地產論壇
登入名稱
密碼
21. 丁蟹
2018-04-22 10:48
出唔到post 是正常,條食屎尊家内心,虛怯,俾錢mom 住,所以留言愈來愈少,有留言都經常跳号碼,之前仲話盡量開放留言喎,條專家正反口覆舌小人,最鐘意自high
22. 引刀一快
2018-04-22 11:41
呢D次次換名嘅寫手,點解唔註冊一個固定名?
23. 細價樓業主
2018-04-22 12:16
在隔離留左言 怕又出吾到 所以也在這裡討論一下。

我才剛在十二月成交買了一單棟洋樓 也快快租出了 有四厘回報!吾好聽專家講買樓收租回報低!另外我有朋友也剛買了新型納米樓收租,回報都有三厘,遲點加息 我們就加租。諗吾到有咩危機!
24. 丁蟹
2018-04-22 12:18
唔怪得條蟲都唔注册固定名啦,原來係寫手
25. 細價樓業主
2018-04-22 12:19
回17樓
我出吾到既次數多到爆,每次提問點解成日覺得細價樓業主實力吾夠持吾到貨會爆?我們個個過曬壓測俾足首期都無實力?!一講呢D 就出吾到嫁啦!

現在驚收律師信添呀!
26. 回22樓引刀
2018-04-22 12:37
如果注册就有電郵記錄,之前一班言論講偏少少的網友都接律師信,包括挽鞋都唔夠資格嘅懶人。
27. 不信磚家去上車的80後
2018-04-22 18:32
呢度根本只可撐害人專家既言論

一個害人無上車,害人家破人亡仲話要發律師信既偽磚家可以日日係度散播佢既觀點

其它反對佢既人一律被刪走post, 自欺欺人。 

扮晒市場上得佢一個睇淡, 你問下身邊既人睇好定睇淡個市?10個有8個話要爆煲

28. 不信磚家去上車的80後
2018-04-22 18:33
收律師信梗加笑死人,以為自己有錢可嚇到人

告我丫肥,害人錯失上樓一世就咁玩完既磚家。 
29. 已經成為笑話
2018-04-22 20:43
我連註冊账号都被偽專家封埋。冇講粗口,只因講咗唔啱聽言論。

偽專家連信心都輪埋。刪除回履越多,樓價升得越勁。吹脹!
30. 丁蟹
2018-04-22 22:10
31. 蓄芳待來年
2018-04-22 23:17

To 27& 28樓:


兩位師兄嘅言論有d過火,似乎係情緒發洩多過理性討論。


湯博士嘅細價樓爆煲論,小弟都有信,無他,納米樓呢d咁違反人性嘅嘢點可以存在喺香港社會呢?買嘅人又點會自己住呢?遲早都會俾人遺棄嘅產品,會爆係好正常。所以小弟當日買嘅都係三房以上嘅單位。


樓價狂升,係因為政府嘅措施,我覺得好多香港人好似盲嘅一樣,竟然會相信班唔優柴米嘅官員。最大嘅大話就係:冇地。


究竟你哋有冇親身走過去新界望吓?棕地究竟係乜嘢資源?點解大眾會俾政府shift左去填海、貨櫃屋、郊野公園用地、哥爾夫球場?全部都好似中咗毒一樣,盲哂。


要做,政府一定做得到,小弟親身經歷,我有塊農地就係俾地政處強徵左去起水管,邊有得say no?由發信到收到賠償,三個月完事。


睇左呢個論3年,湯博士算係幾坦白嘅一個筆者。有利因素、不利因素全部擺係你眼前,點選擇、點演繹係閣下嘅事,選擇錯左點可以賴人呢?


