地產論壇
登入名稱
密碼
頁數:
茶餐廳亂話(413)若要褲穿窿,齊齊去沽空
瀏覽人次:22333    回應:9

茶餐廳亂話(413)若要褲穿窿,齊齊去沽空

 

湯文亮博士

紀惠集團行政總裁
2018年10月26日

  今早去到茶餐廳,有熟客問我昨日有沒有沽匯豐。因為有經濟大師話如果現在唔沽空,就對唔住老祖宗。我亦有睇到這段分析,但我知道那位經濟大師是真正的燈王,他在年初時股市最高位撰文發表股市還有大幅上升空間。文章出街之後股市下跌至今仍未收科,今日叫大家沽空,會不會又是一個啓示?我真的不知道。我只認為若要褲穿窿,齊齊去沽空。

  本來買賣股票,只是一個投資行為,並不是賭博。如果沽空,就將投資變成賭博,而且是最低級的一種。冇錢走去賭的人是不是最低級,他們是賭白頭片,是屬於博命級數。如果要賭,就賭他們對家,這叫做頂白。很多人不明白頂白的真正意思。在股票市場如果是賣走手上股票,這叫做拋售,冇貨而賣才叫沽空。昨日,有消息傳出有基金沽空一億股匯豐,消息被傳出的真正意思就是希望有其他人跟著他們去沽空,這樣基金才可以趁低吸納,他們就可以甩身,跟他們去沽空的人就要坐艇。有貨還好,冇貨就要補倉,這種苦況非筆墨所能形容。我只能夠說,手上有貨還可以一博,冇貨的話就千祈唔好沽空,隨時會輸到褲穿窿不過又很怪。手上有股票的人不捨得賣,沒有股票的人反而夠膽沽空。

茶餐廳亂話(413)若要褲穿窿,齊齊去沽空
1. 十一哥
2018-10-26 10:39
深呼吸多幾次…吸夠氧、深潛…捉大魚…

2. 無序脫歐衝擊金融市場
2018-10-26 11:03
英倫銀行副總裁伍茲表示,英國各銀行必須持有足夠現金,以抵禦明年3月可能出現無序脫歐衝擊金融市場的情況。
3. 十一哥
2018-10-26 11:35
市場數據披露好全面、沽得夠深先挾得夠應、推得夠高就派到接咗貨嘅頭擰擰、以前過江龍玩哂…每次都完鬆、而家所謂~國家隊~玩到過江龍有D神傷。

4. 橋水
2018-10-26 13:41

股王滙豐控股﹙0005﹚下周一﹙29日﹚公布季績,惟股價近日明顯乏力,遠跑輸大市。有報道更指全球最大對冲基金橋水(Bridgewater)早於今年3月已沽空滙控,涉逾1億股,堪稱滙控最大「空軍」!

截至中午收市,滙控報60.65元,挫1.5%,雖然守住60關,惟股價創下52周新低。該股下周一公布季績,自然成為市場焦點,但原來已有基金「提前」出手沽出滙控!

有本地傳媒引述彭博數據顯示,全球最大對冲基金橋水(Bridgewater)於3月23日時申報在倫敦交易所累計沽空逾1億股滙控,相當於流通市值約0.5%。按當日收市價約為74港元計,橋水7個月內帳面獲利19%或13億港元(未計利息成本)。報道又指,截至目前為止,暫未見橋水的平倉紀錄。

沽空率連續6日超過50%

翻查資料,滙控本港昨日沽空率﹙沽空佔成交金額﹚達50.3%,一連6日超過50%。而按證監最新數據,截至10月12日,滙控已申報淡倉達1.114億股,金額達73.6億元,而對上一星期﹙10月5日﹚,該股申報淡倉則為7,691.7萬股,淡倉金額52.64億元。換言之,滙控淡倉股數及金額一周內分別急升44.8%及39.8%。

5. 沽空
2018-10-26 14:03
不只大象腳痛,本地銀行股都沉緊。 背後應該有d事未見光。
博士看好樓市!但可能市場上很多人賭樓市大瀉,銀行壞帳急升。
6. 十郎
2018-10-26 15:07


      以在下所知 , 沽空並不是賭 " 白頭片 " 的。沽空股票要放低 deposit 的 , 保證金可能比正股還要貴。

      買實股是睇好買上 , 沽空是睇淡買落。沽空的危險程度好大好大 , 因為沽空賺就有限 , 蝕就無限。例如70蚊沽空   佢可以升到100蚊 , 就蝕25蚊 , 佢可能升到1,000蚊 , 10,000蚊 , 蝕就無限了 , 呢d叫做夾倉。所以沽空是博命行動 , 又違反人性 , 心理負擔超大。抵人賺錢的。

7. 自我陶醉
2018-10-26 18:10
十郎兄講得冇錯,借貨沽空最少要現價105%按金, 比買實貨更貴,睇錯市仲要日日補倉,又點算係冇錢賭仔? 少啲資金,少啲技術都冇本事玩。

市場有人睇升有人睇跌係好正常,否則唔洗搞咁多衍生工具俾人買跌。 如果冇貨借貨沽空係賭仔,咁冇錢買樓要借錢買樓又係咪賭仔? 博士咁大反應,一定係成手匯豐,哈哈!

8. 博士
2018-10-26 18:19
沽空不是錢的問題,是貨的問題,我話賣層樓俾你,原來我打算買入再摸俾你,有錢都冇用,在賭仔來說,算是賭白頭片。
9. 十一哥
2018-10-26 21:28
挾沽空~衹要夠銀就百份百啅硬、爛銅都可以掃到貴過金、當年貪曾認屎認屁…什麼驚心動魄打大鱷、其實係阿爺睇哂尾…大大殺起…就怕你冇貨買、猶太佬想about turn跳十幾個價位都冇貨平倉、呼天搶地唱阿爺茅、掉轉阿爺幫香港食到滿咀油、不過吹咩!


頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。