地產論壇
登入名稱
密碼
頁數:
指數大破頂,官員要還神
瀏覽人次:22916    回應:3

指數大破頂,官員要還神

 

湯文亮博士

紀惠集團行政總裁
2018年2月26日

  上星期五,中原指數又破頂,我以為會有很多記者搵我問點解,結果很羞家,只得一個,因為其他記者知道問我都沒有用,我一定唔會知道答案,就算我知道答案,都只會死雞撐飯蓋,不過,他們問地產業界人士,一樣得唔到答案,老實說,破頂絕不出奇,但指數由168.6大升至171.59,升了2.99就絕對出奇,我相信除了升哥之外,就沒有人可以解釋得到,而升哥的解釋亦不外乎市民搶購樓宇,在供不應求的情況下,指數大幅破頂亦絕對不出奇。

  在中原指數公報之前,各大行或者地產界對於預測今年樓市升幅略為收歛,大多數在5至10%之內,亦有大行預測今年指數持平,但今次指數大升之後,他們會不會再修改預測,這是一個未知之數。

  在今次公佈的指數,剛好在恒指及道指大跌期間,同時也是春節,一切交易都應該放緩,創新高是有出現,但亦有業主減價促銷,大家都見不到任何特別原因可以令中原指數大升,所以,當記者問及業界人士的時候,答案都是很含糊,老實說,如果在如斯情況下指數仍然可以大升,在未來歲月,樓價一定會脫韁野馬,政府就算不出招,都不會放寛任何辣招或者逆週期措施,其實急升對物業代理亦不好,地產商以及大部分小業主都有持貨能力,既然知道樓價會大幅飆升,他們都會持貨不賣,令到成交量下降,樓價飆升結果會令到業主笑逐顏開,但受苦的就是物業代理,他們會認為升哥有心倒米,但我認為升哥是秉公辦理,由此可見,中原指數的可信程度是相當高。

  有初級官員對我說,今次真的是大步過,大約一個月前,政府受到不少壓力要求放寬逆週期措施,政府內部亦有不少人同意,但無一個官員願意揹上放寛逆週期措施之後,樓價繼續飆升的責任,事情不了了之,如果當日放寬逆週期措施,今次指數大幅飆升,政府就會有難,初級官員話,今次真的是還得神落。

指數大破頂,官員要還神
2. 真真薯片
2018-02-26 11:55
如果股市上唔返33000, CCL應該唔會再上衝太多

股市每幾年就打劫股民一次, 今次中港股市莊家似想谷高個市, 因為想比大陸同股不同權公司黎大吸一浸, 但係美國股市就唔就都係唔知, 如果港股谷到上去, 破33000傻頂後再配合同股不同權上市, 隨時炒到40000, 如果真係咁, CCL可能真係升穿200都唔奇, 當然之後股市爆煲又係另外一回事
4. 十一哥
2018-02-26 16:11
正係逆週期措施…做就咗磚頭不敗、夠銀先落得場、冇銀就齋吹冇得搏命、早買落就收租起碼6厘以上、就算供緊都有肉落袋、呢兩年嘅豪宅就多數自住…小型收租頂供就和和果果、要跌真係有難度、搏盡要執多少就心驚肉跳、美國佬以前大哂…亂吹都可以成真、今日阿爺黃雀在後、冇有咁得心應手、仲分分鍾為阿爺作嫁衣裳、如果習大大真係任期冇限…嚟緊10零年真係冇得輸…瞓身冇懸念。


5. Admin
2018-02-26 20:57
謝1樓
已更正
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。