地產論壇
登入名稱
密碼
頁數:
茶餐廳日誌(339)沒有誠意的誠意金
瀏覽人次:24507    回應:3

茶餐廳日誌(339)沒有誠意的誠意金

 

湯文亮博士

紀惠集團行政總裁
2018年5月14日

  今早去到茶餐廳,老闆話有個朋友想請教我。他較早前買入了一個舖位,但當他在猶疑的時候,物業代理對他說已有下手買家,樓價比他的買入價多三成,並且可以付誠意金。有如此的利潤,老闆的朋友當然沒有反對,但在他買入之後,已付誠意金的買家不但沒有進一步行動,並且委托律師出信收回已付的誠意金。老闆的朋友問可不可以沒收誠意金,我話千祈唔好問我,應該問他自己的律師,行內人士都知道。買賣交易講什麼誠意金,願意付誠意金的人大多數沒有誠意。如果有誠意,直接付訂金便可以,還付什麼誠意金。

  在物業買賣必定要認清兩種動物:一是蛤蟆,沒有咁大隻蛤蟆隨街跳;二是豬乸。正所謂,經紀靠得住,豬乸會上樹。老闆的朋友千祈唔好怪罪任何人,他只能怪自己不認清楚那兩種動物。不過,有時不能夠即買即賣仲好,以後會賺得仲多。老實說,想搵快錢千祈唔好買賣物業,倒頭來只得一個做字,最後都是益了物業代理。

茶餐廳日誌(339)沒有誠意的誠意金
1. Bos Fan
2018-05-14 18:03
HAHAHA
2. 真真薯片
2018-05-14 23:10
經紀靠得住,豬乸會上樹

唔知點解,香港人做生意非常鍾意呃人,好多時呃完人之後仲要笑個客蠢,好似除左賺到錢之外呃到人仲會多一份成就感

香港係購物天堂,呢句話同台灣最美的風景是人真係有得揮
3. 引刀一快
2018-05-15 05:22
咁究竟D誠意金係咪真係可以隨便俾隨便收返?

我記得好耐好耐好耐之前,祥嫂想做一隻品牌嘅煙,當時報紙話佢俾咗160萬誠意金煙草商,結果係煙冇俾佢做,而且錢亦袋袋平安。

博士可唔可以科普一下,商場上,誠意金嘅定義、規矩呢?
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。