地產論壇
登入名稱
密碼
頁數:
建造界之失(下)
瀏覽人次:16492    回應:0

建造界之失(下)

 

左丁山

2018年1月14日

  幾年前有朋友往大埔睇獨立屋,經紀向佢大力推薦一間,理由係:「地下下層有地庫,在裏面打牌、唱K、夾band,包唔會嘈到鄰居,好正,直情係買燒肉送多一嚿叉燒!」朋友當時知到有唐英年及梁振英之僭建新聞,知道僭建呢回事可大可小,唔願意買,經紀話:「怕乜啫,呢度有不少住客係律師、工程師、高級行政人員,人人都係咁,你唔好去做官就得㗎嘞!」

  唔做官就無人理,故此潘樂陶鄭若驊夫婦住兩間相連獨立屋有無僭建物,之前無人過問,但鄭若驊官運到,有特首睇起,委以重任,坐上律政司司長高位,咁就令附近街坊好唔得閒嘞,地政總署有排調查、跟進,唔通公然大細超,偏心某人咩。

  鄭若驊讀書十分醒,讀完土木工程,得到專業資格後,知道當年土木工程係男人世界,出入地盤辛苦,聽粗口機會不少,於是轉行讀法律,成為大律師,好快就在建築界走紅,原因好簡單啫,同時擁有大律師與特許工程師資格嘅法律界人士,甚為罕有,而香港建造業界興旺,遇上工程合約糾紛,向政府索償時(如起路時掘到古蹟,政府延遲工程),有位大律師一聽案情就完全明白(其他律師要仔細研究幾小時先知問題所在),第一時間進入狀況,擬定索償策略,往往令政府律政署人員吃不消,擋不住,答應仲裁、賠償,你話呢類大律師幾值錢呢。

  鄭若驊大概已達視金錢如浮雲階段,「先生」潘樂陶又有大把身家,加入政府做高官,為香港法律界之首,幾咁唔好呀,亦人之常情,不過佢退出商界,令建造界人士若有所失,好唔捨得,以後搞工程仲裁,打工程官司,搵邊個好呢?商界之失,或會是政府所得。近日在馬場見到另一位女工程師,佢話過往幾年因立法會拉布,撥款延遲嘅關係,引起不少工程索償,建造界發一筆大橫財(故此全是建制派之工程界會不介意立法會拉布,暗地裏好歡喜),政府盡量擋住,但一啲富二代業者熱中於參加建制政治團體,不時上京與高人會面,順便就篤佢地唔順眼唔合作嘅特區高官幾句,令高官不勝其煩,現在有個熟悉情況嘅工程師大狀為政府擋駕,好使好用也!誰不知新司長又跌落僭建陷阱,聲譽受損,面目無光,鄭司長生於1958年,屬狗,狗今年犯太歲,幾煩㗎!

建造界之失(下)
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。