近日淡風起,你哋準備好未呢?要跌幾多先肯入市?機會只係會留俾有準備嘅用家,而唔係賭仔。再次呼籲各位香港人,把根留住,大灣區只係適合退休嘅老人,而唔係打工仔。

32. 丁蟹
2018-04-22 23:38
To 31/F

细價樓=兩房,條粉皮就係憎人富貴厭人貧
33. 細價樓業主
2018-04-23 00:56
我在隔離的留言又被刪了,吾想再留言俾這麼小氣的人了,完全無意思!

我留言說,現在多了人看汪敦敬,多了人知道樓市真相,自然少了人信樓市會爆煲,所以吾會因吹淡風而發生哈佬喂! 

可能因為提起汪生佢就妒忌,所以刪我post !
34. 引刀一快
2018-04-23 01:01
原來蓄芳兄已經轉軚去大灣區!

恭喜恭喜。
35. 蓄芳待來年
2018-04-23 07:05

哈哈,刀兄果然係有心人!


坦白講,關於大灣區,落注就冇喇,但都真係有上去望過幾眼。冇去打搞刀兄,怕你話我搞搞震冇幫襯,哈哈!


走馬看花,所見所聽所聞,小小分享如下:

(只係以香港人可以朝朝返到香港工作嘅深圳為例)


1)大陸樓殘得好快,十五年過後嗰啲,都幾難睇得上眼。其中一個原因,係管理差,原來大部份都冇業主立案法團,想換管理公司,難過登天。


開頭新樓未買晒,燈火通明,但一買晒之後,話知你光管壞、笠壞,一於關人隱事,但管理費就照收。夜晚大堂、走廊黑過鬼,d磚爆哂起哂都冇人理。


2)如果要做按揭,利息貴,係香港嘅兩三倍。


3)使用年限,只有40年至70年不等,仲唔保證有冇得續期。我個人相信有,但冇人會話到俾你知有冇,話有嗰個都係吹水。


點解大陸樓嘅使用年期咁短呢,我諗係大部份人都相信,層樓捱唔到50年。


4)樓宇品種繁多,好易唔小心就賴嘢,又紅本又乜本,唔同品種有唔同限制,買之前真係一定要搞清楚。


5)大部份AA誠信有問題,信佢一成,雙目失明,不如直接去搵刀兄幫手好過。


好多AA都唔熟例,亂吹一通,淨係識講過去兩三年升咗幾倍,跟住落來一兩年仲會升多幾多幾多,單一模式氹你買。


單刁一完,你有事想搵佢幫手都幾難。如果不幸交易出現問題,你去投訴,佢間公司會話係AA個人問題,公司唔負責,同埋個AA前日已經辭職,公司都搵緊佢。佢會同你報埋公安,但都係得個報字。


香港AA都有害群之馬,但情況一定冇咁嚴重。


6)大陸唔興活化或重建舊區,睇羅湖區就知,揸住只有等老化,唔升值或者賣唔出都幾頭痕,當然自住當交租就冇所謂啦。


大陸有新城區同舊城區之分, 20年左右,新城區就會變左舊城區,然後喺第二個地方又會出現新城區,舊城區就等死。冇得搏清拆,搏清拆基本上輸硬!清拆重建呢d國家機密,幾時會輪到你執寶吖,所以唔好諗。


7)睇完幾個口岸區嘅樓,發現喺樓價上,屯門、元朗仲平過深圳。你買得起佢嘅呎價,但你未必買得起佢嘅尺數。所以香港人唔好再發夢,以為自己可以撤退返去幾個口岸區生活,然後香港返工。而家深圳灣新少少嘅樓,呎價都港紙2萬以上。


深圳都諗唔掂,何況大灣區其他地方?你真係唔使返工?所以除左退休養老,我看唔到大灣區嘅價值。投資搏升值?政策市,唔升點算?租金又遠遠cover唔到。


但我要補充一句,租就真係好抵租,特別係新樓,靚嗰隻,真係黃豆嘅價錢,星級嘅享受。


不過如果求住,屯門元朗點都方便過深圳呱,如果budget 有限,諗吓d二手居屋好過。我老友地產A話,實用面積六七百呎嘅三房,白表都係六球左右。


8)今日人仔貴,你衝個頭埋去,但長遠而言人仔係要貶值,呢個因素必須喺考慮入面。


當然,小弟都係聽財金專家預測先至話人仔長遠會貶值啫,會升都唔出奇,到時就會係另一個故事。


以上係小弟走馬看花所得嘅少少片面之詞,專業意見當然係要請教刀兄啦。刀兄有請,可以請指點指點要在香港返工但迷失嘅一群嗎?

