地產論壇
登入名稱
密碼
121. 真男人
2018-07-03 09:46
真正畀人掐住春袋嘅係冇樓在手嘅租客,不斷面對逼遷,加租的苦况。人人恨上車就係想擺脱呢個困局,係假男人自己呃自己笑人,真唔知醜。
122. 酸葡萄
2018-07-04 09:46
陸永之流除了冇本事買樓所以眼紅别人外,應該連租樓都冇能力要靠黐父母做啃老族,所以先講得出得一層樓係畀人掐住春袋之說,乜你有春袋畀人掐咩?
123. 陸永
2018-07-07 15:25
今屆政府立志打擊樓市,林特首決心填海,將來土地供應勢必大增,加上地產商以後不得屯積居奇,短時間內放盤量大增,供不應求勢必逆轉...還有不久將來將有大量同市價脫鈎的居屋,細單位一定冇運行,最可憐係於這兩年購買迷你單位的業主,單位市價好可能大幅貶值,造成經濟上的損失⋯⋯
加上國際經濟不穩,金融市場動盪,資金抽離香港,對樓市造成極大的隱憂隱憂⋯⋯
對樓市的消息,真的睇唔到有再上升的空間,未來將會下跌,希望跌多啲幫助多啲人上車,期望數年後重見三百萬數下上車盤..
支持現介政府施政,支持林特首樓市措施!
124. Jerry
2018-07-07 16:05
恭喜河兄已找到像巴菲的致富之道👍
125. 低端淡淡
2018-07-12 10:31
陸永只係個只識c&p別人言論來支持自己今日冇樓,但又唔睇清楚就抄上來,一時又話自己有樓收租,轉頭又咀咒有樓人士,似足精神分裂。

#123段野除了最後兩句係陸永自己打,前面又係別人之作。
126. 向引刀‧土著‧自醉‧浪子‧阿井 說不
2018-07-12 12:02
圖像裡可能有1 人、文字


無產階級耗盡青春都未必換到500呎

2018年06月11日

望發達也盼樓價跌

新樓盤推出繼續快速沽清,被指揸乾了的購買力依然深不見底。樓市同引刀‧土著‧自醉‧浪子‧陸永‧無產階級市民購買力脫節已越來越遠,好似一江春水向東流般番不轉頭,但沒有同能夠買樓嗰班人嘅購買力脫節。買樓成為貧富懸殊嘅元兇,有樓揸手變成最唔使用腦嘅脫貧方法,所以日嘈夜嘈只有無產階級等跌破118點,再玩暴亂就拉你去坐監,今次判刑刑期一定高過上次10年8年。

前輩話唔好被500呎綁住你嘅青春,但而家你就算耗盡青春都未必換到500呎。唔係個個年輕人都正在為500呎發愁,因為冇父幹幫你畀首期都唔緊要,遲早父親百年歸老之後,層樓都係年輕人嘅。如果呢一代嘅年輕人既唔被500呎綁住青春,又唔好好利用青春,咁真係浪費了大好生命成為 引刀‧土著‧自醉‧浪子‧陸永傻B。千祈唔好看輕肯為500呎綁住青春嘅年輕人,佢哋至少有個目標,為自己脫貧盡力。

發達容易搵食難,今時今日仍然啱用。年輕人有腦筋,創業集資而家係比以前更容易。望自己發達都唔好望樓價跌,而家可能係望自己發達之餘亦望樓價跌,因為好多人手上有糧餉,樓市跌影響唔到自己生活質素,好似真真咁仲可以入市撈底執平貨,唔通犯法咩!昔日金句,未必適時。




127. 陸永
2018-07-13 10:11
時機已到,樓市必爆。
128. 歷史長河
2018-07-13 18:29
陸兄,

今天朋友A 話現家只談音樂文學,莫談國是房事。
另一朋友B話,星期五不談工作,玩下估價機,睇下CCL.

共勉之。
129. 陸永
2018-07-14 12:47
貿易戰開打,人幣開始跌!中國人地方債又可以會爆
之後林病又可能限制外國人買香港樓
又開始加息,呼吸plan d 買家大獲
空置稅又到!
新居屋又比私樓平咁多!
4百幾萬買D30 幾年殘樓wo, 真係人都chi .. 又錢去買匯豐食5 厘息都好過投資樓市

而家中原指數187.71,9個月內一定見11x
130. 歷史長河
2018-07-15 09:00
11x? 118?

原來陸兄係118 嘅信眾!彈指之間,樓市已從118 升咗六成,不知當日118時堅信樓市大跌的人士,今日又有幾多仍在等待?

貴在堅持。
131. 真男人
2018-07-15 09:58
佢地係老董fans,唔提就當冇講過。
132. 求雨神棍
2018-07-15 10:13
淡淡的就跌市論令我想起電影裡的道士,在旱災時設壇求雨,始終旱情會過有雨落,到時就話自己法術有幾靈。

早兩年淡淡又話地緣政治危機,北韓隨時丢核彈全世界太冧市,點知今年肥仔金同侵侵揸手,誰能預計?估中就聲大大,估錯就當冇講過,大家唔提再估第樣。

人遲早會死,係人都知,同樓遲早會跌一樣,實中。
133. 向引刀‧土著‧自醉‧浪子‧阿井 說不
2018-07-15 12:27
從陸永兄言論上分析,無疑與 引刀‧土著‧自醉‧浪子 等無產階級群體為伍而自動對號入座,在冰冷的世情中相互倚靠取暖。但是卻無助擺脫命運使然,努力而為未來脫貧盡力,改寫自己成就 Glory History 的人生!

教育一下你班無產階級簡單的一條數學問題,用現有具體數據,粗粗地分析一下全香港有幾多個無產階級家庭同路人:

第一計算:房委會新一期居屋昨日截止申請,暫超額36.5倍,創居屋復推以來的新高。

第二計算:房委會昨日更新截至今年三月底的公屋輪候數字,輪候冊上的27.23萬宗申請,包括15.33萬宗一般申請、11.9萬宗配額及計分制下的非長者一人申請,總數雖較去年底少約1.06萬宗申請,但仍貼近30萬大關。

即係計算一下居屋申請數字 166000 + 公屋輪侯數字 272300,盲嘅都估算到全港共有 438300 個 貨真價實 家庭有住屋需求。私樓每年只有18000個新增供應,最近正苦抽走9幅原本準備供應為私樓土地共約10000單位,改變為公營單位用途,陸永你有冇本事咪等正苦幫助打救囉!不過私樓單位減少下,已知需求未來只會有增無減,你自己衝量點樣脫貧好痕過得閑係度哭樓喪啦 !



134. 無奈
2018-07-15 18:11
132樓兄

幸好美朝沒有互掟核彈,否則港樓升勢更急,東北亞資金入港避險。
135. 陸永
2018-07-17 08:14
樓上盲好,而家買樓,人生輸左一半。
136. 無奈
2018-07-17 13:31
樓上
呢句話10年前聽到而家,不過我唔反對。
137. 樓市不敗之谜
2018-07-17 14:14
香港樓價升極都有得再升的原因,正正就是因為是不少象陸永這様的淡淡,替巿场累積了不少購買力。這批等補淡倉的淡淡們多年來交的不斷上升中的租金,也直接捉供了彈藥增強炒家的持貨能力。

市場要消化曬這些悲觀情緒,才有可能從牛轉熊。我身邊仍然有一大批沽錯了自住樓,慘被挾淡倉多時的淡淡,所以我判断本港樓價易升難跌。


我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。