地產論壇
登入名稱
密碼
頁數:
茶餐廳日誌(305)政府唔應該派錢
瀏覽人次:23881    回應:8

茶餐廳日誌(305)政府唔應該派錢

 

湯文亮博士

紀惠集團行政總裁
2018年3月26日

  今早去到茶餐廳,有幾位年輕人高談闊論,話政府派錢派得太少,派咁少錢仲要審查,行政費仲多過派錢。老闆搭咀話現在好似唔需要做審查,誰不知那些年輕人話仲衰,即是當他們是乞兒。今次政府唔派又派,的確棋差一著。現在派又死,唔派又死。

  陳茂波可能未做過評論員,不知道轉軚是最失敗的行為。假設有評論員一向睇淡樓市,但見到樓市並没有如他所料下跌,於是轉軚睇升。若果樓市在他轉軚後不久下跌,他就會變成左一巴,右一巴。所以,如非迫不得已,評論員是不會轉軚,最多俾人摑一巴。

  政府其實要了解一件事,無論派唔派錢,一定會有反對聲音。今次最初陳茂波唔派錢,的確是受到一些基層人士不滿,有議員話不患寡,只患不均。老實說,多寡是很容易做到,不均就很難。本來派錢的事已經淡化,但政府可能受到各政黨壓力,不得不派錢。現在整件事又從頭開始,派錢牽涉不均,引起爭拗比不派還要多。政府今次真的是有自唔在,攞苦嚟辛,自己叫人摑兩巴掌。

茶餐廳日誌(305)政府唔應該派錢
1. 十一哥
2018-03-26 14:00
派錢行政費估要3億起碼、夠起3百個公屋單位、如果攞派果筆錢…響口話要嚟起公屋、唔使嚟真…地產即時嚇死 !  所以話呢…上樓 ? 都係吹下算嘞、當真就輸 !


2. Koichi Fuyumi
2018-03-26 16:29
如果全民不分貧富派錢,按11年經驗共有610萬18歲以上人仕,每人派4000要花250億。其中有330萬人根本不是N無人仕

家下3億行政費就可以集中把錢派給有需要的N無人仕,比全民不分貧富派錢慳足129億。
3. 真真薯片
2018-03-26 20:09
呢單野似係建制派內部角力, 搵藉口比個下馬威林鄭, 其實民間壓力唔係咁大, 件事亦開始調淡, 點知林鄭臨尾跪低, 以為自己好打得點知比自己友連摑兩巴, 真係失策

不過唔知點解我覺得呢件事波叔係笑到最後果個, 雖然我有證據, 純粹感覺, 佢近排個樣好似特別開心
4. al 70
2018-03-27 02:02
几十亿,直接買農地起几万公屋,居屋。仲好。
派钱,浪费纳税人金钱。
再將迪士尼擴建个几十亿,
加埋成百亿,夠起十万八万房屋。
一次過將樓价降温,舒缓劏房,
公屋,N無。受惠何止百万人?
真是5明政府,明知上海早已話起迪士尼,,香港邊夠上海大?
甘细仲起黎仲乜?上海起完,香港迪尼即瓜。。捉只老鼠入米缸。。


5. al70
2018-03-27 02:12
香港上車客想買平楼,
不是冇辦法,如果,齊心,全部罷睇新楼的话。。。。。。




6. 孟波
2018-03-27 10:01
呢個世界最難做到嘅係齊心,美國有年全國直播超級碗球賽,廣告時間好多觀眾齊齊去屙尿又差不多時間冲厠,一時間整個去水系統立即爆棚攪到好大鑊。


7. 引刀一快
2018-03-27 18:38
既然要研究邊個有需要,邊個最需要,咁,身患絕症貧病交迫嘅人應該係最慘最有需要。

成千幾億盈餘,應該去外國收購幾間做標靶藥之類嘅藥廠,到時不單香港人可以擴大免費醫療嘅範圍,而且可以以低價賣藥俾大陸,功在香港,利於全國,係大功德。
8. 真真薯片
2018-03-27 18:44
刀兄, 香港正苦最怕既得利益集團, 地霸, 醫療, 電視, 航空, 領匯, 的士牌, 強姦金, 全部都係正苦造成既壟斷, 勁吸香港人錢

派錢左一巴右一巴就算啦, 唔打都打左, 係怕林鄭依家咁淡定唔理樓市勁升, 乜招都唔出, 點知升升下頂唔住, 建制派又比d疑似阿爺指示逼林鄭做野, 最後林鄭頂唔住轉軚由唔出招變亂出招, 咁就大件事
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。