地產論壇
登入名稱
密碼
頁數:
強樑弱椿很容易發生意外
瀏覽人次:27051    回應:7

強樑弱椿很容易發生意外

 

湯文亮博士

紀惠集團行政總裁
2018年2月11日

  我寫的第一本書「讀歷史,了解香港地產」中提及中國南方與北方的建築風格有所不同,南方用強樑弱椿,北方用強椿弱樑,南方設計好處是有更大空間,而北方的就是穩固,今次花蓮塌樓事件,大家可以睇到建築物只靠幾枝香鷄式椿柱支持,如果不是地震,可以說仍然是安全,但地震令到大廈稍為移位,弱椿支持不住,就發生塌樓慘劇。

  香港雙層巴士為了爭取更多空間,將穩定巴士重量全放在車底,如果按正常行駛,同樣不會發生翻車慘劇,但如果急速轉彎甚至扭軚,就會產生離心力,如果巴士上層企滿人,大家做同樣動作就會加強離心力,今次大埔雙層巴士翻車慘劇,估計是司機急速扭軚甚至上層企滿了乘客。

  我不時提醒大家買樓時避免採用高成數按揭,即使採用亦只限於過渡性質,要儘快回復正常,不少人都不以為意,我以花蓮塌樓,大埔翻車的慘劇作教訓,高成數按揭亦是強樑弱椿,很容易發生意外。

強樑弱椿很容易發生意外
1. 引刀一快
2018-02-11 10:36
其實,中國呢幾十年嘅發展,完全符合“強樑弱樁”
2. 孟波
2018-02-11 10:45
Admin

轉灣應是轉(彎)吧
3. 真真薯片
2018-02-11 11:09
咁都扯到去高按, 博士好波
4. 鳥5
2018-02-11 11:35
冇錯,樓 市八成贏兩成輸 兩成書就槓桿。。97得3%断供投降,樓市可以跌7成,美國断供幾仟億,埋单係過+萬億。。
5. Admin
2018-02-11 14:34
謝 孟波
已更正
6. 腥港人
2018-02-11 14:50
美國按揭可以交鎖匙甩身,香港按揭唔得。
所以香港基本上係迫你供死會亦可以話迫你發達
7. LC
2018-02-12 01:33
對於香港人黎講,乜野都開始越黎越貴,要同大陸既有錢人競爭故然係無得打,只有借錢駁一駁,其實而家成街都係財仔,我諗借錢既香港人為數應該唔少,不境其實唔少大陸人都中意香港模式,香港新一代本來就要同香港既上一代人爭資源,而家加埋大陸人黎競爭,我諗李嘉誠出生係E 個年代,都應該無乜運行,香港人借高成數買樓既心態有如日本武士,反正都死路一條,不如駁命。
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。