|
茶餐廳日誌（255）股市樓市淡友是有分別
|
|
|
|
|
茶餐廳日誌（255）股市樓市淡友是有分別
湯文亮博士
紀惠集團行政總裁
2018年1月14日
今日天氣甚佳，跑完步胃口非常好，叫水吧加整一份豬扒三文治，兩隻蛋白，一碗麥皮，相當夠營養，在飲咖啡的時候，老闆同我講，佢話有人評沈大師不是，話佢經常睇錯市，贏少少叫人收手，捉唔到今次大升浪，可能惹上官非，我都是最好不再寫評論樓市文章，否則，唔知幾時，有人會發癲，將事件告上法院， 而個法官又發癲判我有罪，真的是無妄之災。
老闆不用擔心，沈大師發表文章，他只是說出他自己的意見，絕對不會惹上官非，而且話就話投資股票，其實是帶有賭博成份，買股票話投資仍然可以，但沽空一定是賭徒，賭徒輸了錢告上法庭，就算他姓賴都不可以，至於樓市淡友，與股市是有分別，不買就已經是睇淡，毋須要賣樓來證明，那些將自住單位賣走的並不是淡友，他們是對樓市睇得極差的人，他們不但是賭徒，而且是孤注一擲的賭徒，對於那些賭徒，我們又可以用淡友來形容他們。
|
|
茶餐廳日誌（255）股市樓市淡友是有分別
|
|
|
|
|
賭枱上佢買細我買大，本來各自修行賭自己心水，但得意在有人買細又會鬧人地好買大，買大嘅又取笑買細嘅輸左錢……其實有賭未為輸嘛，風水輸流轉。
都係嗰句，最緊要自我感覺良好。
|
|
|
|
呢個問題任志剛解釋得好, 樓市黎講, 有多過一層樓, 係長倉, 得一層樓係平倉, 冇樓係淡倉
對AA黎講, 所有唔買唔睇升既都係淡友!
|
|
|
|
薯片兄自己買了樓，又說這樣的話，叫其他淡淡隊友情何以堪
|
|
|
|
我睇完沈大師既分析，就充滿信心再加注買入港股，他是出名的燈神，如果他分析是準確，他就不是沈大師了！ 如果有人相信佢做淡，係佢自己唔了解沈大師既咁往績。
|
|
|
|
孟波兄,
各自修行其實就冇問題, 不過真係好多買大既人取笑買細既人, 兩年前曾經有段時間係買細既人笑買大既人, 香港人最鐘意show off自己叻過人, 即係認叻, 不過在下認為如果想認叻, 起碼有兩層以上供甩左既樓而且有大幅賺價先至認叻都未遲, 仲供緊樓既認乜鬼野叻, 個遊戲仲未玩完
|
|
|
|
薯片兄其實我初黎步到，半年前才間歇留下言。不過好得意，我一出聲就被呢度陀地打成地代或盲好而惡言相向，睇耐左大約知道各山頭屬地，有D(人)我根本唔想回應佢，路不同不相為謀。
|
|
|
|
孟波兄,
大家發表意見, 最重要有point, 可以比人參考或者啟發人諗到第2 d point, 再互相交流
果d成日重複講人有冇樓, 上左車落左車交左租未層次高低之類對討論事實完全無關既言論, 可以不理亦唔洗放係心上
|
|
|
|
薯片兄：
其實我從未發表過高論只是講過自己和朋友的真實經驗，但講完就畀人寸，可能呢類（人）嘅交流方式就係咁，非友即敵。
|
|
|
11.
