地產論壇
登入名稱
密碼
頁數:
是誰令政府考慮推出新樓空置稅
瀏覽人次:26808    回應:17

是誰令政府考慮推出新樓空置稅

 

湯文亮博士

紀惠集團行政總裁
2018年3月16日

  昨日,陳茂波突然話政府關注新樓銷售,在迫不得已情況下,會考慮推出新樓空置稅,有老友話一定係我近日寫過幾篇關於新樓空置稅文章,令到政府關注新樓銷售,我絕對沒有咁大影響力,自己知自己事,官員根本不會睇我的文章,令到政府考慮推出新樓空置稅是另外一位評論員,不過,他真的威水,久不久寫一篇評論地產文章,就可以令到政府考慮出招,我拍馬都跟唔上。

  在陳茂波話關注新樓銷售方法之後,本來事情已經告一段落,方卓如突然寫了一篇「終極辣招」文章,認為政府如果推出新樓空置稅,樓價必定會大跌,這亦是終極辣招,買了樓的人就慘了,可能方兄並不知道政府在過去十年之所作所為,推出如此多辣招及逆週期措施,目的只有一個,就是要壓樓價下去,但可惜其效不彰,方兄的終極辣招提醒政府官員,推出新樓空置稅,地產商必定要賣樓,供應增加,樓價自然會下跌,有一個現象,每一次政府出招,物業代理都話沒有作用,樓價會繼續上升,今次我相信不會有代理夠膽講,排山倒海供應,樓價必定會受壓,大家可能想不到,最開心的並不是打算買樓的人,知道供應增加,他們可能不敢買樓,最開心的是物業代理,大把貨做,的確是小陽春。

是誰令政府考慮推出新樓空置稅
1. 真真薯片
2018-03-16 09:25
佢吹啦, 一邊減差響, 一邊出空置稅, 不合邏輯, 有心做, 只要加公司持有既單位既差響就立桿見影, 洗乜又研究點樣搞空置稅, 又要過垃圾會? 搞得黎都兩三年啦

幾年前樓價又係升到失控, 正苦放過風話重推租管, 跟住呢?影都冇, 波叔講空置稅, 只係林鄭背後既公關團隊度出黎既台詞而已, 在下敢講, 百份百絕對冇可能成事
2. 加公司持有既單位既差響
2018-03-16 09:31
“scared selfie cartoon”的图片搜索结果
3. 小心
2018-03-16 09:54
正常思維嘅官員確實唔會亂來,一個敗績累累嘅白痴當權,冇野係冇可能。
4. 加公司持有既單位既差響
2018-03-16 12:10

驚嚇過打小人
5. 普通香港人
2018-03-16 12:11
莫非這就是傳說中的「鬼拍後尾枕」? 原來真是發展商屯貨居奇操控價格? 終極辣招不是收取與租金等值的超級差餉嗎? 空置稅幾時變成了終極辣招呢?

6. 無奈
2018-03-16 12:14
溫哥華實施空置稅多時,整體樓價未有太大影響,反而細價樓樓價穩步上升。

香港多年來議而不決,決而不行,空置稅的考慮可能永遠在路上。

政商之間千絲萬縷關係,說易行難。
7. 不偏不倚
2018-03-16 12:21
To 3樓

好一句《敗績累累嘅白痴》

確係妙絕
8. 真真薯片
2018-03-16 12:22
空置稅如果要做, 一係唔收, 一收要收好多, 而且要按年不斷遞增先有效, 如果收得少, 如每年1%租值, 地霸會將成本轉嫁比買家, 情況有如初期dsd, 所以一係唔收, 一收起碼要每年5%, 第2年8%, 每3年10%+, 稅要遠大過市場可承受幅度, 買家冇可能承受到, 先會被逼賣樓

不過, 在下都係果句, 一面減差響一邊講空置稅係自相矛盾, 觀察政客, 要睇佢做乜野, 唔係睇佢講乜野, 佢依家做既乜野? 大家自己睇
9. 引刀一快
2018-03-16 12:24
無奈兄

