地產論壇
登入名稱
密碼
頁數:
什麼人才可以稱得上是大好友
瀏覽人次:26969    回應:7

什麼人才可以稱得上是大好友

 

湯文亮博士

紀惠集團行政總裁
2018年10月2日

  昨日國慶假期,天氣雖然乾燥,但非常適合行山。不過,我沒有去行山,改坐小輪去尖沙咀行九龍海濱長廊,回程到北角行香港海濱長廊。在坐渡輪的時候,有不相識的人話我最近買了一層甲級寫字樓。雖然口中說淡,但行動反映我是一個睇好樓市的人。那人不明白,我買甲廈是商業行為,就算我唔睇好樓市,但公司現金流足夠。倘若價錢合適,仍然是可以買,而且是問銀行借錢買。雖然按揭成數很低,但利息亦很低。所以,不能說我是一個唱淡,而事實上是一個樓市大好友。

  那人問,如果我也不是大好友,什麼人才可以稱得上是大好友?就是那些採用高成數按揭買樓的人。不過,他們一定要有剛性需求,如果他們沒有剛性需求而借高成數按揭買樓,就不是大好友那麼簡單,而是一個賭徒,現在樓市充斥著類似賭徒。老實說,是不太健康,下調亦是正常反應。

什麼人才可以稱得上是大好友
1. 腥港人
2018-10-02 10:12
即使借到按保,喺金管局嘅保護下,仍然安全,重點係要做好壓測,問銀行借
2. 真真薯片
2018-10-02 11:52
北角海濱長郎如果向西行會好短,向東行要過左差館先好行
3. 湯瑪斯
2018-10-02 16:01
今日見到「業主求死」廣告標語。諗極唔明!等錢使要錢唔要貨既業主應該係求生,唔明佢地為何求死!
4. 博士
2018-10-02 17:11
物業代理話搞錯,應該是業主求售
5. 博士粉絲
2018-10-02 18:18
買甲廈是商業行為,就算我唔睇好樓市,但公司現金流足夠,倘若價錢合適,仍然是可以買,而且是問銀行借錢買,雖然按揭成數很低,但利息亦很低,所以,不能說我是一個唱淡,而事實上是一個樓市大好友。

博士是否指公司睇好樓市(寫字樓市),個人睇唔好樓市(住宅樓市)?
6. 博士意思
2018-10-02 21:38
我估博士既意思是說無論是什麼類型物業, 有需要又有錢買就可以買, 有需要但冇錢買就唔好充。至於咩叫有需要就自己睇自己喇。好友淡友是相對的。
7. 引刀一快
2018-10-02 23:58
當手上大把錢嘅時候,策略、重點、價值觀都隨之改變,點可以用平民百姓角度去衡量湯博士嘅做法。

正如年青時代,喜歡買彩雀鬥魚,部分魚檔D揀手貨賣4蚊條,有D魚檔貨冇揀過參差D,賣兩個半,直接清晨去旺角球場就賣個八,好似要幾條起批。

細個掹掹緊,就係為每條慳七毫子,倒屎咁早起身,山長水遠去買魚,大咗之後,有經濟能力,四蚊條貴D有咩所謂,最希望有賣20蚊嘅A中A。

買4蚊果種彩雀嘅人,唔等於唔識揀魚。

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。