自我陶醉 |
| 2018-01-15 09:53 |
|
人人都要食飯，都要有居所，而每個人出生那一刻都是一無所有的，莫非人出世已經是賭徒？ 如果有人話唔買塊地耕田種菜就係賭徒，你又會唔會去買塊地？ 菩提本無樹，明鏡亦非台，本來無一物，何處惹塵埃？ 係咪一個賭徒，睇嘅唔係有樓冇樓，而係睇你個心。
單憑一個人有冇買樓去決定那人是否賭徒其實是一個非常膚淺的看法，如果有層自住樓，但不斷加按炒股，炒樓，創業... 又係咪賭徒？ 成日認為買樓冇得輸，不自量力，借到周街數去買層所謂自住樓嘅人，樓價一跌就要跳樓，現在他有樓了，咁佢又係咪賭徒？
買樓其實係一個投資決定，同是否賭徒根本毫無關係，如果有個人從來都唔賭錢，連六合彩都唔會買，日日勤懇工作，有錢就儲起，從來唔會投資，唔會買樓，咁佢又係咪賭徒？
其實像呢啲唔買樓就係賭徒嘅綽頭多的是，都係商人為做更多生意製造出來的假共識，就像情人節唔送花就係唔愛你，父親節、母親節唔同父母飲茶食飯就係不孝等等... 做人千祈唔好咁幼稚，人講咩你信咩，要愛日日都可以愛，要孝幾時都應該孝，點解一定要指定某一日？
|
|
|
12.
真真薯片 |
| 2018-01-15 10:11 |
|
自醉兄,
香港“焗賭”的確係一個問題, 最大問題係香港正苦既政策將住同投資撈埋一齊, 變成絕大部份人都會因為自住需要要一到成年想自住就被逼面對巨大風險, 除非你住開公屋又一世同父母住落去, 不過你父母死後房署會踢你走, 一樣焗賭
香港最大問題唔係樓價貴, 而係租金貴同地方細冇得住遠d, 大陸一線城市房價對比工資仲貴過香港, 但係人地有10個環, 坐一個鐘地鐵, 會有大量2000蚊月租既樓, 而且見的下人, 香港最多得1.5個環, 扣埋郊野一個環都唔知有冇, 住到天水圍月租都成萬蚊, 所以你乜都唔做, 唔買唔理樓市, 只要你有自住需要, 就每個月default最少輸一萬蚊, 而香港好多人搵緊一兩萬, default輸一萬係勁多, 公屋制度同數據又失敗, 基本上你正常肯返工已經冇資格申請公屋, 居屋難抽過annual dinner頭獎, 買私樓就變相豪賭, 簡單講, 根據香港正苦政策, 一個普通人一出世, 一係焗輸, 一係焗賭, 除非你唔洗住
自醉兄好信林鄭, 施政報告前對林鄭寄予厚望, 結果乜都冇, 老實講, 香港從100年前港英到今日都係商人治港, 政策係用黎打劫市民, 幫大商家坐係度自動賺錢, 莫講增加供應, MPF對沖, 紅日撞星期6補價佢都搞唔惦, 增加供應? 唉…期望林鄭打救, 就好似返學讀書, 窮學生比有錢學生蝦, 窮學生期望班主任會代佢出頭, 申張正義, 但係窮學生唔知道, 班主任份糧係有錢學生既家長比嫁
|
|
|
13.
香港土著 |
| 2018-01-15 10:38 |
|
薯片兄，
好奇問句，你投資組合有冇買股買債（係直債，唔係債基。）？
|
|
|
14.
真真薯片 |
| 2018-01-15 10:53 |
|
土著兄,
在下有玩股票同期權, 長短都有, 冇買債, 師兄係債市係咪見到乜野可以分享?
|
|
|
15.
