地產論壇
登入名稱
密碼
頁數:
高成數按揭令二手樓成交量減少
瀏覽人次:24942    回應:11

高成數按揭令二手樓成交量減少

 

湯文亮博士

紀惠集團行政總裁
2018年9月5日

  如果大家深入了解一下,高成數按揭可以令新樓銷售量激增,但同時令到二手樓成交量減少,有人或者不同意,他們會認為現在每一次新樓開售都大幅超額認購,即使沒有高成數按揭,對銷情影響不大,最多只是超額認購的倍數減少,話雖如此,地產商又不敢不提供高成數按揭,直到上星期一個新樓盤推售80個單位,表示不會提供高成數按揭,結果銷情慘淡,物業代理的解釋並不是他們不盡力,而是地產商沒有提供高成數按揭,結果是事實勝於雄辯,沒有高成數按揭就沒有高銷售數字,高成數按揭已經是每一個新樓盤在推售時不可或缺的一個條件。

  對於近日二手樓成交量慘不忍睹,但一般專家會認為這是辣招所為,辣招令二手樓交易成本加重,所以,如非必要,大多數業主都減少買賣,他們說得沒有錯,但還有一個原因,就是地產商提供的高成數按揭,令到那些買了新樓,因為銀行不能提供足夠按揭貸款,本來是要賣走舊樓,但由於地產商提供高成數按揭,那些業主可以買入新樓而毋須賣走舊樓,不但令到二手樓成交量減少,並且做成供應不足,樓價上升,不過,高成數按揭始終會對地產商的現金流構成壓力,總有一日,地產商要主動放棄高成數按揭,屆時,樓價就會下跌,因為地產商要減價賣樓。

高成數按揭令二手樓成交量減少
1. 總有一日
2018-09-05 08:59
如果預計嚟緊 12 個月會下跌 10%,守緊第三年特朗普印花稅嘅都應該諗吓係咪走人。
3. 湯瑪斯
2018-09-05 12:22
「(一手樓買家)本來是要賣走舊樓,但由於地產商提供高成數按揭,那些業主可以買入新樓而毋須賣走舊樓,不但令到二手樓成交量減少,並且做成供應不足,樓價上升......」。博士的分析十分合理。對地產商為一手樓買家提供高成數按揭的行為視而不見的是香港政府。相關官員是香港樓價瘋狂上升的推手,應該問責下台。
4. 十郎
2018-09-05 14:58


      我覺得1-----地慘商還有一個隱懮 , 就是撻定潮 , 斷供潮。2-----用高成數買完樓 , 因為沒有逼切性 , 不及時賣出舊樓 , 一遇困難 , 可能兩間屋都不保 , 安全性係賣舊樓 , 袋筆錢以防萬一。


5. 十郎
2018-09-05 15:48


      33,000 點渣住成手貨 , 冇現金。475蚊入爆企鵝 , 冇現金。E家真係血壓高。

6. Karl0123
2018-09-05 16:27
LP6終於頂唔順要提供二按!
7. 湯瑪斯
2018-09-05 17:05
似乎"Cash is King"的時代將要來臨。但記得博士話"Cash is King"代表經濟大環境欠佳。現在大家宜守不宜攻。但仍見有人湧入一手樓市,欠下一身債。某些香港人(同埋某些強國人)真係無有識死!都係怪樓市長升不跌令某些人失去警覺性,博士多番提出警告不但無人聽,仲俾人鬧!
8. 肥佬
2018-09-05 18:11
諗起曾俊華當日講嘅完美風暴,而家新興市場貨幣危機,加息,中美貿易戰,都幾似
9. 十一哥
2018-09-05 19:25
十哥   3萬3揸到成手仲要揸重企鵝、咁要好有先得、企鵝真係唔升就冇得守嘅、之前大股東濕减D出嚟…咁都唔醒水就唔好玩股票嘞。
買5號仔就收息夠交兩份租、分別就係咁明顯、不過就開埋牌都冇人落注、可能係傳統智慧…唔信有咁大隻蛤乸。

10. 真真薯片
2018-09-05 21:25
中原按揭包借高按,錢從哪裡來?老屍冇咁笨掛
11. 十郎
2018-09-05 23:26


      11哥-------企鵝大股東減持果一鑊已經比左貼士 , 我認為時間係經過計算 , 好多人當時都有警惕 , 隔左半年 , 見到冇事就放心晒 , 呢個陷阱都夠深呀。

12. 十郎
2018-09-06 00:23


      11哥------呢一版d有錢佬 , 成日話自己的貨 , 係低價入既 , 跌一半都未入肉 , 唉 ! 即係個袋穿左 , 漏咁350萬都冇感覺。乜野心態 ? 

      有跟尾精話 , 現在日日創新高 , 我驚乜野5買 ? 喂 , 400萬法拉利有人買呀 , 你5係覺得100萬既萬事得 , 又平又抵嘩 ? 法拉利係玩具來架 , 你豪到買間10,000K既一房黎做玩具 ? 人地有錢輸就人地事 , 自己要做個精明投機者。


頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。