地產論壇
登入名稱
密碼
頁數:
中美貿易戰是否能夠開打的三個情況
瀏覽人次:26649    回應:10

中美貿易戰是否能夠開打的三個情況

 

湯文亮博士

紀惠集團行政總裁
2018年3月28日

  中美貿易戰進入撲朔迷離階段,現在似乎有轉機,令到道指昨晚大升近700點,有老友問我中美貿易戰是否打得成,我話如果以颱風預報來表示,現在是三號風球,打唔打得成風各佔一半機會,不過,大家要有準備,否則可能會受到重大損失。

  我唔識睇世界大勢,不過,要知道中美貿易戰是否打得成可以留意以下三個情況:

1)強弱懸殊

  如果中國好似以前一樣咁弱雞,以特朗普欺善怕惡性格就一定打得成,或者是美國打中國,但現在雖然未到勢均力敵,但起碼有得打,中國損失一萬,美國都要損失七千,以這個情況來說,打唔成。

2)班資回朝

  美國加息,香港不但仍未跟隨,連港元兌美元的弱方保證還未觸及,表示存放在香港的美國資金仍未離開,否則的話,果班美國商人知道有機會打貿易戰,存放在香港的資金一定會搬回美國,所以,按照現時情況,貿易戰亦未有跡象顯示會打得成。

3)懲罰性關稅

  如果特朗普有心打貿易戰,就不會開徵25%入口關稅,因為所能夠起到的作用不大,如果準備開打,最少都要100%懲罰性關稅,如此來看,特朗普還未準備打貿易戰,他只不過是出口術,企圖以不戰而屈人之兵。

  老友話唔係幾明白我想講什麼,不過用3號風球作比喻就唔錯。

中美貿易戰是否能夠開打的三個情況
1. 真真薯片
2018-03-28 09:20
貿易即係買賣生意, 買賣生意最後都係睇供需同價錢

以iphone為例, 美國一年要同中國買一億支iphone, 全世界只有中國有呢個生產能力, 美國加稅都冇用, 點都要同中國買, 你逼中國供應商食左個關稅佢, 中國可以直頭放棄唔接單, 今時唔同往日, 中國唔係等你張訂單既錢開飯

調轉一樣, 中國係人口大國, 從美國進口糧食同原材料, 如果唔同美國買大豆豬肉, 邊度黎咁多大豆豬肉比13億人食? 唔買美國糧食, 同其他國家買, 市場缺貨價錢一定升, 全民鬥氣戒食大豆豬肉? 呵呵, 唔好玩啦

事實上兩個國家都靠同對家貿易黎維持國民生活, 貿易戰?講下就得
2. 香港土著
2018-03-28 10:01
認同, 完全唔似打真軍. 但耍花槍最終結果, 中美貿盈會減少, 即係用盈餘買債數量亦會相應下降, 債息升, 加息步伐更加明確......
3. 十一哥
2018-03-28 10:28
生意....戰爭本質相同,目的一樣係攞着數,強弱懸殊就多數郁手郁腳、有得就打下咀炮。





4. 十一哥
2018-03-28 12:21
火箭仔帶埋一家大細…晉見習大帝、今次儍侵諗唔到習大開牌大番佢、話棒子扭計係玩小學鷄反間計!歐美聯手玩毛子、俄佬冇得揀…一定掹到阿爺實一實、做就咗阿爺完善自己嘅強勁堆頭、老美而家起圍已太遲、再緊逼D…更激發阿爺嘅鬥心…打高兩班進步更快、好事 !

5. 十一哥
2018-03-28 12:31
早排話儍侵要date火箭仔、 火箭仔邊個都唔信…除非阿爺host…去佢屋企傾、似嗎?


6. 十郎
2018-03-28 12:58


      反華派沾沾自喜話侵侵加亞金, 繞過中國 , 將中國邊緣化 , 哈哈哈哈 !

      如果中國唔睇金仔台戲 , 五月之前北韓都廢墟化 , 北韓今個月收唔到白米 , 兩個月收唔到粟米 , 冇油冇燃料 , 阿爺召見 , 係咁多。

7. 十一哥
2018-03-28 15:34
江湖一個大佬獨大實惡哂、唔跟佢就揼硬…冇人保到你、睇下幾多馬比美佬不人道毀滅。

火箭仔牙擦擦…阿爺企定定…美佬就炮fing fing、得把牙毛都唔敢郁一條。

美佬D受夠氣看在眼裡、個大佬又惡又屈水、新紥大佬好唔同、冇收保護費…傾得下偈…間中又醒封老毛、幫補到下家計、最近馬爾代夫咁遠水路…都壓得住阿3唔敢多手、照咁去…會越嚟越人斉…排隊埋阿爺堆。



8. 十郎
2018-03-28 17:14


      美國最煞食的功夫 , 就是美金有人信 , 簡單講就是有信用 , 這樣就可以隨時印美金 , 唔夠錢出糧就叫紙行送幾噸白紙來印美金 , 問題解決晒 , 所以有人信美金係好重要。要別人信任美金的其中一個因素 , 就是要有強大軍力 , 你睇英鎊共歐羅一直冇影響力 , 就是沒有強大軍力 , 這樣你會明白美國有十一只航母的原因。

      網友譏笑中國如果拋售美債 , 中國本身都蒙受巨大損失 , 中國這麼多謀士 , 點會唔知 , 一樣照買 , 其實係攬炒戰術 , 試想中國狂質美債 , 邊位夠膽接 , 接完就貶值 , 利息搶高 , 諗一諗如果美金跌到一美元換一港元 , 仲有冇人信美金 ? 變左肺癆鬼打新馬仔 , 米國人都識諗既 , 佢諗過有著數 , 中國一定冇運行 , 中國呢一招係如來神掌第九式 , 唔會輕易出手。


9. 向泛民说不
2018-03-28 19:06
开天杀价,落地还钱。而且如果要打贸易战。没有理由现在玩普京。

10. 向泛民说不
2018-03-28 19:11
薯片,1亿支iPhone,美国佬赚去,但是盈利算在中国头上。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。