候還叫人入市,但現在情況有變雖然恒指已經下跌低過2萬5點,不但叫人唔好入市,而且有貨要沽,冇貨就要沽空。老實說,我跟那位茶客不太熟,而且是早餐時間,各人靜靜地享受,我亦會用這段時間分析股樓形勢,甚至寫一篇文章。我覺得那位茶客認為自己很有魅力,可以用個人力量影響股市,媲美「淝水之戰」朱序,他太睇得起自己。

  其實不只那位茶客,現在差不多所有評論員突然間變哂做朱序,以前睇好就變成睇淡股市,不但對大家說有貨要沽,冇貨也要沽空,否則對不起老祖宗。我實在不明白,做評論員或者分折員可以叫人買,叫人賣,但不能叫人沽空,除非是另有個人目的。我於是問那位茶客有沒有沽空,答案竟然是沒有。不過,他會在股市低位時做白武士買股票。我再問幾多是低位,佢話大約比現在跌多10%。為了10%而沽空,股票投資者絕對不會做,他可能枉費心機。事實上投資股票好似參加一個賭局,理論上可以唔贏都唔走,但沽空即是為賭局設立一個時限,夠鐘就算輸都要走。賭仔明白這些道理,我也是賭仔,所以沽空的事一定不會做。

茶餐廳亂話(414)現代版朱序
1. 香港土著
2018-10-28 10:47
限時賭局,自己唔玩。睇人玩就好過癮,傻仔真人show,贏就扮股神,輸就扮冇野。
2. 真真薯片
2018-10-28 12:12
香港散戶大部份都唔識沽空,最多買下熊證put輪,茶客可以慳返淡氣
3. 十一哥
2018-10-28 13:44
而家猶太佬把持唔哂環球財資市場…當然歐美仲係主導力量、阿爺玩唔到歐美、喺亞太就扮演在後嘅黃雀、喺香港猶佬要大規模沽空會膽戰心驚、以為長空萬里時就挾到應…唔係阿爺出手、陀地大錢袋自己回購、大錢袋頂唔順…阿爺黃雀在後…夠低就一箭雙鵰㗎啦!呢點猶佬會唔知碇 ?  

4. 香港土著
2018-10-28 19:08
牛熊證及窩輪同樣係限時賭局,但賭客比沽空股票期指更慘情,就係遊戲條款可以不對等地有利發行商。
5. 引刀一快
2018-10-29 09:23
香港土著兄

有冇聽過大陸2007年果隻“鹽湖鉀肥”?
6. 香港土著
2018-10-29 10:44
跌淨十分一?!
7. 引刀一快
2018-10-30 05:37
2007年鹽湖鉀肥嘅認沽證,最後收市仲keep住一毫子,個庒叫D人走,佢頂住,仲建議每人留100股做紀念。
係當年股壇風雲大事。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。