36. 蓄芳待來年
2018-04-23 07:09

To 32樓丁蟹兄:


小弟同師兄嘅理解有分歧,小弟一直以為阿博士講嘅係納米樓,哈哈!


在此向27&28樓嘅師兄致歉,誤以為係2位師兄,應該係同一位吧?


其實同一樣嘢,但睇嘅角度唔同,結論就會南轅北轍。以加息為例,加息樓價就實跌?哈哈!


所有嘢都係相對同埋比較,就算唔同成個世界比,起碼都要同東南亞比,至低限度,都要同大陸比。點解香港嘅銀行會水浸?你唔見菲律賓越南印尼水浸?低息都會水浸?係咪奇怪咗d呢?


炒過股票嘅朋友都知道,大戶營造氣氛嘅手段,唔嚇走你佢點可以越買越低呢?市場上冇投資者?哈哈,同政府話冇地一樣,我夠膽講句,買納米樓嘅,十個有九個係投資者,都以出租為目的居多,一個實例,報紙有買,波叔就喺屯門買左成個新盤。真係好偑服班地產發展商,納米樓咁違反人性嘅產品都散到貨,欽敬欽敬!


氣氛同造勢好重要,個勢一淡,做單大刁分分鐘慳幾億什至十幾億,但我唔認為阿博士有咁嘅動機,反而一d突然轉向、見勢跟勢講嘢嘅專家,大家要特別留意,個市升話升,個市跌話跌,阿茂都識啦,使你講?所以我就從來都唔信阿C生同阿何生,呢頭話冰河時期,嗰頭自己就⋯⋯ 唉,一個笑字。


始終數據面前,分析要靠自己,冇得賴地硬。今時今日買樓係一個好唔容易轉身嘅行為,搏唔搏,閣下自理。但睇翻今時今日嘅租金,唔通真係唔使住咩?


各位兄弟,唔好灰心,機會又來了,各大宣傳機器已經開始run緊,大家做定凖備!共勉之!共勉之!

37. 多謝35樓
2018-04-23 08:21
兄台心力之作,多謝。
38.
2018-04-23 08:24
第十一把聲音

係專家果邊會被刪留言

佢既文係寫俾d官睇

發揮影響力..不過佢係收租界代表,如空置稅

佢一定係撐只叫新盤

租管,強力反對

政府想加供應。兩萬個己好多,夠晒數
個仔買樓,仔係買中形單位,細價樓先爆煲
中唔中立,大家判斷。
39. 大灣區?哈哈哈!
2018-04-23 10:42
http://www.review33.com/discuss/index.php?topic=16180422170953&post=1#message_reply

得閒看看其他網站人士看法。
40. 向泛民说不
2018-04-23 10:44
引刀,站在AA角度,36楼果d仲停留在10年前的人,令了少了客源,但是同时如果不是AA,你就少了人和你竞争。

香港人自认有国际视野,市场经济,但是却不知道质量和市场经济的关系。以前大陆穷,当然就是以货就价,质量自然差。但是现在有钱了,自然有追求,有那么多的地产商,价钱也那么贵,为什么不找质量最好的买。质量差的必然会被淘汰。特别是在互联网时代。房地产边际利润那么高,花多一点点钱就可以搞好。对于发展商来说,如果做的不好,被人抹黑,以后还怎样卖。肯定是有motivation搞好质量。最近10年的房子质量应该有很大的改进。引刀应该很清楚。
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。