地產論壇
登入名稱
密碼
頁數:
夠膽講唔夠膽認是懦弱行為
瀏覽人次:36353    回應:28

夠膽講唔夠膽認是懦弱行為

 

湯文亮博士

紀惠集團行政總裁
2018年1月8日

  邵志堯先生在報章撰文話我唱淡樓市,點解唔賣樓,我唔明白他的意思,其實,睇淡樓市並不一定要賣樓,投資並不是非黑即白,邵先生又說,有人睇到我的文章,知道我睇淡樓市之後將自住單位賣走,我覺得很奇怪,買賣物業是個人行為,將自住單位賣走的人基本上是賭徒,邵先生為賭徒強出頭,難度他不知道煩惱為此而起,而且,他首先要搵一個人來證明,是否能夠搵到都成問題,更何況我一向只是講細價樓,亦從不叫人賣走自住單位,邵先生的指控是絕對錯誤,不過,有人話邵先生沒有指名道姓,他沒有責任,這點留待法官判決。

  除此之外,我記得在年多前,在港台主辦的一次硏討會,在開咪前邵先生叫我唱好樓市我話我有我的原則,這是言論自由,干預言論自由的罪名是很大,難道邵先生不懂,不過,亦有人會話,邵先生可以不承認,所以,昨天我放了一段文字上Facebook ,問邵先生的文章內的人物是否指我,以及他是否曾經叫我唱好樓市,但過了一整夜,邵先生仍然沒有回答,我覺得夠膽講唔夠膽認是一個懦弱行為,邵先生當然不是,他只不過太忙沒有時間回覆我的問題,其實,如果邵先生喜歡批評別人,不如學這網站的網友,用筆名便可以,用一個得,用多個都得,他便可以暢所欲言,其實,我根本不知道這件事,是有網友將文章放上網站,麻煩那位網友將今天的文章傳給邵先生。

夠膽講唔夠膽認是懦弱行為
1. 股樓評論人應該有道德
2018-01-08 09:32
不要講一套,却做另外一套
6. 香港土著
2018-01-08 12:02
個人認為,博士比起邵志堯,道德方面會高幾班。另外位龔財子就更唔好講啦。

偷食如呼吸,停一陣都唔得。(唔係講龔生)
7. 良性循环
2018-01-08 12:24

【經濟日報專訊】銀行估價進取,10大屋苑估價升幅大部分均高於樓價升幅,有5個屋苑全年估價漲逾2成,帶動現樓按揭宗數創6年高。業界指,銀行上半年續積極搶按,估價升勢推高市民入市信心。新都城映灣園 估價升26%最勁。

辣招搞到冇生意,結果鋃行提高估值搶生意,反過來又再推高樓價。今年想唔升爆邊都難。

9. 真真薯片
2018-01-08 13:26
唔同人對言論自由有唔同定義

對於一d心胸狹窄既人, 只要你講既唔岩佢聽, 就已經超越左言論自由, 佢地一定會以人身攻擊黎回應

亦因為咁, 好多時網上討論都非常冇效率, 因為講唔夠兩個句會由講緊件事, 變成講緊個人, 同件事完全冇關
10. 鐖鍏
2018-01-08 13:30
一地花生
11. 個人認為
2018-01-08 13:36
同意1樓
不要講一套,卻做另外一套
12. 口心戰
2018-01-08 14:12
香港樓價已經升到如入無人之境,重可以升幾多同升幾耐冇人知。揸住樓收緊租的業主或炒家大多已賺到開巷,所以不妨持貨放下風箏,不必急於沽貨離場,不用擔心專家學者們的口心戰。

止蝕不止賺,高處可以更高。
14. 香港高官
2018-01-08 14:20
香港做高官的先決條件,是但都要中一項。A 呃政府房津;B僭建;C經營劏房;D租樓攞著數(貪污)。你自問無做以上任何一項,所以你冇資格做司長。

高官都為了層樓搞成咁,香港居住嚴重,樓價有上升空間。


15. 名燈
2018-01-08 14:45
香港樓市名燈一大批,羅家聰,沈振盈,楊衛隆,張一鳴,關焯照,陶冬,陸振球........。這批人長期看淡樓市,任何時候問佢地明年樓價,佢地都係睇跌。不須解释,他們認為香港樓價除咗下跌,還是下跌。結果當然是多年來都屢敗屢戰。

湯博士同佢地唔同,湯博士有分析,有紋有路,以前是大好友添,近兩年才睇淡細價一手樓這個最泡沫的market sector。
16. CCL
2018-01-08 17:27
好彩有咁多明燈,淡友,沽樓搶租盤,幫業主供樓,樓價才可以長升長有,升穿銀河系,直至永恆,我們實在要向他們致敬!
17. 鐖鍏
2018-01-08 17:53
14樓說漏了,還要D 走粉 ; E 洒駕
18. 博士不是大淡友
2018-01-08 18:19
博士只預測今年跌一成左右,相當合理。班名燈級專家如羅家聰沈振盈張一鳴,一講樓價就話大跌5成至7成,真是驚嚇得太誇張,太不現實。大跌7成,林鄭被炒機會好高,老董有板你睇。
19. B
2018-01-08 23:31
關乜事。唔通做生意既,睇淡零售市道就要執哂啲鋪嗎?
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。