地產論壇
登入名稱
密碼
頁數:
現在不敢說樓市下跌
瀏覽人次:29564    回應:19

現在不敢說樓市下跌

 

湯文亮博士

紀惠集團行政總裁
2018年3月31日

  過去一個星期很忙,消耗了不少體力,星期日早上先去做一個強力按摩,再去遊艇會食個午餐,飲杯冰凍白酒,人生一大享受,在午餐的時候,有朋友問我樓市狀況,復活節假期前中原指數又破頂,升哥耀武揚威,政府官員都唔敢蒲頭講樓市,老實說,連派唔派錢都搞到一鑊粥,仲點夠膽講樓市,連小心都唔敢講,這就是官員最近寫照,希望他們以後有所改進。

  唔好話官員,我亦應該話自己,現在不是時候睇淡樓市,甚至連發表樓市不利的消息都唔可以講,我並不是收到地產商警告,而是地產商手上有一種極之有力武器,就是人質,在過去兩年,地產商以高成數按揭吸引不少買家,在這兩年樓價飆升,那一批採用高成數按揭的人是大贏家,但他們同時也是地產商手上人質,如果政府出招推冧樓市,那一批人就會是受害者,不過,他們是不會怪責地產商,而是怪責政府出招推冧樓市,甚至連增加供應也不可以,地產商也知道這種優勢,所以更加推出那些長達15年,只需要還息,不需要還本的高成數按揭,吸引更多買家採用,即是更多人質,在投鼠忌器之下,政府不但不敢對樓市繼續出招,倘若樓市有些少危機,政府就立刻要出招救市,其實,如果政府有心壓抑樓市,又用上了逆週期措施,當地產商最初推高成數按揭的時候,便應該立刻禁止,沒有地產商支援,我並不相信樓價會無止境上升,現在高成數按揭愈玩愈行,人質愈來愈多,政府面對一個樓市升又死,跌又死的格局,的確是一個困境,如此來說,派唔派錢的確是小兒科。

現在不敢說樓市下跌
1. 真真薯片
2018-03-31 11:58
正苦出招壓樓市, 每次都要觀察, 研究, 出口術………拖到頂唔住先出招, 就算出左招犯民都配合拉布, 拖到最後一秒先通過

但係當正苦要出招托樓市, 肯定反應勁快, 豪不猶豫, 立桿見影, 而垃圾會藍黃兩派都會極速配合通過

呢個就係香港正苦朝黃藍盡被地霸收歸旗下既寫照, 當日政改被否決, 建制拉隊等發叔, 地霸肯定有發勁, 黃藍議員聽地霸支笛仲多過北京, 阿爺一定知, 大家等睇阿爺發功
2. 十一哥
2018-03-31 12:18
賭…冇靚牌輸你唔瓜、樓…冇高收入多少積蓄…唔會逼切落叠、一無所有…就冇得輸、縛住咁多高收入地庒…放火就好大鑊、做官打份工啫…劊子手好大陰騺…揼時間係唯一選項、傻嘅都識等下家庒。


3. 十一哥
2018-03-31 12:29
唔好成日鬧地霸啦!白頭片玩印銀紙…QE係因  !  地霸衹不過係聰明生意人…食果啫 。


4. 說了也無用
2018-03-31 12:51
天要落雨,香港樓價要上升,是世上兩大無可奈何的事。
5. 向泛民说不
2018-03-31 14:13
1楼,你好朋友泛民阻挡填海,才是根源。帮助地霸。

以前港英一直都用填海得来土地增量来和地霸较劲。但是现在已经被泛民废了武功。难道要用土地收回条例来强行收回土地吗?在网上,你地泛民黄丝日日鼓吹用这种手段。问题是政府一旦用了这个手段,而又觉得好用,以后就会用同样手段对付小业主。到时就真共产啦。

真系唔L明白这里的业主会支持泛民,他们才是共产。
6. 官員應該收聲了
2018-03-31 15:43
十年忠告不要買樓,結果升足十年。道歉說話一句都唔講。無恥!
7. 真真薯片
2018-03-31 16:01
向飯, 犯民都死得7788啦, 基本上正苦依家想通過乜都得, 想點剪布就點剪報, 但係林鄭仲繼續拖住要傾18個月喎

最唔想犯民死既其實就係建制, 如果犯民真係死左, 場戲就冇得做落去, 正苦同地霸唔造地又冇得賴, 好多人失業嫁啦
8. 不偏不倚
2018-03-31 17:31
政府面對一個樓市升又死,跌又死的格局,全世界的市民就要面對一個買樓有風險,唔買又有風險的格局。
9. 條件反射
2018-03-31 18:50
勸人不要買樓的言論已經講得太多了,也太密集了,已經對市場產生條件反射作用,因為每次講完,過不了多久樓價就爆上,百試百靈。
狼來了的狠如果不知幾時才來,等於沒有來。
10. 真真薯片
2018-03-31 19:49
8樓講得好, 對抽唔到資助房既人黎講, 依家正係買又死(太貴一跌可以好勁), 唔買又死(交租交死)既局面

其實幾年前已經係咁, 不過呢兩年越黎越離譜
11. 鳥5
2018-03-31 20:31
等。。。等死係唯一出路。
12. 鳥5
2018-03-31 20:34
美國而家出力等蹬緊息口,下半水退應該入深水區。。
13. 引刀一快
2018-04-01 03:21
依家出路都係大灣區。
14. 大灣區出路
2018-04-01 10:56
大灣區中上層累積了不少財富,而佢地好多都知出路在香港。所以港府應該把BSD加到100%,才可阻止部分大灣區人士來港置業,減讓未來本港摟價的升幅。升就升硬,但希望可以升得慢啲。


15. LC
2018-04-01 13:17
其實香港現處於超高通帳情況,加息係有助經濟發展,而且美國既情況都唔可能加得太多,如果話加息會令到樓市爆跌,我諗太過武斷,而且政府去控制樓市係好被動,始終香港係自由港,所以如果樓市唔係一年爆升 30~ 40%, 我諗都唔需要睇得個市太淡,上一次樓市下跌周期,係因為香港死跟美金滙率所致,今時今日香港己經多左好多option , 類似既情況出現既機會相對地低,如果樓市唔調整,噤最差既情況就係香港人要被邊緣化,其實住係劏房既人都係被邊緣化得最慘既一批,佢地只有兩個選擇,一係等政府救,二係離開香港到付近城市住,因為大陸崛起同有錢人越黎越多既事實,係唔係改變。
16. LC
2018-04-01 13:23
所以誠哥退休都不忙同香港政府講一句,香港人既住屋問題必定要由政府起公型房屋解決,也正是因為中國經濟還有排玩,情況就似,你果班本來有 40 人讀書,無啦啦黎左 40 個讀書好叻既人黎插班,本來果 40 個人本來讀書無噤叻既,就會連本來既位置都保唔到,再者可預計未來會有更多讀書叻既人黎插班。跟唔到黎果D 人既成績既人,在香港有樓好無樓好都會生活品質下降。
17. LC
2018-04-01 13:32
所以黎緊既方向只有汰弱留強,因為黎緊食大陸經濟果水既人搵既錢,只有越黎越多,唔會越黎越少。除非你做既係専业,以前有層樓,見高價賣左既話,噤真係可以睇定政府救濟,
18. ABC
2018-04-01 19:22
"其實,如果政府有心壓抑樓市,又用上了逆週期措施,當地產商最初推高成數按揭的時候,便應該立刻禁止"
非常同意!
19. 真真薯片
2018-04-02 00:45
有一樣野我同意引刀, 港豬Oh通車最大既機遇, 就係炒樓
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。