地產論壇
登入名稱
密碼
頁數:
茶餐廳日誌(318)評論員好似街頭賣藝者
瀏覽人次:22487    回應:17

茶餐廳日誌(318)評論員好似街頭賣藝者

 

湯文亮博士

紀惠集團行政總裁
2018年4月14日

  今日去到茶餐廳,老闆話昨日聽不到我和王弼,黃子華在新城財經台講地產。我話搞錯,我以為是直播。原來是錄音,今日下午2:30至3:30就會在新城財經台播出。我認為很值得收聽,老闆話準時收聽。

  我離開之後,有一位客人對老闆說,使乜聽個三條友講,加埋都唔夠一個天水圍師奶。老闆一句話就KO了那條友,老闆話如果叻過我們三個人,就唔需要住天水圍,那一個一度被稱為悲情城市地方。那位客人當然無話可說,其實,老闆絕對不是睇小住天水圍的人,但其他人絕不應該以一個買天水圍的人就質疑地產界專業人士。我們公開分享自己經驗,就好似街頭賣藝者,講得好便讚兩句,唔啱聽就當冇聽過。老實說,我相信今日會有不少高官準時收聽。

茶餐廳日誌(318)評論員好似街頭賣藝者
1. 孟波
2018-04-14 11:49
Admin:

(值)得,睇(小)。
2. Admin
2018-04-14 12:21
謝謝1樓, 文章已修改。
4. 自我陶醉
2018-04-14 14:35
直頭KO到冇話可說,可能天水圍風水好,專登去吸靈氣。 哈哈哈!

無可否認,樓市的確係幫到一班冇學識冇投資能力嘅人脫貧。
5. 豬頭
2018-04-14 17:58
懂投身樓市的人
可能冇學識
但總未至於冇投資能力吧?
6. 十一哥
2018-04-14 20:14
投資~sense重要過學識,冇sense~有學識仲衰多幾錢重,研究再分析~蘇州過後上唔到艇。

7. 廢話
2018-04-14 21:23
正💩忽鬼天水圍都要幾球先上到車呀,話人冇學識冇知識都發達真的是不知所謂既低端人種
8. 冇風濕
2018-04-14 23:18
做人意氣風發,自我陶醉一番冇問題,不過就唔使語無論次,出口傷人。
9. 引刀一快
2018-04-15 02:17
天水圍師奶呢類型嘅人,買樓之後升,就叫做“投資”,買樓之後跌,就叫做“剛需”,買樓之後唔升,就叫做“冇得跌”。

同理,買得起樓,不一定叫做“有能力投資”,可能只係“負擔得起剛需”。

至於出口傷人,天水圍師奶叫人食屎,又何止出口傷人,直頭係含屎噴人喇。


10. 引刀一快
2018-04-15 02:20
天水圍師奶呢類型嘅人,買樓之後升,就叫做“投資”,買樓之後跌,就叫做“剛需”,買樓之後唔升,就叫做“冇得跌”。

同理,買得起樓,不一定叫做“有能力投資”,可能只係“負擔得起剛需”。

至於出口傷人,天水圍師奶叫人食屎,又何止出口傷人,直頭係含屎噴人喇。


11. 引刀一快
2018-04-15 02:21
天水圍師奶呢類型嘅人,買樓之後升,就叫做“投資”,買樓之後跌,就叫做“剛需”,買樓之後唔升,就叫做“冇得跌”。

同理,買得起樓,不一定叫做“有能力投資”,可能只係“負擔得起剛需”。

至於出口傷人,天水圍師奶叫人食屎,又何止出口傷人,直頭係含屎噴人喇。


14. 真真薯片
2018-04-15 08:30
話分兩頭,當年係一堆記者見林太買完之後即刻再跌,大家抱住睇人x街最開心既心態訪問林太,同佢講樓市專家話仲有得跌喎

林太可能一直信專家同高官叫佢唔好買,結果要高價追貨,已經火滾,仲比人問點解唔信專家,所以爆出一句專家食屎,係相當合理,另外住天水圍亦唔代表對樓市評論就一定差過住跑馬地,一個分析好定唔好係睇內容,唔係發言人既身份,發言人既往績只可以用黎參考,我認為任何人既意見都值得聽,如果有料到就應該重視,因人廢言唔係咁好

15. 自我陶醉
2018-04-15 09:59
除非係一炮過俾錢,否則買樓只需要有貸款能力,同供款能力,有首期或借到首期就可以買,同有冇投資能力有咩關係? 簡單啲講,真正投資者需要對風險回報作詳細分析,才會投入資金,阿爸按自己層樓俾首期阿仔借錢買,唔理有幾大風險,唔諗有幾大潛在回報,總之覺得樓價會無止境上升,咁又算唔算有投資能力? 得罪講句,呢啲人只係用佢未來收入賭一舖。 贏咗就當自己係賭神,輸就鬧唱淡樓市嘅人係瘟神,咁都算係投資? 

仲有,有冇學識,有冇投資能力嘅人都同樣可以去買樓,只係心態唔同,事前準備工作唔同而已,我唔係話買樓嘅人一定就係冇學識,冇投資能力,不過,我覺得有學識,有投資能力嘅人,實在有太多途徑脫貧,唔一定要靠買樓。所以,成日同人講唔買樓冇發達嘅人,可想而知佢....   

若然講到咁都仲唔明的話,你就繼續買樓致富算了,千祈唔好諗其他投資了,哈哈哈!
16. 以笑遮醜
2018-04-15 10:26
又要儲夠首期,又要過到銀行壓力測試,又願意承擔未來供樓開支的人去買樓,唔係每個人都有能力做到。

澳門賭仔識聽骰就笑普通人冇能力,淨係識打份牛工揾錢,呢D人點解唔去賭神網認屎認屁,又要入來呢度冇同好冇共鳴嘅地產網咁騎呢?

畀人插完就哈哈哈,真肉酸。
17. 十一哥
2018-04-15 10:34
飲大兩杯變高人、文有王羲之…醒就寫唔番、拳就武二郎…醉拳揼瓜大貓、投資就數自醉哥…買酒好過買樓。

18. 自我陶醉
2018-04-15 11:08
係㗎,買酒起碼飲得杯落。哈哈哈!
19. 向泛民说不
2018-04-15 13:40
引刀,你又没有看电视新闻啊,因为当时楼价跌紧,d记者想笑个阿婶。记者的潜意思,就是说啊婶,你好傻啊,专家说楼价在跌,你还敢买。所以阿婶霸气回返记者;師奶叫专家食屎。好合理。这就是先撩者贱。
20. 市場說了才算
2018-04-16 12:18
在香港樓市的眼光比賽,專家同師奶是在同一起跑缐的,比賽結果由市埸話事。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。