地產論壇
登入名稱
密碼
頁數:
美股下跌警惕香港樓市
瀏覽人次:29790    回應:18

美股下跌警惕香港樓市

 

湯文亮博士

紀惠集團行政總裁
2018年2月9日

  早在一個月前,有專家已經對我說美股有機會急跌,並問我知不知道原因,我話是否長期升市令到投資美股的人失了警覺性,專家話這只是原因之一,最主要原因他寫在一個信封內,當美股急跌,又無力反彈,我就可以拆信封睇答案,跟著就 seal with a kiss。

  美股大跌,我雖然心癢癢,但仍然不敢拆信封,直到昨日,道指升近400點後反跌,終於忍不住拆信封,裡面除了寫著長期升市令投資者失去警覺性之外,金句就是美股已經透支了所有利好因素,這當然包括量化寬鬆,低息環境,當美國加息以及縮表開始之後,利好因素變成利淡因素,美股隨時會出現大幅度調整,專家高瞻遠矚,我不能不佩服。

  專家對美股的預測使我想到香港樓市,兩者其實大同小異,長期升市不但令到市民失去警覺性,甚至連講樓市下跌的聲音亦聽不入耳,而事實勝於雄辯,樓市的確是上升,原因是與美股一樣,不但透支了所有利好因素,而且透支了購買力,當樓市形勢逆轉,沒有足夠購買力來承托,就會由調整變成急跌,大多數評論員好似忽略了這個形勢,單方面唱好的確會令樓價上升,但同時透支了市場購買力,其實是相當危險。

  一定有人不認同樓市的購買力被透支,叫我拿出證明,其實那些靠父幹買樓,或者採用地產商高成數按揭就是透支了購買力,這還未計算有買樓的人直接向財務公司借首按,甚至買納米樓的人,他們全部都可以歸納為透支了購買力,當被透支購買力無以為繼,樓價就會上升乏力,而最近花旗銀行委托港大做民意調查,雖然有63%人認為樓市會繼續上升,但只有3%的被訪者表示現在會買樓,這個情況表示,有很多人的購買力早已被透支,即使他們認為樓價會繼續上升,但已經沒有能力買樓,但問題是只有3%的人打算買樓,會不會令到樓市上升,睇好樓市的人當然話會,大家亦毋須爭拗,很快就可以知道答案,事實勝於雄辯。

美股下跌警惕香港樓市
1. 博士粉絲
2018-02-09 09:39
大家亦毋須爭拗,很快就可以知道答案,事實勝於雄辯。

真心想知,快,指幾耐?
2. 十一哥
2018-02-09 09:58
美股而家係大bitcoin、升跌洗乜理由、升就要出力慢慢嚟…扯得夠高嘞…跌就放手就得、推多一把就執多D、使乜錦囊專家。

十哥   噚日過癮哩!

3. 孟波
2018-02-09 09:59
衷心希望樓價跌返二成,現在價太癲。
4. 十一哥
2018-02-09 10:01
一路提住小心、似足狼來了、阿媽係女人…捉到正先係關鍵。


5. 十郎
2018-02-09 10:08


      十一哥--------咁宴唔見你貼文 , 以為你唔知醒 , 呢排叻左喇 , 一日唔止準兩次啊 !

7.
2018-02-09 10:47
8. 引刀一快
2018-02-09 10:48
買納米樓係透支社會購買力,住納米樓係透支自己嘅幸福。

9. 十郎
2018-02-09 10:49


      好耐冇見過千千聲。幾乎忘記左。


10. yyfan
2018-02-09 11:04
3%代表已經有二十萬人想置業,市場有幾多供應先夠?
11. 買樓人數3% ?
2018-02-09 11:27
任何人都可以估樓價升定跌.
但係只有需要買樓投資或者居住嘅人,先至會買樓
買樓人數,佔總人口%率,當然低好多
我估唔會有3%嘅人愈去買
12. 真真薯片
2018-02-09 11:35
如果股市唔再創返新高, 港樓升浪應該同步玩完, 就算唔跌, 起碼半年唔會再升, 在下一早已經不斷指出, 林鄭正苦既樓市政策就係等運到, 依家終於比佢等到, 正苦一個單位都冇推過, 樓市自動熄火, 幾好
13. 十一哥
2018-02-09 12:12
十哥     荷葉凝珠、陰功、冇言、睇下樓係味回啦?係就用埋D 高他。


14. To: 10/F
2018-02-09 14:01
3% doesn't mean 3% of HK population.  It's just 3% from the sample size of survey.
15. 鳥5
2018-02-09 14:08
投机好時机,但小心投机娈报資,短炒娈長揸。。。

16. 丁蟹
2018-02-09 18:55
咁今年幾月見真章?lol
17. 好友淡友
2018-02-09 20:02
我覺得樓市會有調整,但幅度不會太大。

如果市場有炒家,樓市會跟住跌得夠甘。但現實係實在太多用家都等住入市良機。跌少少就有人撞番入去托住,又何來大跌。

除非升業率上升,或者利息又加多幾次,咁先會有顯注的跌幅。

但問題係今次大跌市後,如果美國三月真的加到息,往後仲有冇條件再加快加息步伐。

而且政府成日好心做壞事,現在又研究調高9成按揭條線。一調高個樓市又有藉口旺翻。
18. 十五年的等待
2018-02-09 22:34
2003年太多專家已經開始睇淡,等到2018先來跌,等得太耐了。而且是否只跌不夠20%又弹番? 等到跌市確認又要等多少年?


19. 樓災
2018-02-09 23:00
今年春季中原指數只升到175點。升得少已算是樓災了。

受到豪宅樓價回軟拖累,本周CCL輕微下跌。中原城市領先指數CCL167.89點,為歷史次高,按周跌0.04%,結束4周連升,指數連續3周創新高後回軟。CCL(大型單位)167.17點,為歷史第四高,按周跌0.55%。早前8周連升,指數連續5周創新高後回軟。

整體樓價升勢仍然持續,CCL今年春季目標為175點,現時相差7.11點。本周全球股市波動,但相信不會改變本地樓價繼續上升的方向。

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。