自我陶醉 |
| 2018-01-15 12:21 |
|
薯片兄誤會了，小弟一直認為葉劉是特首最佳人選，因為她夠硬淨，有骨氣，而葉劉被封殺，林鄭在背景上是最接近的一個，比起其他不知所謂的參選者，算是比較合適的一位。但觀乎她處理僭建問題上，雷聲大雨點小的最終結果，就可以想像地霸背後的勢力有幾大，單憑她一己之力，又點可以與整個既得利益集團對抗呢！梁振英唔得，佢一樣唔得。 所以我從來沒有對這個林鄭政府有什麼期望，以下是我上年中一則給浪子兄的留言以作參考：
***** 16. 自我陶醉 2017-06-08 08:15:43 浪子兄對政府抱太大希望了，但閣下有否想過如果梁振英的房屋政策真的與地產商利益對着幹，為何各大地產商還會全力為梁振英欽點的林鄭站台？
小弟認為辣招主要目的是保護金融系統及為新供應買時間，唔係要推冧樓價，而副作用是將所有購買力推向新盤，而發展商變成最大得益者。 ****
在情人節，為何商人可以令一束鮮花突然變成某些人的必需品？ 再退一步，想一想，這樣合理嗎？ 焗賭都係賭，如果要賭就要賭得聰明，先要了解自己能力，唔好為賭而賭。 如果是自用，有需要、輸得起而去買樓，我從來唔反對，但千祈唔好因為一句話，或因為市場氣氛而作出一個影響一生的魯莽決定。
由始至終我認為買唔買樓，幾時買樓是一個投資決定，成功投資人，都該有獨立思考能力，唔好被市場氣氛，或別人言論左右，而買樓只係衆多投資選擇的其中一個，就算買樓投資，又係咪應該在香港買，這些問題都必須在投資前搞清楚，經過細心分析，衡量利弊，才能為自己找到最合適的投資。
|
|
|
16.
香港土著 |
| 2018-01-15 12:48 |
|
薯片兄,
假設一個投資者持有5個物業, 另加5千萬流動資產, 現打算用1千萬投資, 有兩個選擇：
a) 買一間樓用作自住, 2千萬借5成2.15%息分20年還, 利息差餉地租管理費, 加埋裝修, 平均計每年住屋開支等於2%樓價;
b) 買一個投資級別債券組合, 2千萬借5成2.3%息, 淨債息平均5.8%一年(對應1千萬本金), 對應整個組合2千萬計即2.9%, 另租上述a)單位自住, 租金等於樓價2.4%, 平均計每年住屋收入等於0.5%樓價;
c) 利息趨升, a)或b)都唔要, 另覓更佳選項;
點玩好？
|
|
|
17.
真真薯片 |
| 2018-01-15 12:50 |
|
自醉兄,
Sorry, 可能我記錯, 之前成日有位資深網友話林鄭既建屋大計會有驚人既消息, 在下唔記得左係邊個……
|
|
|
18.
真真薯片 |
| 2018-01-15 12:57 |
|
土著兄,
有5層樓, 仲點會買自住樓?
有5層樓收租+5千萬cash, 我會包起4季酒店一間apartment, 住到老死
|
|
|
19.
自我陶醉 |
| 2018-01-15 13:01 |
|
|
|
20.
香港土著 |
| 2018-01-15 13:07 |
|
薯片兄,
哈哈... 哩個就係絕大多數人投資盲點所在. 有十層樓有一層樓甚至冇樓, 同買樓住租樓住根本就冇太大關係.
|
|
回應 / 留言規則
- 禁止撰寫粗言穢語、誹謗、渲染色情暴力或人身攻擊的言論；
- 禁止以名稱/暱稱/綽號/同音字等批評或映射任何人士、機構、公司；
- 禁止發佈有關招聘、推銷、廣告等內容；
- 禁止公開任何個人資料(如電話號碼、電郵地址、即時通訊帳號等)。
敬請留言者自律。本網站保留刪除/堵截任何留言的權利。
聲 明
所有議題/文章由其作者提供，大部份回應/留言是即時上載，少部份未註冊為會員的回應/留言會經我們的系統過濾，所有議題/文章/回應/
留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限，故不能完全監察
所有留言，若讀者及用戶發現有留言出現問題，歡迎以留言或電郵方式與我們聯絡(admin@property.hk)，我們有權刪除/堵截任何留言 （刪除/堵截留言前不會作事先警告及通知）， 如有任何爭議，本網站管理員擁有最終的詮釋權 。
|
|
App下載
