地產論壇
登入名稱
密碼
頁數:
中美貿易戰,誰是大贏家
瀏覽人次:24244    回應:27

中美貿易戰,誰是大贏家

 

湯文亮博士

紀惠集團行政總裁
2018年5月20日

  中美貿易談判,雙方已經達成共識,應該不會爆發貿易戰,這是對中美以至全世界都是好事,如果貿易戰真的是開打,將沒有贏家,雙方都是輸家,只是輸多輸少而已,但有為恐天下不亂的評論員話美國是大贏家,我不明白他有何根據話美國是大贏家,如果要我一定講出一個贏家,我會話中國,理由是雙方沒有公報談判的結果,以特朗普的大口性格,如果贏了這場貿易戰,怎麼不會大肆宣傳,況且在最後一輪談判,美國所有鷹派代表都缺席,由此可見,美國並沒有在這場貿易戰取得心目中希望得到的成果,所以,我話中國是贏家,不過,只要談判有成果,雙方都是贏家。

中美貿易戰,誰是大贏家
1. 真真薯片
2018-05-20 12:27
在下一早就話貿易戰結果會係“雙贏”,結果一如所料,雙方都各自宣佈自己係贏家

侵侵既棋路難以捉摸,一時殺中興,一時又救中興,一救中興,大量美國左膠起義話唔可以救中興,一時又話談判破裂拉隊離場,一時又聯合宣佈達成共識,在下智力有限,睇唔明發生咩事,不過在下既感覺係侵侵係背後運籌帷幄,轉登派鷹去中國等你反枱,又轉登話要救中興,實際上美國鷹派同美國左膠都比侵侵玩弄於股掌之中,侵侵唔止唔簡單,直頭係幾十年黎最強美國總統
2. 浪子心聲
2018-05-20 12:31
中國在這場所謂貿易戰基本上無得輸,特朗普的死穴在中國手中,當特朗普叫價太高時,習主席即刻叫肥仔金取消與特朗普會面,美國即刻改變曬態度,最終一定和氣收場,表面中國一定讓特朗普有光彩贏得這場貿易戰,但實質中國都備咗要開放市場,所以中國無得輸。

中國和俄羅斯最希望特朗普能連任美國總統,因為他們有特朗普的痛腳在手,朝鮮無核化和貿易戰得勝是給特朗普最隹的助選禮物。我的結論是表面特朗普贏,實質係美國在國家層面是輸的,而中國就長遠贏曬。
3. 十一哥
2018-05-20 12:39
兩個大佬埋得枱講數、就冇輸家贏家、大家4466拆掂分着數、阿爺就立於不敗之地、我乜都賣得比你、掉轉阿爺要嘅…美佬賣親就冇師傅、撑㗎仔/台灣玩嘢、就放縱肥仔玩火箭、阿爺座定定儍侵呱呱叫、夠膽開拖咩?中東屠殺無手軟…阿爺門口炮仗都唔敢燒、呢D就係實力嘞。

4. 鳥5
2018-05-20 12:51
博士有scene,何種形结束,双方都稱双赢。。但論双对高低,係應以誰跟誰思路方向走。。。D果就係貿戰後重點同内函。。。
5. 鳥5
2018-05-20 12:56
大陸对美重點5只係侵侵,係長遠美國人对大陸既思路。。。既要改其因(中國 威脅論)。。。
6. 十一哥
2018-05-20 12:57
在上…就等人捉摸、在下…就去捉摸人、智力真真有分別。

7. 鳥5
2018-05-20 12:58
商一中國人解作 互通有無.. 結局就其實大家諗到
8. 鳥5
2018-05-20 13:04
過幾日,美德貿戰開第2板。。今次係(行動底牌),今次走勢似大陸估計思路發展。。
9. 真真薯片
2018-05-20 13:30
協議唔公開,難以評論誰是贏家,大家只知一切照舊,關稅不變,貿易戰當冇講過,外人只可瞎子摸象去估誰勝誰負,在下只能認為,中美博弈並冇完結,好快又有下場
10. 得米
2018-05-20 14:39
博士真神人也,一早就知道貿戰不會打。但王弼就功力不足,大張旗鼓话大得成。和博士一比,差十萬九里。
11. 無奈
2018-05-20 14:54
一場起哄,勝負難分,皆因外界冇細節資料,其實不重要的,最緊要劇情夠刺激,掀動所有人的心,包括所謂愛國的,冇咁愛國的,或被認為不愛國的⋯⋯

根據各位師兄所述,東亞是今次口水戰的舞台,夠大了吧,另一邊廂卻有人話,侵侵放軟手腳係因為北美自由貿易協定談判冇果。總之劇情峰回路轉,皆大歡喜落幕,還有比這更好的?

