2003: 沙士,聽日都唔知會唔會死,唔買樓住! 2004:有自由行,但好驚帶埋啲沙士再來,唔買樓住! 2005:美國加息,供樓負擔大咗,好快會跌番沙士價,換特首,都唔知想點,唔買樓住! 2006:150萬樓仔又細又舊又冇會所,再升阻力好大,一定會跌番落去,唔買樓住! 2007:大奇蹟日再加上傳聞港股直通車,炒下股票先,大手入了中資股,中壽,港交所,中交建,等食糊,租住等跌,唔買樓住!, 2008:美國金融海潚,樓好快跌回沙士價,美國雖然減息,但啲股票做晒蟹貨,銀行又唔借錢,睇定啲,唔買樓住! 2009:美國QE1,公司生意好差隨時失業,曾蔭權仲叫人去大西北買4000蚊呎樓,無能政府,醫生律師都話買唔起呀,等跌,唔買樓住! 2010:美國QE2,樓價就升到97價,政府打擊樓市炒家推行SSD!根據經驗樓市好快爆煲,陳德霖同曾俊華話息口只會上升,零息係冇得再減,信佢哋,唔買樓住! 2011:樓價又升,唔追嘞,政府一定再打擊樓市,陳德霖同曾俊華又日日話美國好快加番息,一定冇QE3,政府起置安心,好多人賣自住轉租等大跌,跟大隊,唔買樓住! 2012:支持梁振英做特首,1%土地住100萬人,打殘地產霸權。美國QE3+QE4月月印850億都冇用,最少跌3成,願景就快實現,唔買樓住! 2013:政府再加辣打擊樓市,陳德霖同曾俊華改口話香港可自行加息,收緊咗按揭,日本歐洲無限QE都冇用,樓價就快大跌,唔買樓住! 2014:美國月月減債退市,而加息期就快到,伊波拉殺到來,佔中業主一定大劈價3成4成,業主雖然暑假大幅加租2成,忍住先,反正就大跌,年尾又有2000間居屋平售,歐日QE都冇用,唔買樓住! 2015:等緊政府加辣,美國終於加息了(香港竟然唔加?),潛在新供應7萬3千個,跌5成不是夢,唔買樓住! 2016:旺角暴動,本土掘起,社會大亂,潛在新供應9萬3千個,等緊美國再加息 (香港銀行按揭反而由H+1.7減到H+1.3), 供樓負擔太重,又加3厘壓測,仲邊有人搶樓?英國脫歐,一定金融風暴,睇定啲先。15%印花稅夾死你班收租佬同大陸客,仲唔輪到我買平野?顛佬都做到美國總統,頂死你地班大陸東南亞!CY忽然唔連任,財爺又辭職,政府大地震,唔知出年點!終於等到美國加息,耶倫仲話出年加3次,樓奴死硬!唔買樓住! 2017:供應開始多了,美國真係要加息(屌, 香港加唔加),特首大戰一定亂,新人上台一定打樓價,金正男死左好易中韓大戰,射飛彈就美韓大戰,啟德大賣仲唔係死前煙花?大灣區一通,搬去恩平好過。一帶一路,我去馬拉買間鬼城都好!大時代,炒股炒Bitcoin好過買樓!PP都係話170, 我冇理由165先黎入市卦?19大冇接班人,習總一定會打樓打貪多十年,有樓仲唔死?誠伯賤賣中環廣場,一定有內情,我跟!香港樓價必然下跌,等跌9成,唔買樓住! 2018:恆指創新高,冇理由唔追股去買樓。Bitcoin一月出事,一定有人賣樓補倉。新律政司僭建,政府一定去打樓挽呢望,收租佬死梗。垃圾會補選年,政棍一定玩民生牌,政府焗住要做野支持建制派。平行時空去到IV, 壞鐘都會中一次卦?Trump Trump開始顛,中美貿易戰一開,香港實仆街!美國減稅,痴根閣阿叔講左咁多年嘅萬劍歸宗,港樓仲唔死?年紀開始大就到4張嘢,銀行借唔到還款期三十年咁長,等跌10成,唔買樓住! …… …… 2019:兩公婆齊齊唔做嘢,排緊公屋等3年上樓,希望派到啟德新公屋,遠望到海景維港,近就望到遊輪碼頭,交通又方便有地鐵巴士,點都好過10年前走去買大西北,仲有一年免兩個月租,唔買樓住! 2020:沙田污水廠準備搬入岩洞,有平居屋靚海景,唔買樓住! 2021:新界東北發展用地就快可以啟用了,靚公屋就快排到,排咗3年公屋就快到我,唔買樓住! …… …… 2047:周身病痛,行都行唔到,人都就死,下一世先諗買樓,都係唔買樓住!
|