地產論壇
登入名稱
密碼
頁數:
黃遠輝應該攞大紫荊勳章
瀏覽人次:23624    回應:33

黃遠輝應該攞大紫荊勳章

 

湯文亮博士

紀惠集團行政總裁
2018年10月16日

  特首林鄭月娥在施政報告提出「明日大嶼」的填海計劃,社會上立刻出現不少迴響,反對政府團體在極度倉猝之下,仍能組織到大約5,800人,名為「明日大嶼,今日大鑊」的遊行,由遊行隊伍所見,即使時間不足,但遊行的道具一應俱全,大家可以想一想,如果政府一早提出這個填海計劃,在未出台之前一定會受到不少反對聲音,最後又是胎死腹中,所以,在未推出填海計劃之前,一定要將反對聲音引導去其他地方,不過就要一個人做敢死的棧道兵,因為在過程中,一定會受到不少攻擊,說不定連個人私隱也會被揭出來,最後,政府成立土地供應專責小組,由黃遠輝領導,搞了幾次大辯論,將社會上的反對聲音全部集中在小組提出的18選項,令到林鄭可以在施政報告從容提出龐大的填海計劃,我個人認為黃主席應該獲得大紫荊勳章。

  有人話若果黃主席沒有開記者會質疑政府點解土地供應由1,000公頃上調到1,700公頃,令他和他的小組作做的事變成徒勞無功,甚至有被政府玩弄的感覺,他的確可以攞大紫荊勳章,但記者會之後,他的勳章可能泡湯,我認為他們少擔心,我怎樣也不相信黃主席不知道自己是棧道兵,政府交給他29個隊員,包括前立法會主席,醫院院長,學校校長,以及各行業的精英份子,他們甚麼也可以做到,但就是搵唔到地,叫一隊不知道怎樣搵地的人搵地,如果可以搵到地,就顯得政府官員相當無能,黃主席是知道的,他之所以要開記者會,最大目的是向其他隊員交待,話被其他隊員知他也是受到政府欺騙,開記者會只不過是做戲做全套而已。

  由於黃主席開記者會質疑政府,搞到林鄭都不知怎樣回答,唯有打個單擋,將個波交給發展局局長黃偉綸,綸少話這個填海計劃比機密還要機密,叫絕密,所以,就算與黃遠輝是同宗都唔講得,暗示黃遠輝不要再追撃政府,我相信事件已經告一段落,填海計劃即將上馬,輝哥準備接受大紫荊勳章。

黃遠輝應該攞大紫荊勳章
1. 鳥5
2018-10-16 12:19
呢個project係呀爺幫香港人策劃。 背後有高人。。。 歷屆武冇一個港獨包括特首 可以夠夠薑 策劃一個 萬億儲備嘅計劃 呢個牽涉到主權國家 波哥仲話發債一萬億 有信心 即係已經搵咗buyer啦. 再從結局去睇 ,不如話一個好有實力嘅buyer計劃...啱喇 接受呢份禮物喇.. 公仔唔使畫出腸 大家明
2. 鳥5
2018-10-16 12:31
好事黎既! 同故宮,航母一樣,只有国家主權( 中央),先做到,射香港射到出面,。。。上海又話要航母訪港,習生話比條毛你,等吓先。。祝願習生長命百歲
3. HKY
2018-10-16 12:37
感謝湯先生精細的分析,
对我的做人做事從此得到 當頭棒 的教導,也改變了我很多套牢了的人和 事物的了解和愚蠢的思考模式.
衷心謝謝湯先生啊!
4. 鳥5
2018-10-16 12:38
上馬喇, 阿爺包底。。。又耍着數又要樽鹽。。 就嚟冇仔生㗎喇
5. 現實
2018-10-16 12:53
同當年董伯伯八萬五一樣,地霸看到1700公頃土地供應,即時組隊大反撲,迫林鄭放棄,如果阿爺今次貿易戰同內地供給側過到關,都係時候治下呢班地覇。
6. 鳥5
2018-10-16 14:06
8/F,新中囯建囯以來,從冇(失控財閥)D件事.. 好定壞 在下晝唔批判.. 不過係事實
7. 十一哥
2018-10-16 14:30
填海係最有誠意…不過就唔會即時打瓜地產嘅方案。

8. 鳥5
2018-10-16 14:43
十一哥 打瓜地產,只有外圍佬 地霸下下玩現金 ,又有邊個玩得死佢呀!。。。世上冇一個台下觀衆玩贏台上麾術師 啫1.。。。But台下冇觀眾,佢就要死。。。 唔怕精唔怕你呆最怕冇人嚟。。。而家係玩正苦同大部用家Direct DeaL,清水樓。。。
9. 鳥5
2018-10-16 14:51
正先係用 核彈在手(長供應),再打常規戰(短供應)。。再話你現聽而家有能力,而係地霸 完全唔知情嘅情況下發生。。。同以前非常不同,想一想。。。something is going on...
10. 十一哥
2018-10-16 15:10
雀仔  乜你以為正苦真係同大錢袋唔妥咩 ?



11. 大錢袋
2018-10-16 15:35
地鐵都係一個失控嘅大錢袋, 正苦連自己下屬企業都管唔掂。
12. 鳥5
2018-10-16 15:56
地霸同政府, 只有永遠嘅利益,冇永遠嘅敵人, 不過高地策。。凡事有盡頭大家明, 邊個上台喺呢個時候,都係做同樣方向嘅事
13. 永遠嘅利益, 永遠嘅敵人
2018-10-16 16:15
聽話就係利益, 唔聽話就係敵人, 高地價係正苦的專利, 冇話俾你玩高樓價喎, 而家妹仔大過主人婆。 
14. 十一哥
2018-10-16 17:07
正苦賣粉就價高者得、粉貴…包~邊有得平、加埋正苦自己都攪番檔市建局…收買價就參考同區幾年樓、咪即係~認同~大錢袋嘅樓價囉 !  所以市建賣樓就同大錢袋拍住跑…扯住上。

納米單位隨時過6球、以前兩球零三球、識計就知正苦抽水分別幾大、大佬…咁腫嘅公務員團伙…出糧真係唔講得少㗎、傷到大錢袋…你出糧呀?

15. 十一哥
2018-10-16 17:21
上下呢度地產網睇睇、好多數以萬呎計嘅農地放售、維到千蚊左右、正苦就收哂呢批都唔少地皮啦!填海正正就係長命功夫長命做嘅選項、結果可能在責任人有生之年都唔洗面對嘅。

16. 以前兩球零三球
2018-10-16 17:22
市見局成立之初都是拍烏蠅, 預七年樓價收都有 so, 誰知後來成了包袱, 而家是不是做一單蝕一單?
18. 鳥5
2018-10-16 17:53
坐下覺得, 政府都係跟住個地心吸力嚟行。。。。 順勢者昌逆勢者亡... 唔係人嘅意志可以改變
19. 鳥5
2018-10-16 17:59
全球有七八十億人 ,香港樓價 全球高危第五大,亞洲第一。。。如果你認為 ,十零廿萬個公務員 七下七下就可以成事,升到上火星。。就略為單純多一啲
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。