地產論壇
登入名稱
密碼
頁數:
特朗普早已部署貿易戰
瀏覽人次:25895    回應:7

特朗普早已部署貿易戰

 

湯文亮博士

紀惠集團行政總裁
2018年3月26日

  上星期五,我去鳳凰衛視程介南的節目,程生話講香港樓市之前,先講下中美貿易戰,特朗普宣市會向中國600億進口貨物徵收25%入口稅,這差不多是向中國宣戰,不過並不是真的戰爭,而是貿易戰,程生同時話在過去幾個月,訪問了不少學者專家,他們都異口同聲話貿易戰一定打唔成,特朗普只不過是裝腔作勢,現在中美有很大機會打貿易戰,那些專家就避而不戰,沒有專家願意到電視台接受訪問,我當時話,如果程生當時問我,我會話特朗普早已部署打貿易戰,這招非常高,但如果不是生意人,就很難可以想像出來。

  特朗普在上任之後宣布減稅,不少人覺得很奇怪,美國開支龐大,就算不減稅都已經出現龐大赤字,減稅只會令赤字更加龐大,特朗普這個動作令人摸不著頭腦,其實,特朗普在宣布減稅已經部署打貿易戰,開徵25%收入口稅是貿易戰最溫和做法,或者根本不算是貿易戰,如果是真的話,就會開徵百分百懲罰性關稅,所以,雖然說是打貿易戰,倒不如話特朗普請中國替他收稅,徵收25%入口稅,中國必定將出口商品提高售價來抵消部分入口稅,結果是羊毛出在羊身上,入口稅就不知不覺轉嫁給美國消費者,結果是美國人雖然少付了入息稅或者利得稅,但消費物價就上升了,間接交了稅,但美國人依然非常多謝特朗普,因為他的確履行減稅諾言,而有部份美國人雖然採用中國產品,但心裡又希望美國政府制裁中國,特朗普徵收25%入口稅的其中一個目的就是要滿足那些美國人。

  美國人雖然政治智慧很高,不過,大多數都是非常單純,特朗普略施小計,已經令到那些美國人非常開心,不過,他們又唔開心得幾耐,稍後,他們就會察覺到日常用品,必需品的價格上升了不少,雖然交少了稅,但始終是得不償失,到那時候,他們才發覺特朗普的減稅計劃只不過將應交稅款一分為二,一部份直接交給美國政府,另一部就由中國代收,試問一般學者又怎可以天馬行空式想像出來,他們什麼事也要有理據,但是他們忘記,特朗普是一個斯文但不講理的人。

特朗普早已部署貿易戰
1. 鳥5
2018-03-26 12:06
中美貿易戰, 其實係中美,打龍通戰鬥局、 側邊啲細國先至係傷'者,如果 宏觀 角度去睇。。。 全球貿易 新規則 將由中美兩國制定 根本就係抽水 不過真係睇唔到有咩變化 兩條友玩唔到啲乜囉
2. 鳥5
2018-03-26 12:19
佢用既斬 將戰術,能靠嚇,打大仗, 靠嚇 抽細國盟友 水,真係同大國打嗰時 就斬自己將軍, 國家利益最大化 ,一句到尾抽水弱国 盟友 為 對象。。。 唔好咁認真。。
3. 鳥5
2018-03-26 12:31
佢上任以 以來 , 抽水 最多第一日本加拿大墨西哥 澳洲 ,中東 比埋畀俄羅斯 ,中國絲毫無損 ,將軍 斬咗 78個。。 真係唔好咁認真
4. 鳥5
2018-03-26 12:35
遲啲打埋台灣牌 都係簽大鵰買19 F 35, 夠 數收兵...
5. 鳥5
2018-03-26 12:37
善戰者九天之上不戰而屈人之兵
6. 十一哥
2018-03-26 13:51
傻侵set 25%係計過數嘅、中國貨…入口價…加25%稅、擺上貨架就冇加咁多、環顧天下…性價比都仲未有邊個對手、所以阿爺都係咁倚詐帝還拖、眉來眼去、大家扮嘢開拖…儍侵先有得交代、D就要籌旗置架撑…保護費嚟嘛!雀哥睇得通。

呢鑊客觀㗎仔被賣豬仔、韓仔就一早知碇、領過嘢…以後對阿爺就會恭敬好多。


7. 真真薯片
2018-03-26 20:21
所謂加關稅, 其實係增加成個交易既成本, 多出既成本根據交易鏈上各持份者既強弱去分擔, 越弱既就要承擔越多, 同買樓一樣, 有辣稅, 賣家市之中業主同地霸可以盡情將成本轉嫁買家

中美貿易, 美國加稅, 多出既成本如何分配, 由邊個承擔, 係一個值得研究既課題
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。