地產論壇
登入名稱
密碼
頁數:
壓了價都仲係更癲價
瀏覽人次:13595    回應:1

壓了價都仲係更癲價

 

方卓如

2018年2月15日 (信報)

  恒地(00012)用接近160億元從海航系買入兩幅啟德地皮,一年多嘅時間兩幅地升值一成多。海航而家水深火熱,借得就借,借唔到就賣,任何人走去海航問價,都唔會開個高價同佢買,只係睇壓佢多少而已。用一個唔算高嘅壓價,都已經比年幾前嘅投地價高出超過一成。唔好忘記,當年海航投到啟德地皮,已經被市場形容為癲價,係新地(00016)口中,是「等啲癲價搶晒先」嘅表表者。年幾前嘅癲價,今日港資用壓了價嘅更癲價接手,咁究竟當時中資搶地是否癲價?還是逢係中資出手就係癲價,港資出手就係市價?證明任何人都可以說話別有用心,可真可假,但市場永遠最誠實,唔會呃人。

  海航同萬達都要相繼出售海外資產,幾乎全部過往高調走出去用槓桿收購嘅企業都要打回原形。連同安邦,不同程度嘅政治原因和經濟原因,都要那些調動資金出外換取資產嘅動作收手。中國企業是可以走出去,但前提是賺錢,唔係抬錢走出去買資產。所以支付寶、微訊支付出外拓展生意冇問題;國企幫外國興建高鐵冇問題,但係資產泡沫嘅環境下,用借貸購入海外資產,就算係私人企業,如果動用國有銀行資金,咁就係轉嫁風險給國企。就算你海外資產是經海外銀行融資,但當你資不抵債,都會影響你國內還款能力,solvency係無分國界。經濟原因可以如此,政治原因就等大家猜度。

  海航買港地嚴格嚟講已經唔算海外資產,無法融資只能歸咎於政治原因。未來相信有更多出售資產嘅新聞,地皮之後相信就係上市公司,因為而家唔止地皮無法融資,連按殼都有難度,證明中國境內做生意,幾時都係富不與官鬥,小官不與大官鬥,最緊要識企位。

  過年前所有炒股票活動暫停,要等開年後才繼續活動。初一至初四美股如何,決定你手上嘅股票是否可以繼續開車,還是要擺低一陣,等你可以儲錢入貨。

壓了價都仲係更癲價
1. 筍價
2018-02-17 06:28
四叔好野,淘大花園都已經接近二萬一尺, 啟德賣4萬一尺是必須的。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。