地產論壇
登入名稱
密碼
頁數:
物業代理應該歡迎新樓空置稅
瀏覽人次:26672    回應:5

物業代理應該歡迎新樓空置稅

 

湯文亮博士

紀惠集團行政總裁
2018年3月19日

  今早有老友到公司,其實是想話俾我聽一件事,就是物業代理不歡迎空置稅,認為很難界定那些單位是空置,可能要浪費大量人力資源,而且業主很容易就可以避開空置稅,老友講得沒有錯,但現在陳茂波不是講向所有物業徵收空置稅,而是集中在向新樓徵收,我相信這是很容易做得到,不會浪費人力資源,每一個地產商都應該知道還有多少新樓單位未賣,除此之外,物業代理應該歡迎新樓空置稅,政府迫地產商賣樓,他們便多了新樓盤可以做,樓價或者會下跌,但這與物業代理無關,他們只希望地產商能夠給予他們多一些新樓盤,至於有物業代理話政府要小心開徵空置稅,只不過是提醒政府不要殺錯良民,全面性開徵空置稅,是一件吃力不討好的事,老友話明白,物業代理其實是歡迎新樓空置稅,但不希望政府全面性開徵空置稅。

物業代理應該歡迎新樓空置稅
1. 大家朋友
2018-03-19 11:40
博士, 想問有否計算過所謂空置單位佔所有新樓多少百份比, 及何謂空置? 是發展商空置, 還是一手業主買回來空置呢? 由於現時樓價高企, 地價及建築成本昂貴, 要持續建屋, 發展商需要貨如輪轉以維持現金流.發展商持有的"空置單位"比例應該很少, 可能有部份特式戶善價而沽, 但是呢類單位並不會影響mass market. 所以都不知道提出空置稅的"學者" 有否先作調查.假如是說業主買入一手物業收取空置稅, 便是大眾問題, 為何一手買業要受空置稅規管但二手可豁免? 

對於地產代理,同意博士意見, 但主要係因為現時冇租約下按揭成數會較高, 及方便買家睇樓, 而什麼如何介定"空置". 唔會係地產代理所關心既問題.  
2. 十郎
2018-03-19 11:52


      學報稅的方法就簡單喇 , 走一罰十, 大良監有得坐 , 這樣就自動申報 ,  抽樣檢查 , 有人想偷雞既 , 咁有勇氣 , 就讓下他們吧。

      出租既抽物業稅 , 冇租既抽空置稅。

3. 博士粉絲
2018-03-20 08:40
1. 博士講既新樓係target發展商未賣果啲,唔係一手買家買入果啲
2. 多少百分比空置我記得博士講過去年一手落成未賣有5000個,頭先網上睇一手成交18645宗,即係有大慨22%係空置,係咪全部都係特色單位,我唔敢講,但今日好多破頂成交都係優質或者天台/平台連花園二手樓,反而我幾肯定特色單位成交呎價有效帶動大市氣氛
3. 其實政府要做野,唔一定要新樓空置稅,只要批地條款列明,有超過一定比例(例如5 - 10%什至更少)單位在取得滿意紙後未賣出,呢個地霸集團一定時間內(例如5  - 10年什至更長)唔準投地,什至唔準再賣新盤直至該樓盤賣哂後再向政府申請解禁,你睇下地霸會唔會好主動賣樓?

至於你問我敢唔敢咁做?我傾向相信薯片兄。。。
4. 博士粉絲
2018-03-20 08:46
我講既第3點亦可能可以有效控制地霸唔會炒地。

好簡單,批地條款控制既係投地既地霸集團,你賣番地比人,人地唔在限期前賣清,影響既係當日投地既地霸。

咁搞法,邊個敢將塊地賣比人?要賣的話小股東自動彈出黎反對啦


再一次,至於你問我敢唔敢咁做?我傾向相信薯片兄。。。
5. 大家朋友
2018-03-20 16:35
#博士粉絲
對於博士粉絲見解, 絕對認同薯片會較敢作敢為, 但係博士所講既數字, 有分析的就會覺得有所保留, 即使市場上以5,000 個未受單位被視為空置單位, 實在佔相對全年一手市場比例實為很少., 
1. 有否資料提供有關5000 個單位的空置時間, 同一批單位是維持一個月還是一年? 如果少於1年時間實在是正常銷售.不能說是屯積. 以現時市場狀況及借貸成本, 發展商有意屯積大量空置單位機會不大.
2. 博士所提出的5000 個單位是全港累積空置單位, 這數字說是22% 空置. 這樣說, 本人認為取考. 如客觀作論述, 必須計及建築時間, 一般由買地到入伙居住需要4年, 估此用該資料作統計, 最基本應計算為5000/4 = 1250 伙 (只佔全年6% 左右), 還未計及有部份特別原因現樓未能即時賣出.
3.  以現時物業市場, 5000 個單位並不算是甚麼, 看看剛剛日出康城新盤2日賣約1000 個單位, 你認為5000 個單位能另市場轉向?
4. 政府唔題出空置稅其實理解, 推出另市場冷卻固然好, 但是推出後完全冇作用, 還另發展商變本厲, 政府便需要搵人問責.


最後, 我同意薯片兄敢作敢為, 但現實上話事唔係佢. 

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。