地產論壇
登入名稱
密碼
頁數:
茶餐廳日誌(265)咖啡或茶
瀏覽人次:27883    回應:10

茶餐廳日誌(265)咖啡或茶

 

湯文亮博士

紀惠集團行政總裁
2018年1月31日

  今早毛毛雨,天氣又凍,本來唔想跑步,但一早起了床睇波,阿仙奴又輸,有MK都唔掂,雲加都幾頭痛,不過,頭痛又何至雲加一人,美股在升浪中兩連跌,而今早還是大跌262點,對於那些話股市在牛二或者牛三的人來說,的確是一個打擊,掙扎了一陣,最終都有去跑步,跑完之後去到茶餐廳,見到有物業代理對老闆說,今次想窮都難,那些玩開投資的人,在過去買股票或者買樓,好似茶餐廳的早餐一樣,可以揀咖啡或茶,如果沒有咖啡供應,食早餐的人一定要揀茶,股市死火,投資者迫住要買樓,所以樓價必升,叫老闆有買趁手,老闆都覺得幾有道理,所以沒有反駁。

  老闆問實況是不是如此,真的很難確定,不過,股市升的確會帶動樓價升,因為有些買家見業主企硬高價,將打算落訂的現金用作買股,誰不知有一些股票在一個月內升了超過三成,他們又可以滿足業主要求,故此,股價升的確可以帶動樓價升,但股市下跌,是否會令打算買股票的人轉移買樓,我不敢說沒有,但數量應該不至於帶動樓市上升,但大家都要明白,從事地產行業的人一定會睇好樓市,現在發展到出現任何情況,樓市都必然上升,我早已不敢反駁,老闆亦啞口無言。

茶餐廳日誌(265)咖啡或茶
1. Johnny
2018-01-31 11:55
"從事地產行業的人一定會睇好樓市"呢句不敢苟同,以前老C睇淡樓市咁多年樓市升足咁多年點計數?
2. 引刀一快
2018-01-31 12:23
又係喎,A股崩盤,大灣區居然傻升,真係難講。
3. 十郎
2018-01-31 12:43


      你們又中了黃鼠狼的計了。
      
      米傻佬當天真啦 , 人人都說股票八成輸 , 樓市長遠必勝 , 現在股場獲大利的是何等樣人? 唔問都知聰明人兼低價入市 , 他們就是慊樓價高而入股市 , 現在改股入樓 ? 他會問樓價低位了嗎 ? 在利息同供應增加以外 , 央行又收水 , 你可以去呃到佢 ?  7頭磨剃刀 , 佢點會做。

      

4. 向飯民說不
2018-01-31 15:34
引刀,因为每次金融市场有咩震动,中央肯定救市。2年前,股票崩盘的时候,中央马上减息,QE。

不过长期下去,真系唔知有咩风险。政府每次干预,只是令泡沫更加大。
5. 十一哥
2018-01-31 18:27
跌一兩日…幾百點上落…就大驚小怪 ? 一早講明空就挾…唔信就應棍、戲劇性哩!要翱翔就唔好怕浪。

儍侵…無原則·無道德·無心魔·冇怕醜、做美國阿一…梗天下無敵啦!成班原庒政客…比佢玩到暈陀陀、困局…真係好可能比佢拆掂。


6. 引刀一快
2018-01-31 18:41
唔係嘛?你係咪真係向飯呀,向飯都講支爆?真係難以置信。
7. 引刀一快
2018-01-31 19:00
不可思議……
8. 真真薯片
2018-01-31 19:05
印象中, 中國自從09年後, 無論經濟好壞, 爆定唔爆, 都堅持QE, M2年年升, 分別只係每年既M2增加幅度而已

如有錯, 請幫忙指正
9. 引刀一快
2018-01-31 19:11
大陸QE唔會公報喎
10. 真真薯片
2018-01-31 23:57
一般會參考M2數字
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。