地產論壇
登入名稱
密碼
頁數:
新樓空置稅其實是催化劑
瀏覽人次:23527    回應:14

新樓空置稅其實是催化劑

 

湯文亮博士

紀惠集團行政總裁
2018年5月21日

  有年輕朋友睇三國演義,問我在赤壁之戰前,周瑜一再提及的東風究竟是什麼,點解一定要有東風才可以火燒赤壁,如果以現代說話來解釋是很簡單,東風就是催化劑,有所謂萬事俱備,只欠東風,我講大家未必會相信,香港樓市也是萬事俱備,只欠東風,而樓市的東風究竟是什麼,我認為是新樓空置稅。

  在CY做特首的時候,我相信他沒有不連任打算,所以,即使他推出BSD,DSD等,但仍然很積極搵地,用到粒粒皆辛苦來形容搵地困難之處,老實說,他亦做到成績,新特首林鄭更加不用說,已經用盡辦法搵地,但樓價仍然飆升,關鍵之處就是地產商不願意將新樓單位推出市場,無論政府有多少供應,地產商都只會限量發售,沒有足夠供應,樓價當然會繼續上升,政府亦不能夠說地產商惜售是錯誤的,做生意一定要講賺錢,而且要愈賺得多愈好,有人話政府不敢得罪地產商,因為地產商為庫房作出了偉大貢獻,其實,他們是絕對錯誤,作出為大貢獻的是一般小市民,他們借錢買樓其實是間接支持政府,地產商只不過是繳付應付稅項,如果地產商不賺錢,他們是毋須繳稅。

  樓市除了長遠要有足夠供應之外,短期亦要用一些催化劑才可以令樓市健康,今次要用的催化劑應該是新樓空置稅,如果現在推出,政府亦只不過迫地產商賺少一些,而且在樓價指數每個星期都創新高之下,推出新樓空置稅最多只能令到樓價不再飆升,但如果政府錯失了機會,當利息不斷上升,而地產商累積的新樓單位已經成為樓市病毒,他們要加快推出市場,到那時候政府才推新樓空置稅,樓價一定會急跌,政府又會做代罪羔羊,其實,大家不應視新樓空置稅如洪水猛獸,應該視之為樓市催化劑,令政府過去為樓市所做的一切有一個合理結果,樓價不再飆升,小市民比較容易買樓,如果沒有東風,赤壁之戰勝利者就是曹操。

新樓空置稅其實是催化劑
1. 真真薯片
2018-05-21 09:13
正苦100萬個不願意出空置稅,林鄭最想博士睇中6月加息0.5厘,到時問題自然解決,林鄭既等運到樓市政策終於等到運到
2. 香港人開始識驚
2018-05-21 10:20
人稱「亞洲蔡」、亞洲地產董事總經理蔡志忠雖然是投資者亦是中環中心業主之一,但一直撰文評論樓市,且字字珠璣,對於新地投得地王,他就說:「新地買地,香港人驚慌!」

他解釋:「海航買地時,作為中資機構,一般睇法是托市。淡友覺得托市,遲早爆,係中資先會出咁高價。當時有一部份人半信半疑,樓價會升,因為托市、中資、大陸佬呀嘛!好啦,相隔兩年,現在新地來買,你驚唔驚呀?(驚咩?)未買樓的人驚唔驚先,想買樓的人驚唔驚先?初初懷疑,現在變成現實。」

新地當空置稅冇到。香港人信新地多過信政府,開始識驚,紛紛入市搶樓。
3. 湯瑪斯
2018-05-21 10:45
博士希望「樓價不再飆升,小市民比較容易買樓」。但上星期有人話「五年後東九龍新盤平均尺價四萬是必須的」。呢個呎價到時全港只有幾個%的人真正買得起(而這幾個%的香港人絕大部份已經置業)。到時另外有幾個%的香港人會靠家人幫忙入市然後一世做樓奴,而這批樓奴大部份是年青人。其他買唔起樓的年青人只能望樓輕歎,怨氣衝天!雖然我這位60後已經置業(幸好我倆夫婦只置業,不生子),但這不是我願意看見的香港!

4. 腥港人
2018-05-21 11:02
加息唔係問題,重點係解決銀行水浸問題,否則一日銀行水浸,一日都唔想加息
5. 腥港人
2018-05-21 11:07
到時未必會怨氣衝天,總有一天會醒覺,自己房屋自己建,恢復去木屋區時代,而有木屋區拓地,政府就有地可收
6. 真真薯片
2018-05-21 11:20
3樓,你所講既情況,睇黎雖不中亦不遠矣

如果將香港人收入/購買力按次序排,假設有2%人買得起4萬蚊呎,再加上大陸買家,兩樣加埋可能有2萬人(數字純屬假設做比喻),咁地霸就將供應量限制係2萬以內,咁就可以賣4萬蚊呎……依家就係咁既情況,地霸控制市場,錢就賺盡,所產生既民怨推比正苦/阿爺,80%本土下一代不能安居樂業,怨氣衝天,然後有人故意將怨氣引導向正苦/阿爺,遲早爆大鑊,坦克碌豬攬炒……但係在位者只求自保,拖夠鐘收工退休,呢個真係死局
7. Carson
2018-05-21 11:42
薯片兄所言甚是, 某大報正是與某大地產商關係密切!
8. Will Hunting
2018-05-21 13:55
We're all waiting for this east wind to come!!
9. 引刀一快
2018-05-21 19:34
真真薯片兄

睇遠D,到時香港樓嘅價值仲係咪咁高呀?
一個怨氣沖天嘅香港,無論對買家還是對國家,價值一定大大降低,仲要考慮埋隔離嘅大灣區,人家唔會企喺度等你喎。
10. 引刀一快
2018-05-21 19:43
如果話空置稅係東風,咁大灣區就可能係串鏈戰艦嘅鎖鏈。
相差5-10倍嘅樓價,越來越好嘅交通連接,不斷改善嘅社會制度同風氣,仲有越來越多香港人有伴,將來就算港樓跌都不一定要入貨。
就喺正隔離,想搣甩佢都唔得。
11. 一小時生活圈夢碎
2018-05-21 20:14
高鐵來回廣州要$520蚊,而且未計接駁交通費。香港人大灣一小時生活圈夢已醒,於是見到大家紛紛入市搶樓。

今年下半年一定升到巔。
12. 淡淡大勢已去
2018-05-21 21:00
香港樓市向上趨勢已成,大家信政府不如信新地。
13. 引刀一快
2018-05-22 01:15
如果講大灣區淨係識得高鐵,咁就應該研究研究。
十年之內,一定會出現總時長90分鐘之內嘅路線出入大灣區幾個重點位置,而且可能會出現月票形式。

15. 12/F 說得好
2018-05-22 09:04
同意
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。