地產論壇
登入名稱
密碼
頁數:
去到茶餐廳(411)不要浪費資源
瀏覽人次:19856    回應:9

去到茶餐廳(411)不要浪費資源

 

湯文亮博士

紀惠集團行政總裁
2018年10月23日

  今早去到茶餐廳,有熟客話有大學收了他去讀MBA。我問貴庚,佢話六十有一,咁大年紀仲去讀書,簡直是浪費資源,讀完MBA都唔知道要嚟做乜。熟客可能不知道,MBA是哈佛大學在美國經濟不景氣的時代產生出來的產品,當時不少人失業,打算回大學讀書。哈佛有見及此,便開辦MBA課程,並且有教無類,任何本科畢業生者都可以讀,只要俾得起錢就可以。老實說,哈佛收得很貴。不過,在18個月畢業之後就頒發一個商業管理碩士銜頭給那些俾足學費的人。其實,有很多MBA生連資產負債表都唔識得睇,哈佛辦得成功,其他大學亦爭相效尤,導致MBA數目大增。當中有很多不懂得商業社會,人力資源見到那些MBA都會加多一句問那些應徵者的本科是讀什麼。

  那位熟客已達退休之年,是時候回饋社會而非浪費社會資源,讀MBA不如去做義工,在山竹過後還有很倒冧的樹木仍未清理好。老闆與我每星期日下午都會去不同地方清理,老闆叫那位熟客不如加入我們行列,雖然只做四小時,但已經很攰。熟客話考慮一下,其實,老人讀MBA只不過是虛榮心而已。

去到茶餐廳(411)不要浪費資源
1. MT
2018-10-23 09:39
除咗虛榮,仲可以晒命,話俾人知自己點叻點勁
2. 哈中
2018-10-23 10:32
睇資產負債表,買本書或者上YouTube學已經得,去大學讀係拎隻網球拍去拍蚊。
3. HKY
2018-10-23 11:35
湯先生富而有智,感謝您的文章,有机会能向您學習!
多谢!

4. 湯瑪斯
2018-10-23 11:58
「終身學習」應該鼓勵。筆者三十幾年前在外國讀大學,見到一位年近七十的長者來上講座課,以為他來接孫女。原來他也是來讀書的。很多讀MBA的人本科不是讀經濟或商科的,但一般都是主任級以上的管理人員。六十一歲不算老!志雲大師常說六叔創立無線時已經六十歲。所以唔好睇小老人家。
5. 十一哥
2018-10-23 12:10
行走江湖…揾到銀子…就要哂quali、人之常情。

6. 十一哥
2018-10-23 12:47
高學歷低智商噚日即有現成例子、代表大判嘅大狀講嘅…篤爆剪根單嘢條友係出於…私怨 !  !  ! 冇否認有剪根事情…不過唔係大判做嘅。
咁荒謬嘅理由係由大狀把口…專業地喺法庭陳述、唔講被篤爆嘅是否罪行、大判角色責任…喺乜都未識、市民咁陳述實比法官笑、不過大狀就冇窒得…

專業quali價值體現…最佳例子。

7. 望東樓
2018-10-23 16:25
如果到咗退休嘅時候,閣下又冇後顧之憂。咁修補一下自己人生嘅遺憾應該係冇乜問題掛?比方走去讀存在主義、天文呀咁。重要攞番個first鞍畢業。
8. 引刀一快
2018-10-24 04:49
咦?向飯呢?

向飯唔係一直好希望解放軍出動咩?依家如你所願,解放軍真係喺香港出咗處女之征,向飯有冇去野外捕獲呀?
9. 真真薯片
2018-10-24 13:51
在下認為香港老解冇必要就唔好出動,要真係大鑊先出動,而且一出動就要解決問題,咁會比較好,香港正苦成個月都清唔晒d冧樹,正苦無能,老解唔洗出手,真係要出手就幫忙影相send返北京,話比阿爺知香港正苦有幾廢
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。