地產論壇
登入名稱
密碼
頁數:
黃遠輝不知道自己是棧道兵
瀏覽人次:24667    回應:7

黃遠輝不知道自己是棧道兵

 

湯文亮博士

紀惠集團行政總裁
2018年10月12日

  當特首林鄭成立土地供應專責小組,俗稱搵地小組。我已經話這只不過是掩人耳目。大家如果有留心小組成員:有醫院院長、學校校長、工人領袖、退休立法會議員。他們每一個人都可以獨當一面,但有一件事他們唔識做,就是搵地。政府搵一班唔識搵地的人搵地,可以搵到都算出奇。至於小組主席黃遠輝,他的確有能力搵地。不過,他不相信樓價飆升是因為土地供應不足。在過去兩任特首推出辣招時,黃遠輝都曾經表示出招可以令樓價下壓兩三成,有利上車人士,他這種心態現時未知道有沒有改變。如果沒有,做完一輪大龍鳳大辯論之後,建議政府繼續出招,林鄭如何處理?倒不如先下手為強,不等大辯論的結果。在施政報告發表時推出「明日大嶼」這個填海計劃,黃遠輝唔滿意都沒有辦法,鬼叫他不知道自己是棧道兵。

  其實政府要推出「明日大嶼」這個填海計劃,在之前一定有一些蛛絲馬跡。如果黃遠輝收到料,就應該早向政府建議填海造地是最簡單方法解決土地不足問題,先搶頭注香,林鄭也沒有奈何。不過,歸根結底黃遠輝始終認為樓價飆升是炒家所為,只要繼續出招,配合經濟環境因中美戰略戰轉弱,樓價自然會下跌。填海是勞民傷財的事,現在叫政府解釋,究竟解釋什麼?只是他自己不識時務而已。

黃遠輝不知道自己是棧道兵
1. 不識時務
2018-10-12 12:03
嗱, 邱騰華就有吉士嘞!

「邱騰華在一個電台節目說,如果美國在對外貿易政策取態上繼續挑起事端...」

如果我係黃遠輝, 就會建議圍壠啟德河, 無公害填到觀塘, 唔單止 2023 有樓賣, 「明日大嶼」所需幾千億濕碎錢找唔晒都找左一大半矣。
2. 你說怎麼辦
2018-10-12 12:12
真係十年河東十年河西, 當年魯平講嘅野現在居然仲可以出自垃圾黃屍蟻員之口, 如果機場項目叫做成功、跑道廿年已經唔夠用, 垃圾黃屍蟻員真係即講即坐艇, 自打咀巴。
3. 有早知
2018-10-12 12:33
前兩任特首如一早就宣佈狂填海做地,不用出辣招,就可以阻止樓價急升。

可悲的就是,到了現在好多人都認為樓價高是炒家做的好事。
4. 十一哥
2018-10-12 13:48
軟揮…一向覺佢玩程序好有台型…結果永遠係…兜兜轉轉交唔到料。
炒家無罪、佢地係充滿戰略智慧…戰術能力嘅一群高端生物、唔通似…天真真~玩刀刀~成日喊驚、好似地霸打咗佢地荷包~咁好D ?  
好彩香港都係高端強低端弱、能力有比較就冇得抝、所以天真最抗拒老表嚟香港、怕企都冇位。

5. 玩程序好有台型
2018-10-12 14:51
哩啲叫「做左野」!
6. 真真薯片
2018-10-12 16:29
黃遠輝既真正工作係拖時間,佢做得相當成功
7. 連跌六週
2018-10-12 16:39
細價樓帶動下調 CCL(中小型單位)累跌6周達1.59%
https://ps.hket.com/article/2181932?r=cpstni
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。