行與不行,睇阿爺心意啫。

下週恆大全線樓盤加價5-8%,全國性嘅,有買趁手。
10. 真真薯片
2018-03-16 12:34
阿爺 : 房子是用來提價的 (因為哪是我的房子)
11. 十郎
2018-03-16 13:14


      香港政府好離譜 , 好無能。   

      十幾年前 , 有一個政府女退休工程師說 , 政府建設一條行人過路天橋 , 要花十年時間都未必得。她並非戲言 , 由於民主體制 , 從質詢 , 選址 , 設計, 撥款 , 招標 , 開工。重重關卡 , 這麼多人多意見 , 要一一對市民交代。親戚在成都有投資 , 他說今個月在一處地方用膳 , 下個月就整條街失蹤了 , 我都認為做法 " 蠻不講理 "。民主世界好難理解 , 強勢政府就 " 講多無謂 "。

      香港政府知道左房屋出問題都超過七年了 , 講 ! 講 ! 講 ! 急市民所急 ?嘆慢板搵錢就真 ? 高地價高樓價最終影響競爭力 , 到時一定自食其果 , 我贊成移民 , 甚至移民大陸。



      
      
      
      


12. 真真薯片
2018-03-16 13:46
大家睇清楚波叔係點講

劉慧卿質問陳茂波為何政府未有推空置稅、資產增值稅、租務管制等,「係唔係地產商唔俾你搞?」質疑政府沒有做好監管,是「幫地產商」,陳茂波否認指控。

陳茂波回應,政府注意到有關問題,同時在研究方案。被問到會否設立空置稅,陳茂波表示,「空置稅亦是其中一個考慮範圍之列」。

13. 十郎
2018-03-16 16:53


      官不與富爭 !
  
      政府面對地霸 , 呢樣唔做得 , 果樣不可行 , 空置稅諗緊 , 租管不考慮 , 徵地冇理由 , 農地晒太陽 , 高按睇唔見 , 屯樓冇問題 , 免埋你差餉 , 擺到明照顧霸霸喇。20萬燙房戶的利益算什麼 ? 你死你既事。

      我就唔信地霸事事循規蹈矩 , 有一件已經受緊 , 唔跟他玩下唔會驚既 , 大陸就唔同啦。本地有民主保護 , 20萬燙房戶同胞 , 忍下啦 , 你見上帝之前可以上到樓既。

      
14. 大家朋友
2018-03-16 18:23
有關空置稅問題, 相信政府推出機會好微, 相信題出呢個建議的評論員有點單純, 簡單一個問題--何謂"空置" , 對政府推出空置稅, 發展商有很多方法應付, 例如調整入伙紙及建築時間, 又或者把有關物業先租後賣等等. 相信發展商有很多方法應付.  

政府挾制發展商以控制樓價其實相當困難, 回望近幾年政府對發展商的管制對樓價上升一點影響都冇. 唯一可控制樓價的方法, 最有效的都是從銀行及業主著手. 方法實在有很多. 只不過要睇睇政府既意願, 究竟係想維持樓價穩定, 還是希望樓價調整, 我相信政府現時是左右為難. 
15. Z
2018-03-16 20:05

 推個免報名費考DSE 益下班學生哥都比人插到反肚. 
 
香港做官莫講新創意新思維 ,

不做不錯 .連家庭 , 說話都是 .少見光 , 少說話, 多唸樣板稿為妙

做官和做  紙板人  差唔多.




16. 十一哥
2018-03-16 21:39
冇樓…最多心理不平衡、傾全力買樓嘅…壓力就冇得避…講樓冧就一定變仇家、派到公屋一定歡天喜地、政府明知全力供應公屋先係出路、不過高危動作…敢做嘅點會去做官、真係玩公屋…派到嘅唔得閑多謝、不過千古罪人就肯定走唔甩。

17. 真真薯片
2018-03-16 22:22
正苦萬能key對白 :

正苦會密切留意情況, 聽取各方面既意見, 研究各種可行方案, 採取適當措施應對
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。