地產論壇
登入名稱
密碼
頁數:
被買了樓的人嚇到唔敢買樓
瀏覽人次:29259    回應:14

被買了樓的人嚇到唔敢買樓

 

湯文亮博士

紀惠集團行政總裁
2018年2月11日

  有報導指出,一個打算跳樓自殺女士見到一個旁觀者跌死,立刻腳軟,唔敢跳樓,要人攙扶才可以去到安全地方,其實在現實生活,我亦有一個本來可以勉強上車,但見同輩的人在上車之後,生活得非常辛苦,為了供樓除了節衣縮食之外,更加失去了不少朋友,理由很簡單,就是他每次聚會,他的朋友都不會埋單,雖然有樓,但比沒有樓的人生活得辛苦得多。

  如果大家睇報紙,傳媒只是集中報導,某人買了樓又升值了不少,如果他當時沒有買,他又要白做多幾年作為代價,從來沒有報導勉強上車的人生活得如何辛苦,如果有類此報導,一定會嚇到一些人不敢勉強買樓。

被買了樓的人嚇到唔敢買樓
1. Jon
2018-02-11 10:32
供樓從來都係辛苦,年青時不辛苦,到80歲想租樓都冇人租比你,比人趕唻趕去仲慘。當然你父母有大屋有家底又或者抽到公屋另計,但係呢D幸運兒又有幾個呢!
2. 引刀一快
2018-02-11 10:35
有研究指出,跳樓嘅人覺得跳樓時間,比起跳時想象嘅漫長的多,並且約兩秒之後開始感到後悔,感覺世上冇咩大不了嘅事情,冇嘢可怕過跳樓,不過,已經飛咗一半,冇得翻轉頭。

咁都應該有D人死唔去嘅。
3. 儍牛
2018-02-11 11:05
就好似引刀兄當初選擇了唔買樓,如今,已經返唔到轉頭一樣。

🐮
4. Small Potato
2018-02-11 11:36
其實,做任何一件事,都先要付出,我買左第一層自住樓時,頭兩年都有節衣縮食,少在應酬同出去食飯呢D,但就更加有安全感同滿足感。
5. 民以食為天
2018-02-11 11:41
任何情況下,包括因為買樓要節衣縮食,筆者都是認為負面因素,可能要筆者食少些都不能吧。

其實大部分人第一次買樓後都要慳住洗,變相是另一種儲錢方法,不應以此作為恥笑買樓的人。

不是每個人都如筆者有父蔭,可以買到樓而不需節衣縮食的,所以不能用自己把尺衡量別人的。
6. Johnny
2018-02-11 13:33
以前無買咪仲慘而家已經買唔起
7. 引刀一快
2018-02-11 15:29
為買樓,節衣縮食好正常,就算2003入市嘅人,打工仔都一樣係要節衣縮食(唔係講Andy)。不過依家買屋仔嘅人,好多都唔係節衣縮食咁簡單,啃老、債台高築、不問自身需要、恐慌性追高,呢D真係唔值得提倡。
8. 細價樓業主
2018-02-11 15:46
難道 租樓就不需節衣縮食嗎?
現在二百幾呎像樣的單位都要過萬元月租
有住屋需要 無論租或買 條數基本上差吾多 
但可以說一句沒趁年輕時買樓 肯定後悔!
9. 孟波
2018-02-11 18:22
好一句趁年輕買樓,可惜今天只可說趁有能力就要買樓,年輕人如果冇外力幫助普遍買唔到樓。

見過一個有阿媽磅水寧願出部波子都唔選擇買樓,果然路係自己行的,最緊要自己開心。
10. 引刀一快
2018-02-11 19:38
趁年輕,定係趁低價呀?
11. 細價樓業主
2018-02-11 20:11
10樓 
將來將會更貴 吾明點解會有人吾明仲要睇淡 
香港無人唱好樓市 說好只因知道無得跌才講真心話 升不需靠唱好 市場需求話事 
12. 廢話
2018-02-11 20:12
經常說年輕人勉強買樓上車很慘是甚麼理論唔通是露宿街頭先正常
13. TT
2018-02-12 03:07
我已經忘記咗冇朋友好耐。由你擁有房子到還貸的一刻,你的世界觀已完全改變。有冇朋友不重要,因為朋友係唔會給你溫飽,住所,安全感⋯⋯
14. 孟波
2018-02-12 13:59
若干年後當年一齊成長,但選擇唔買樓的朋友見返你,知道你買咗樓住到而家後,好快呢個朋友就唔會再揾你。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。