地產論壇
登入名稱
密碼
頁數:
茶餐廳日誌(316)政府終於還物業投資者一個公道
瀏覽人次:23432    回應:13

茶餐廳日誌(316)政府終於還物業投資者一個公道

 

湯文亮博士

紀惠集團行政總裁
2018年4月12日

  在日本回港,最想做的一件事就是去茶餐廳,但去之前一定要去跑步。在飲咖啡的時候,在電視上見到特首林鄭月娥講房屋政策,講到過去政府被一些言論迷惑,例如有270萬個住宅單位,只有250萬個家庭,根本沒有供應不足這個問題。如果供應充足,樓價上升只是炒家或者投資者作怪,只要出招打壓他們,樓價自然會下跌,這亦是政府推出辣招印花稅理由。但過去的特首不知道,即使辣招印花稅有效,令到樓價下跌,但亦只不過是暫時性的,沒有足夠供應,樓價始終會再次向上攀升。林太在立法會表示,要徹底解決房屋問題,一定要大量增加供應,並非是現行修補式的做法,並希望立法會配合。老闆睇完這段新聞,對我說政府雖然沒有說出來,但終於還物業投資者一個公道。

  老闆其實是錯到不得了,政府毋須還物業投資者一個公道。因為投資者早已睇通形勢,沒有足夠供應量,樓價又怎夠不升?只有那些只有單一住宅單位的業主才相信政府只需要用辣招便可以壓抑樓價,甚至有業主將唯一自住單位賣走等樓價下跌,他們才是受害者。投資者不但沒有將物業賣走,而且在適當時候買入更多物業,不少是從那些相信政府可以用辣招壓抑樓價的業主。老實說,政府應該跟他們說一聲對不起。至於公道的問題,應該是在人心。

茶餐廳日誌(316)政府終於還物業投資者一個公道
1. 真真薯片
2018-04-12 11:51
正苦明明成日強調未來x年供應量有y萬伙,創N年新高

點解依家又走出黎話供應不足
2. 向引刀‧土著‧自醉‧浪子‧阿井 說不
2018-04-12 12:07
浪子,博士今日又袋錢入你袋.

"只有那些只有單一住宅單位的業主才相信政府只需要用辣招便可以壓抑樓價,甚至有業主將唯一自住單位賣走等樓價下跌,他們才是受害者,投資者不但沒有將物業賣走,而且在適當時候買入更多物業,不少是從那些相信政府可以用辣招壓抑樓價的業主如土著‧自醉‧浪子,老實說,政府應該跟他們說一聲對不起,至於公道的問題,應該是在人心。"
3. 十一哥
2018-04-12 12:11
有業主將唯一自住單位賣走等樓價下跌,他們~絶不是~受害者

成副身家賭一鋪~係賭、賭就冇洗同情、更冇人要說對不起。

政府房屋政策失職荒謬、公營房屋係責任主軸~就冇關心、私營市場就專注多咀、太監教造人~絕望啦!




4. 十一哥
2018-04-12 13:30
任何買賣絶對係投資、賣樓等跌…即係當時執多少贏咗啦!長線悲喜係睇眼光加運道、講公道…就唔公道嘞!


5. 向引刀‧土著‧自醉‧浪子‧阿井 說不
2018-04-12 14:08
浪子,十一哥今日又袋錢入你袋.

“任何買賣絶對係投資、賣樓等跌…即係當時執多少贏咗啦!長線悲喜係睇眼光加運道、講公道…就唔公道嘞!”
6. 貪鄭
2018-04-12 14:17
對投資者講公道話有物用,林鄭對全港市民講公道話先至啱聽㗎。

上次公務員做特首,就出咗個"貪曾",貪錢貪地產商利益就係人都知喇,今次公務員又做特首,睇嚟又出個"貪鄭",不過今次佢唔貪錢,但貪權想做夠十年特首,為連任又再次利益輸送畀D地產商,上任時大大聲聲講首置樓,跟注無曬聲氣,整個搵地大辯論拖吓就年半,最大得益者又唔係班地產商,樓價節節上升,細單位大賣,仲唔係益地產商,阿爺近日出聲關注香港年輕人上不到車先做小小嘢,講到底又係貪官一名,貪權貪名的"貪鄭",邊會真心為香港大眾做事吖,維有等阿爺收佢啦。


7. 貪連任
2018-04-12 16:57
用立稅人啲錢加碼取消強積金對沖就知林鄭係貪連任啦,明益班商家佬,明明立法會夠票通過取消強積金對沖,重要加碼幫班商家佬對沖,即係官商勾結。


8. 真真薯片
2018-04-12 17:42
事實上, 香港只有一個因為樓價跌而腳痛下台特首,但係從來冇特首因為樓價升而下台,咁如果比你做特首,你想樓價升定跌?

依家特首一職似係擋箭牌,幫地霸頂住阿爺同市民投訴,比人鬧得太勁就做少少野做個樣比人睇,再唔係就賴犯民(起樓走數就係犯民拉布,但佢d基建項目就百份百過晒關,完全冇走數)

租金係以時間計算,越拖得耐,地霸越搵錢,任務完成
10. 樓市初哥
2018-04-12 20:28

樓價上升,有政經界名人趁市旺沽貨獲利離場。根據property.hk地產資訊網結合土地註冊成交紀錄,將軍澳天晉IIIA單位2月成交量為16伙,實用呎價是18914,比上月漲6.8%↑。

土地註冊處資料顯示,行政會議召集人陳智思(Chan Bernard Charnwut),早前以1420萬元沽出將軍澳天晉IIIA第1A座低層B室,3房間隔,以單位實用841方呎計,實呎16885元。陳智思早於2014年9月份以1034.1萬元購入。剛滿3年,毋須繳交額外印花稅,賺近400萬元離場,賺幅37%

據了解,陳智思於早年曾斥資逾6,000萬元掃入天晉5個單位,現時率先沽出1伙。

11. 樓市初哥
2018-04-12 20:31
一齊炒炒炒

樓市不是用來炒,揾鬼信


12. 建制放風
2018-04-12 21:14
建制派議員好似同林鄭放風要以建築成本賣綠置居,在電台又聽到果位議員話會以負擔能力賣居屋,如果係真嘅,啲細路未可以買平樓囉? 咁樣就先至係同香港人講公道話喇!

http://podcast.rthk.hk/podcast/item_epi.php?pid=289



13. 向泛民说不
2018-04-13 10:24
楼上,唔好傻啦,甘只是益了公屋户,点叫公平。不过类似这样的安排,以后收楼重建会更加困难。有些有完整业权,有些没有,点重建。
14. 真真薯片
2018-04-13 15:18
幾錢賣啊係問題,賣幾多間先係問題

正苦大可以抽100個單位出黎,大抽獎抽中者每間賣10蚊,對個市一d影響都冇,正苦又玩轉移視線
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。