地產論壇
登入名稱
密碼
頁數:
大淡友原來是大輸家
瀏覽人次:29393    回應:11

大淡友原來是大輸家

 

湯文亮博士

紀惠集團行政總裁
2018年1月20日

  我在過去一年,無論接受訪問,出席論壇,甚至私人討論,都會被人冠以大淡友的稱號,我亦不斷解釋我不是大淡友,甚至連淡友都不是,我只不過將不利樓市的因素說出來,但事實勝於雄辯,樓價的確在我的預料之外上升,所以,說我是大淡友亦不能否認,原來大淡友背後有人一個意思,就是大輸家,如果不是有老友向我告之實情,我亦想不到。

  有老友知道我們的福布斯排名,由去年第廿六位上升至今年廿五位覺得很奇怪,點解我這個大淡友打理的公司不但排名上升,而且資產亦多了很多,事實上我們在過去一年亦不斷買物業,雖然就比過去少很多,但傳媒很少報導,他們在有意無意間塑造我成為一個大淡友,如果如實報導,市場沒有了我這個大淡友,變成一面倒聲音,對市場反而不健康,但反效果就是,很多人以為我這個大淡友不但沒有買物業,而且盡量將持有物業賣走,今次升市,我們一定是大輸家,反而不能接受,其實,我講了很多次,我只是講細價樓有危險,尤其是那些勉強上車的人,如果有人話我是細價樓大淡友我反而會接受,不過,我仍然不會是大輸家,因為無論細價樓升跌,我都唔會買,不參與買賣,又怎會是大輸家。

大淡友原來是大輸家
1. Bos fan
2018-01-20 12:03
博士你玩開貴賓廳,行過賭埸大廳只係做價細枱塘邊鶴,連開10鋪大,你只不過係提下人下鋪可能開細啫。
2. 真真薯片
2018-01-20 12:47
傳媒其實係寫多人想睇既標題, 吸引眼球, 以前搏賣紙, 依家搏hit rate

記得幾年前將南推新盤, 蘋果日報整個動新聞, 講將車點樣多供應, 標題係“供應湧住黎”, 仲有隻個樣好驚青滴汗既line公仔

幾實呢重報導係捉讀者心理, 大部份讀者冇樓, 買唔起, 又想睇人x街, 最好買完樓既人輸到訓街, 讀者鐘意個標題, 就多人click篇報導, 報導就成功

但係實情既分析係即使將南有8500個單位, 相對全港久缺緊成個沙田規模既住屋需求, 將南只係沙灘入面既一杯水, 依家將南新算入伙, 租盤去貨速度同租值都反映事實, 當年蘋果篇報導令讀者開心, 但係信佢供應湧住黎唔買既人依家就傷心

時至今日, 想睇樓市跌既讀者仍然甚多, 所以傳媒需要博士呢種有地位既人去提出唱淡言論, 所以要將博士素造成大淡友

上年在下曾經建議博士不如學老屍轉軚睇好, 到博士睇到樓價即將要跌先至再轉軚睇淡, 咁樣可以中完又中, 威足兩次, 而博士堅持到今日, 在下認為唔洗轉軚, 以今個月股市同樓市指數既上升速度, 今年內應該有望爆煲, 如果冇壓力去搶錢, 除左有平貨既人依家可以考慮食糊之外, 大家唯一需要做既就係買定花生
5. 股樓
2018-01-20 13:17
港股今次慢牛格局,用咗足足十一年才破頂,應該不會咁快就轉勢,升勢最少持續到2020。有港股撐住,香港樓市這幾年冇得跌。

今年下半年林鄭加辣機會好大。佢上台後未加過辣,唔多妥。
6. 魚蛋仔
2018-01-20 13:37

博士是假淡友,一番好意,但就害苦了真淡友。真真假假,世事難料。哈哈!

7. 真假難辨
2018-01-20 13:41
真淡友俾假淡友玩死。
8. 沒有小陽春
2018-01-20 15:17
今年樓市沒有小陽春,只是加速向上,如入無人之境的大升浪。
9. Bos Fan
2018-01-20 16:35
期待井噴
10. 十一哥
2018-01-20 17:53
老湯點會係淡友、祗係要賭就幫趁馬會…有銀先受、唔好幫趁外圍…好易篤大咗咁解。


13. 细價樓越升越有
2018-01-21 12:02
咪話豪宅頻頻搶高,細價迷你盤,更是人氣之選,青衣一項公屋,居然每呎賣萬六,真係十年爛銅變黃金,有咁高隨時賣咁高,只要有人夠膽接貨。

《文人報》表示,迷你戶實呎1.6萬長安邨膺公屋王。今年樓市繼續熾熱,多個屋苑都錄得新高買賣紀錄,其中,青衣公屋長安邨就有一個實用面積只有150 方呎的迷你戶,新近以240 萬元(連地價)售出,實呎達1.6 萬元,創全港公屋單位新高;另沙田第一城亦有細戶以實呎1.75 萬元售出,創屋苑新高。

政府辣招主要目的是迫使资金集中湧去買细價樓。结果都好成功。


15. 催谷樓價
2018-01-21 12:16
為咗更進一步谷高細價樓的樓價,今年下半年好大機會進一步收緊按揭貸款比例。明知辣招起反效果,但為了平息民怨,政府也只好硬著頭皮出招谷高樓價。明年將出現尺價超過2萬元的公屋。冇藥醫。
16. 好友淡友
2018-01-21 12:53
以往未有辣招時,憑感覺或片面的氣氛去預測樓市可能會準確,主因是當時有炒家。

記得湯博士幾年前曾有萄葡園外的玫塊來形容炒家的作用。 玫瑰花的生長情況,可以直接反映出葡萄樹的健康情況,擔當着葡園預警器的重要角色。玫瑰與葡萄都會感染兩種嚴重的霉病:白粉病和霜霉病,而玫瑰比葡萄來得更嬌弱,所以對以上兩種病更具敏感性、發病更早更快,因此種植玫瑰的作用是為了讓管理者更好的進行霉病預警。

炒家就像玫瑰一樣,防等力比用家較低。一有風吹草動,就會拋貨。因此,以往樓市會很受市場氣氛或感覺影響。

然而,辣招一加再加,加上高按揭成數下,炒家機乎絕跡。

在用家主導的市場現在,仍然用過往的預測方式(即憑感覺)似乎已經過時,也將樓市問題看得太過簡單。





頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。