地產論壇
登入名稱
密碼
頁數:
贏十次輸一次就死得
瀏覽人次:26838    回應:11

贏十次輸一次就死得

 

湯文亮博士

紀惠集團行政總裁
2018年9月7日

  我見樓價高企,不時撰文提醒買樓的年輕人,不但要量力而為,更加不能夠採用高按買樓。不過,我可能好心做壞事。在高按及父母幹的情況下,樓價不斷攀升,雖然早已超過市民負擔能力,但仍然有勇士採用高按買樓。老實說,我已經講得太多,現在連量力而為都不敢說,最多話不鼓勵現在買樓。不過,如果有能力而又負擔得起,現在買樓亦無妨。

  有在較早前買樓的人話好彩冇聽我講,否則現在就損失慘重。他們現在不但不賣樓,甚至會加按手上持有的物業,然後採用地產商提供的高按買新樓,一變二,二變四,很容易成為大業主我覺得這樣做非常危險。在賭場,這就是有前無後玩法,贏十次輸一次就死得。不過,亦有人話贏要谷,唔趁手風順加注,唔趁樓價升買樓,根本對不起上天,究竟那個道理才是正確?其實,沒有正確的道理。不同的人有不同意見,有權選擇自己喜歡的方法,這才是正確的道理。

贏十次輸一次就死得
1. 十一哥
2018-09-07 10:09
贏谷輸縮、關鍵在贏到幾時識縮…輸到幾時仲有冇本谷、簡單咁講就係timing嘅拿捏_本錢嘅厚薄嘞。
入得賭場就諗住贏間廠、點會滿足執個孖寶、賭仔呢點信仰先令到養幾房234奶都冇洗爭、做就咁多大錢袋。

2. 真真薯片
2018-09-08 08:52
地霸,地代,財仔,按揭中介組成樓價高高高大聯盟,要佢地主動減價基本上冇可能

在下諗起二戰日本軍既一個軍訓,只有戰死,沒有投降,呢句話亦可以形容今日這高高大聯盟既態度,想佢地主動減價?發夢,當然,死左一浸人之後,總會有人主動投降,正如日軍後期兵敗如山倒,死剩種都唯有投降
3. CK Cheung
2018-09-08 10:05
很快就會有人知死每次美國加息缩表新興市場走資正是樓市調整的開始,最初有人還會死頂後來頂不住就引發大調整之後其實已經是熊市中心了
4. Ch Chan
2018-09-08 10:22
其實到了熊市中段大孖沙也會止蝕及頂不住的以前恒X,新x基,信x,麗x發展都試過賣樓價是比成本價還要平的時代大家有否記得?今天還有這麼多勇士真佩服
利申本人也有一些自住樓及收租住宅及舗位基本在09 年full pay,從來不炒樓圖利 現在在這時買最好預跌三成的凖備
5. CH Chan
2018-09-08 10:40
本人多年前還記得01年買新樓時的港x豪庭尺價是2866元不是看錯現在是18500自己想想有沒有下跌空間,當大陸樓也調整及班資回朝最怕就昰這些內房大孖沙恆x及海x,x創負債那麼多,靠大陸資金頂是否在幻想?
現在的情形真的很像97 金融風暴雖不像美國08 次侒危機,08 年是美國佬唔惦,現在是美國佬好惦不過想對付你中國
6. 真真薯片
2018-09-08 10:51
樓上,我都同意今日要有跌三成既準備,不過高高高同盟只會恥笑我地冇膽

大部份香港人心胸比較狹窄,死都唔會認錯,容不下同自己唔同既意見,你同佢講跌,一日未跌到兩成佢都仲恥笑緊你,到真係跌左兩成,佢就失蹤收聲都唔會認錯,呢種態度同日軍一模一樣,只有戰死失蹤,沒有投降認錯,不過日軍係講信念,香港人係純粹硬頸
7. 大頭文B
2018-09-08 11:22
6樓,呢3成就係呢幾年,在淡淡唱跌下反升上去累積的升幅,就算今日跌3成都係回到起點,當日班淡淡在睇錯市咪一樣收聲失蹤唔認錯。

信念每個人都有,路也一樣,途不同不相為謀,根本冇對錯,一句講晒:自作自受。


9. 真真薯片
2018-09-08 16:58
7樓講得冇錯,其實高高高同淡淡都係一樣咁固執,最重要係自己決定自己負責,市場自然會懲罰睇錯市既人

不過話說回來,係香港想安居,需要識得睇市,或者靠抽居屋六合彩,正苦的確係有問題
10. 樓市中哥
2018-09-09 08:15
to 真真

LP6 點睇?以為賣唔去,點知重可以加推。個市可以吊鹽水多一陣
11. 真真薯片
2018-09-09 16:11
中哥,在下係朋輩間聽返黎,大陸市況非常唔惦,感覺似幾年前溫州爆煲咁款

LP6去到貨,但就冇公佈有幾多買家用高按,在下睇呢段購買力係水尾,但係黎緊一個月內加息,股市再跌兩千,美元升返穿97既話,樓市應該頂唔到幾耐
12. 引刀一快
2018-09-10 04:54
真真薯片兄

大陸唔係依傢先開始唔掂,已經唔掂咗幾年,都係果句:物先腐而後虫生。

成日俾人話我等浪,哈哈哈,實際上我應該就係最怕浪嘅其中一個,都幾冤枉。




頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。