地產論壇
登入名稱
密碼
頁數:
一股不留大師之逆轉
瀏覽人次:26682    回應:12

一股不留大師之逆轉

 

湯文亮博士

紀惠集團行政總裁
2018年2月8日

  香港股市連續三個交易日大跌,總共跌去二千幾點,我相信大部分人都極之不開心,但有一個人除外,就是一向被人當明燈,外號大師的沈振盈,他一直睇淡股市,但股市一直升,已經去到一敗塗地階段,但在這困難時候,港台竟然邀請大師出席城市論壇,可能無論在股市樓市方面,絕大多數人都睇好,在任何硏討會,聲音都只是一面倒,演變成非常沉悶,就算連城市論壇也不例外,港台負責人有見及此,於是搵沈振盈出席,大師知道這是千載難逢機會,於是語出驚人,話恒指在年底時會跌至二萬點,當時恒指是三萬二,一般股評員都認為恒指去到四萬點是指日可待,大師不但發表驚人言論,而且身體力行,表示已經全數沽售所有股票,一股亦不留,所以,他立刻得到了一股不留外號,大師言論被股場中人笑到面黃,不過,笑他的人亦唔笑得幾耐,好快就面青。

  有線電視見港台綽頭唔錯,於是搵我同大師做了一個叫「兩盞明燈耀股樓」節目,老實說,雖然我經常睇錯樓市,但還是第一次被人當做明燈,我是澳門人,知道做明燈是很瘀的事,不過就沒有辦法,事實勝於雄辯,想反駁都不能。

  當股市下跌了兩千點之後,大家對大師的睇法亦有所不同,從譏笑到讚賞,認為大師有曠世其材,否則沒有可能在大牛市之際,發出驚人言論,其實我明白大師心態,既然被人一直當做明燈,倒不如賭一鋪,大家睇升佢就睇跌,而且還要一股不留,如果大師當日跟隨其他評論員轉軚,今日股市下跌,他這個明燈外號更加穩固,這兩三日股市逆轉,大師的確是威到盡,股市之後樓市會不會逆轉,這還是一個未知之數,不過,有物業代理話股市大跌會令到投資股票的人膽戰心驚,他們會賣走股票轉而買樓,所以,樓市不但不會下跌,反而會上升,我覺得這才是大師級的言論,沈振盈都要企埋一邊。

一股不留大師之逆轉
1. 引刀一快
2018-02-08 09:16
引刀係一間港樓都冇明燈。
2. 沈大師
2018-02-08 09:47
問題出在沈大師任何時候都叫人不要買股同買樓。話之你港股插到一萬點,大師一様話可能再插多7成。所以佢公信力多年來已經消耗咗,成為一個大家都認同的反向指標。

點解這個星期咁威水?一個壞咗的手錶,每日都會有準確報時的時候。


3. 股樓P
2018-02-08 09:56
上證20年来升了不夠一倍,而上海樓同1998年比較升咗二十倍。香港樓價同車位近十年表現也遠超股市。

中港兩地都沉迷於磚頭。股災出現次數越多,大家越信只有磚頭才最可靠。
4. 真真薯片
2018-02-08 10:07
如果港股只跌兩三千點, 守住30000附近, 最多只可以令樓市唔升或者跌少少, 唔多過5%, 呢種跌幅唔足夠比人入市買樓

要樓市有顯著跌幅, 股市起碼要跌6, 7000點以上
5. 十一哥
2018-02-08 10:09
十哥     唔洗揸過年、啱先食咗糊。


6. 十郎
2018-02-08 10:19


      你幫趁銀行定邊間股票行 ? 等我都買番d卷商股。

7. 十一哥
2018-02-08 10:23
理論係肺話、士哥最實際、爆響口…真心係想冇私共享、唔係認屎認屁。


8. 十一哥
2018-02-08 11:07
責倉就銀行、經紀行玩期指、買賣爆響口…冇曖昧…冇馬後炮、理論係人地做咗講咗…執人口水尾。

敢講一句…冇邊個財演有料到、冇一個敢鉄口論斷。


9. 十一哥
2018-02-08 11:32
估冇用、敢做先算、一路升…真係 ? …一路put未等到爆…一早輸L到甩褲啦!輸到咁甘…仲邊有力孭磚頭丫。


10. 十郎
2018-02-08 12:22
    

      今日又係出左貨 , 然後放飯。

12. 真真薯片
2018-02-08 13:58
一個壞咗的手錶,每日都會有準確報時的時候。

呢句真係金句, 尤其係比果d唱淡樓市十年既人
13. 舍神
2018-02-08 23:02
[有物業代理話股市大跌會令到投資股票的人膽戰心驚,他們會賣走股票轉而買樓,所以,樓市不但不會下跌,反而會上升,我覺得這才是大師級的言論]

吮核! 笑到肚痛 ^^
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。