地產論壇
登入名稱
密碼
頁數:
父幹又如何,愛你變成害你
瀏覽人次:27914    回應:8

父幹又如何,愛你變成害你

 

湯文亮博士

紀惠集團行政總裁
2018年1月10日

  雖然有評論員話父幹的實力龐大,將會支撐整個樓市,令樓市繼續上升,尤其是那些窮一身精力的父親,在死慳死抵之下有幾個單位,在物業有價之下,協助子女置業又何難之有,評論員的分析不是教壞細路,而是教壞老人家,協助子女置業我是絕對贊成,大前提是子女能夠付得起部分首期,最低限度以後都要供得起,否則,送給他們都沒有用,最後還是變成銀主盤,給財務公司沒收了。

  早兩日有報導,一個父親在六七年前將公屋單位送給他的兒子,兒子收到禮物之後,利用公屋資產盡情揮霍,最後那個公屋單位被財務公司沒收,父親愛他的兒子現在變成害他,這些例子多不勝數,我的「細價樓爆煲論」就是以此為基礎,銀主盤最終成為細價樓爆煲的主要原因,不過很少人相信,我的爆煲論根本成為別人的笑柄,不過,很快他們就笑唔出,由於細價樓沒有爆煲,不少父親繼續去愛他們的兒子,發揮父幹威力,最後的結果,大家都可以預料得到。

父幹又如何,愛你變成害你
2. 香港土著
2018-01-10 10:07
納米樓本身就唔適宜長住,人均實呎少於200的盒仔,當外出旅遊住幾日還可以,住超過一星期係負能量。講投資,好租客唔會要納米樓,租得納米樓,好人都屈到心理變態,哩條客路,買納米樓同買粉塵股差不多。
3. 十郎
2018-01-10 11:06


      唔好齋睇指數喇 ! 好多股票仲未到家鄉 , 坐緊艇。

      我時常講 , 加按買多一層 , 係賭孖展行為 , 網友話 Full loan。在股票市場裏面 , 就有許多人識得警惕 , 在樓市就絕無僅有。其實賭孖展係非常危險。


6. 十一哥
2018-01-10 12:05
十哥   呢劑長虹、股樓齊鳴、點睇 ?  呢個世代…面就鬥大搭鷄棚、底就揸手、一早話咗傻侵對火箭仔…做戲咁做…冇得開拖、有阿爺頂住背脊…火箭仔大聲冇有驚、一細聲D先會覺得好相與、傻侵習慣大咗先…生意佬埋牙就有so為原則。




7. 十郎
2018-01-10 12:43


      十一哥-----------我感覺現在是二傻搵大傻的遊戲 , 亞爺冇錯係好大力 , 希望佢可以用有形之手, 打低市場力量。就算亞爺係老大 , 美國都算老二 ,  老二都做唔成渣鎳人, 要用量寬低息。

8. 十郎
2018-01-10 12:43


      十一哥-----------我感覺現在是二傻搵大傻的遊戲 , 亞爺冇錯係好大力 , 希望佢可以用有形之手, 打低市場力量。就算亞爺係老大 , 美國都算老二 ,  老二都做唔成渣鎳人, 要用量寬低息。

9. 十郎
2018-01-10 16:52


      分享故事兩則 , 一則來自報章 , 一則朋友口述。我並不幸災樂禍 , 祇在警惕居安思危 , 持盈保泰的重要。

      1-------在97後不久 , 有少女投報說他父親是一個成功商人, 頗有盈餘 ,在97前樓價飛升 , 他愛女心切 , 自動出首期 , 為女兒置業 , 誰知97一浪突然湧至 , 父親生意無以為繼 , 亞女資不抵債下破產收場 , 尚好她並不埋怨父親 , 真係如題目一般 , 愛你變成害你。

      2--------朋友說有一商人老友 , 在內地做生意 , 自擁三間太古城 , 初時風生水起 , 之後經不起大陸低價競爭 , 漸漸周轉不靈 , 為了挽救頹局 , 就出賣樓宇應用 , 希望有朝一日可以翻盤 , 都算有為之人 , 結果是三間太古城沒了。我朋友聽罷 , 結束一切生意 , 將萬幾呎廠房出租 , 月收十多萬 , 同老婆揸車買餸 , 好快活。

      好多人忘記或者未聽過 , 財爺松講過 , " 不重要你搵到幾多 , 最重要是你剩到幾多。" 有師兄有幾層樓 , 大升後加按買多幾層 , 我為人穩陣兼冇膽 , 我情願賣幾層去清除樓按或者債務。須知 "堂前無債主 , 家中無病人。" 是人一生難求的 , 而是要一定追求的。


10. 真真薯片
2018-01-10 20:29
如果本身有幾層樓, 洗乜加按用黎比首期個仔買樓?

比其中一層樓個仔住即可, 當然唔可以轉名, 咁個仔就會特別孝順, 當然, 咁做既話老豆就要自己供層樓, 要個仔供or交租比自己, 個仔一定嘈要轉名, 但係自己供都好, 名係自己, 盡享主動權, 代價只係收少份租, 但係個仔要一世睇你頭, 孝順到最尾, 包保有仔送終, 值回票價啦
11. Secular Bull Market 回覆舍神
2018-01-11 00:49

舍神,你居然唔知香港住宅物业是行緊一個典型的Secular Bull Market. 令我感到有些吃驚!

太古城(香港化表)洞庭閣兩房1977年开盘12萬,現在值850万,升咗80倍。美孚一期最細個隻兩房(九龍代表)1968年3万,現在值600萬,升咗200。連埋幾十年的租金收入,遠遠遠遠跑贏同期買黃金。同股票比?你當年買個隻股票的公司仍然存嗎?

1920年灣仔樓才進入二蚊一尺時代。到了現在每尺二萬,升咗一萬倍。

香港住宅物業長升長有,美孚一期如果重建,尺價會升得好恐佈。

香港住宅物業市場是一個典型的Secular Bull Market. 你真的以為會從那裡升上來就會跌回那裏去?不要發夢了。等太古城跌番沙士價。太冇出息啦,太古城尺价最平的時候不是沙士,也不是1977年開盤,而是1984。

A secular market is a market driven by forces that could be in place for many years, causing the price of a particular investment or asset "https://www.investopedia.com/terms/b/bull.asp" style="text-decoration: none; cursor: pointer; color: rgb(0, 91, 157);">bull market, strong investor sentiment drives prices higher, as there are more net buyers than sellers

A secular bull market will have bear market periods within it, but it will not reverse the overlying trend of upward asset values.  1981至1984, 1997至2003两大跌浪也扭轉不了也改变不了香港住宅是Secular Bull Market 的性質。

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。