中國崛起是不爭的事實,可能已經是二哥了,綜合國力和大哥相差幾遠?可以叫扳一哥了?

大家都有死穴,有人話中國嘅死穴係芯片,真喺太簡單了。合首富之國力,太空科技強國,區區芯片何足道哉,短痛而已。

無論中國有冇讓步,或讓步多少,中國肯定是蠃家。

贏得了時間。



12. 十郎
2018-05-20 15:06


      都係果句 : 人講你就信 , 輸銀死你 !

      兩條卯利都唔公佈彩池 , 梗有d野。消息傳來(美國)話中國買多d美國貨 , 削減貿易赤字2000億美元。點樣解讀呢 ? 即係最少做少左1000美元生意。

13. 雙重才是標準
2018-05-20 17:44
邊個赢輸不是本留言重點。重點只是提出幾個思考點:

1. 協議咗乜係無用,最後做咗乜先係重點,睇吓中國入世貿講乜做乜就明。博士認為中方係贏家,莫非係睇通咗大陸由頭到尾都想走數呢個思維?

2. 若果中方堅係贏家,咁點解協議買美國貨及開放金融市場呢啲嘢唔一早做?一早做咪贏得更多?一早唔做,咁係唔係代表做就輸多贏少?唔少人都幫襯過內銀及國際銀行,有幾多人會覺得公平競爭下內銀會贏先?

3. 特朗普口大係一回事,但難道面子只係佢及美國專利,中方就唔使要面?若果係咁,點解小熊維尼內地睇唔到?講面子,恐怕中方領導更需要吧?唔公布更多細節,也可以係因為中方要求枱面上唔好輸得太難睇,對不?其實內地亦有眼利網友認為係大輸,但言論被删掉了。真係贏嘅話使鬼咁緊張?

Hmm,都係再諗吓先...
14. 十一哥
2018-05-20 19:27
劉鶴單拖儍侵都要招呼佢、美佬成gang上門…唔好話習大…克強老總都冇蘇佢地、阿爺老神在在、贏硬邊冼呱呱嘈、我要買嘅嘢…你敢賣 ? 大大殺起2千億濕濕碎啦!

15. 劉鶴單拖?
2018-05-20 23:12
此次中方代表團成員來自各主要經濟部門,包括人行行長易綱、國家發改委會副主任寧吉喆、中財辦副主任廖岷、副外長鄭澤光、工信部副部長羅文、副財長朱光耀、農業農村部副部長韓俊、商務部副部長兼國際貿易談判副代表王受文等
16. 舍神
2018-05-21 00:56
侵侵係歷屆總統中最不濟的一個就真! 短視,貪圖小利。

得道多助,失道寡助;
美國多年建立的正義形象,大佬地位,一次過給佢敗清光!

好多人一定由心裡笑出來!
17. 十一哥
2018-05-21 07:25
13樓    
1-老實~國際博弈等同~白痴、歐美日老實過咩?美佬爆哂響口一切自己國家利益行先、唔見批評嘅 ? 
2-開大門口就仲白痴、未夠人賭~就放D大賊入屋…想比人剝光猪呀?
3-中興/華為~人地口講口賠冇証冇據咁玩、唔見出聲  ?  想教壞細路嘅文化鴉片唔比入~吹咩!

睇你噏D嘢好似為美國抱不平咁嘅 ?  肯定係每日要祈過禱先安心嘅9仔。
18. 十一哥
2018-05-21 07:31
15樓   睇你就係13樓同一人、單拖係形容、長自己志氣、唔似你想滅國家威風、假鬼點會明…

19. 博士
2018-05-21 07:53
你們睇今日我寫文章,就知道我點解話中國是贏家,老實說,日後走數是日後的事,與今次贏輸無關,否則,就不用會談,國內幾時都有親美國佬的人,正所謂,曹操都有知心友,關公都有對頭人
20. 50 cents dog
2018-05-21 08:50
中國又成最大贏家!
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。