地產論壇
登入名稱
密碼
頁數:
茶餐廳日誌(289)上車盤的意思
瀏覽人次:22769    回應:9

茶餐廳日誌(289)上車盤的意思

 

湯文亮博士

紀惠集團行政總裁
2018年3月6日

  今早有季候風訊號,跑步的時候的確幾辛苦,跑完步去到茶餐廳,老闆話剛睇完英超,曼聯在落後0:2後反勝3:2心情大靚,連我也受到感染,老闆問我一個問題,我真的不識答,佢問現在的細單位點解叫做上車盤,唔叫做上樓盤,我知道上樓的意思即是可以入住公屋,所以,細單位不應該叫上樓盤亦是可以理解,否則買私人樓就會被人誤會入住公屋,至於點解叫上車盤,我真的不知道,隔離有一個熟客話知道,上車後可以風馳電掣,愈住愈大,亦可以因為負擔不起而落車,老闆同我都是半信半疑,不過就沒有反駁,我們連答案都沒有,反駁什麼。

  有評論員向打算上車的人提醒小心加息,如果加息令到樓價大跌,就會車毁人亡,我認為這亦可以解釋到什麼是上車盤,不過現實就是,無論大中小評論員都叫大家放膽買樓,唔買就笨,息唔會加,或者今年最多加一次,供應不會增加,就算政府增加,地產商有持貨能力,可以不賣,國內資金又源源不住湧入,想樓價跌都幾難,完全沒有提及勉強上車的人遇上樓價下跌,隨時會車毀人亡,我只能說,打算上車的人自己小心一點。

茶餐廳日誌(289)上車盤的意思
1. 真真薯片
2018-03-06 14:17
車唔一定係向前行既
2. 十郎
2018-03-06 15:02


      " 上車 " 兩個字一齊解 , 即係 " 出發 " 的意思。有人講 " 幾時起錨 ? " 。萬里長城係形容好長的長城 , " 萬里 " 係形容詞而並非量詞。人家說走馬看花 , 是說匆匆掠過 , 沒有深入了解 ,   不是叫人跑著馬看花。


3. 小文員
2018-03-06 15:25
車讓人快一點到埗, 上車即加入(公認快步走)一群, 未能上車只能走路. 雖然目的地有異, 但呢十年有車的確勝一籌, 有多幾部車已足夠退休
4. 孟波
2018-03-06 15:54
上的是升值列車,此車不會在月台停車上客,而是像拍戲般搭客要自己跑住追上去。
車行加速度等於升值速度,車頭卡是貴價樓車尾卡是平價樓,但列車不會停下來等人上車,如樓市不升不跌等於恆速,跌市等如減速,搭客追車的跑速等如本身購買力,有腳患沒能力者是冇可能上到車,就算曾有段時間跑速追到慢速時的列車,考慮一輪列車加速離開就只可望住車尾食塵。
5. 真真薯片
2018-03-06 21:09
問題係架車有鬼影, 明明行緊100, 有架鬼車會係前面行130, 跟住所有人叫你跳上架鬼車, 好彩既話, 一跳上鬼車後面架真車加速接返住, 冇事, 唔好彩既話就跌死

有高手係隔離見到鬼車叫人唔好跳上去, 就比人鬧死!
6. 引刀一快
2018-03-07 04:42
或者係咁理解,所謂上車,就係一上去就開始身不由己,心情high爆佢未必踩油,暈車浪佢亦唔會俾你抖,無論享受難受都要照單全收。按常理每到一個站都係一個落車嘅機會,可以轉車可以行路睇風景,有人一味怕落早咗,一路唔把握機會落車,結果會走返轉頭,又開始離總站越來越遠。
7. 博士看跌是對的
2018-03-07 07:10
會下跌5%,起碼
等實現
8. 孟波
2018-03-07 08:43
上咗車尾又想坐頭等,可以透過補票差價慢慢上前面坐。
冇上車唔代表可以舒舒服服唔使跑,因為有個變態教練叫(租金)會迫你在跑步機跑,就算你跑得幾快都係留在原地冇郁過。
9. 寄生蟲阿笨
2018-03-08 18:13
都唔知架車去緊邊
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。