地產論壇
登入名稱
密碼
頁數:
與老C隻揪
瀏覽人次:27517    回應:6

與老C隻揪

 

湯文亮博士

紀惠集團行政總裁
2018年2月6日

  上星期日,港台搞了一個新年股樓聯歡聚會,大家講下股市樓市,在股市方面,適逢道指大跌,股票專家大把話題,可以講應該攻,還是應該走,而且講股的專家有六七位,一人講幾句就已經夠鐘,但講樓市的專家只得一位,就是老C,我自己不算數,因為我不是專家,我心想,港台今次真的是大整蠱,只得兩個人講樓市,而眾所皆知,老C是睇好樓市,我是睇淡,這樣安排,即是叫我同老C隻揪,今次大鑊了。

  超過一小時討論,老C與我睇樓市的觀點幾乎一致,雙方都認為政府不會再推出辣招,就算推都沒有用,反而會被人利用認為政府沒有辦法壓低樓價,所以才要出招,樓價恐怕不跌反升,至於放寬辣招又不是時候,在供應未達標之前千祈唔好放寛辣招或者逆週期措施,否則樓價必升,那個負責放寬的官員就要負上責任。

  在如何增加土地供應方面,老施就比較注重改變土地用途,例如由工業用地變成住宅用地,提高地積比率,我則比較著重回收棕地,爭取與地產商補地價時的主動權,其實,在補地價方面,地產商應該比政府還要心急,而我認為,政府只需要每年提供二萬個私人住宅單位供應量便已足夠,林鄭月娥的五年任期,我相信一定達標,供應充足,樓價即使不會下跌,亦應該保持平穩。

  在整場辯論,老C與我的觀點是大同小異,唯一不同的是老C預測樓市今年會上升8至10%,而我認為樓市會下跌8至10%,分別之處,老C話並不是要求所有市民都有能力購買住宅單位,只要有一小撮有能力的人買樓,樓價就會上升,而我則擔心現在買樓的人根本上是能力不足,否則就不用靠父幹或者採用地產商高成數按揭,首期其實不是最大問題,如果現在買樓的人供唔起,他們所買的住宅單位就會變成銀主盤,累積太多銀主盤,最終都會令到樓價下跌。

  雖然我的題目是用上了與老C隻揪,其實是在很平和的氣氛下進行,之後我收到同場股票專家短訊,表示非常欣賞老C與我的辯論,而且從中獲益良多。

與老C隻揪
1. 十一哥
2018-02-06 09:16
新財爺一座…美股比咗signal…加息有難度、想班水回塘更多猶疑、座定定又可以揾揀手貨。


2. 自我陶醉
2018-02-06 10:06
昨晚道指最多冇咗千六點,創歷史最大點數跌幅,恒指一開冇咗千二點,唔知啲人會唔會去哂買樓呢? 哈哈哈!
3. 鳥5
2018-02-06 12:50
博士,同佢拗都多餘既,佢每季預測都條整,你就估頂,咁樣比,根本就自己5公平。。。你嬲就係書比佢,唉!你好得啦,上年年中,你有偏文張溝今年年尾加3厘5係 遙不可及,,,,而家係發生緊呀!D果係-當時冷碗睇法呀!。。夠啦!讀者就自己計 holding power,盡左力啦!夫復何求
4. 鳥5
2018-02-06 13:03
同2樓樓巿見頂睇巿,但股樓可以同方向不同步,而家香港樓巿,
最大風險係美國通脹失控 加息 差不多係唯一選擇 樓價唔跌 業主都好大負擔
5. 真真薯片
2018-02-06 17:49
所謂農地補地價, 係正苦偏幫本地龍頭地霸既政策

當中小型發展商要用過萬蚊呎去投面粉, 面包參考萬元呎價去訂價既時候, 大地霸用5-7千蚊呎去補地價, 你話係咪冇得輸? 但係唔補地價咩?正苦又冇熟地供應, 死未?
7. 屯門廠佬
2018-02-07 19:22

博士,

盡左力便OK

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。