地產論壇
登入名稱
密碼
頁數:
茶餐廳日誌(249)律政司司長的僭建
瀏覽人次:24385    回應:12

茶餐廳日誌(249)律政司司長的僭建

 

湯文亮博士

紀惠集團行政總裁
2018年1月7日

  今早有微雨,但仍然可以跑步,之後去到茶餐廳,見到茶餐廳不太多人,老闆話是正常,尤其是在假日,雖然在茶餐廳的人少了,但外賣就多了很多,有一些自僱人士自動到來幫手,唔好睇少他們的收入,隨時可以是幾倍最低工資,除了每張單可以收取幾元送貨費,還可以收到小費,老闆話樂得清閒,可以坐底同我打牙骹。

  老闆唔明白點解律政司司長的住宅有僭建,是不是知法犯法,我話絕對不是,律政司司長話買番嚟的時候已經是這樣,所以,我估計她是用公司轉讓形式買入該單位,即使知道有僭建,都不算犯法,只要在限期前將僭建部分還原便可以,不過,無論如何,律政司司長的政治警覺性都是比較差,她一定要提高,否則捱唔到任期完。

  如果是按正常的買賣程序,當物業成交前,買方的律師一定睇到俗稱釘契的僭建清拆令,會要求業主先還原後才成交,在樓市上升時,業主會拒絕還原,買方多數是會接受,但樓價下跌,買家就會以此理由拒絕成交,俗稱踢契,在以往的例子不多,但辣招出了之後,稍為高級的住宅都會用公司轉讓形式買賣,對於那些單位,建築物條例執行處,房屋處,田土廳等,全部都形同虛設,變成冇王管,這是辣招的副作用,慢慢大家就會睇到,律政司司長今次的不會是單一獨立事件。

茶餐廳日誌(249)律政司司長的僭建
1. 孟波
2018-01-07 11:03
自(僱)人士?
2. 真真薯片
2018-01-07 13:26
前特首屋企都有僭建, 根本一d問題都冇, 律政師師長應該啟動器釋法程序, 所有樓價3000萬以上豪宅僭建唔犯法, 應該好多人會支持, 包括前財經局長

都係果句, 最緊要唔好怕羞就得
3. 衞星圖
2018-01-07 13:41
蘋果日報翻查海詩別墅衞星圖,顯示鄭司長購入獨立屋後才有改動迹象,如這是真的,鄭司長有可能要下台。
4. 引刀一快
2018-01-07 14:12
慘喇,又係有秘密地窖,可能又係藏酒。

各位,如果睇見新司長間屋流口水的話,大灣區十分一價錢。
5. ABC
2018-01-07 16:03
律政司司長:我冇話過我冇僭建!
6. Admin
2018-01-07 16:43

謝 1. 孟波                    

已更正     

7. 引刀一快
2018-01-07 18:21
咁大個騎樓,駛乜僭建。
8. 雞蛋内挑骨頭
2018-01-07 21:18
如果有自己不喜歡的官員上任,就查九代,翻舊賬,小事化大,最终只能由毫無廉耻之徒擔大旗,前朝之鑑還没完,豈能重蹈?否則社會撕裂將再重臨。
希望大家能聚焦於官員表現而非以意氣之爭為先,不然終再引狼(或狗)入室,自討苦吃。
9. 十一哥
2018-01-08 09:13
簡單到極、上任第一炮…告自己先…有型有欵夠哂台型、罰錢啫…點會係問題、以後要告D對手…冇哂掣肘。


10. 真真薯片
2018-01-08 13:34
告自己有得諗, 當然個判決要有超強說服力, 全世界十冇野講果種, 如果判得過輕又比人話

不過話時話, 自己明知有僭建又明知要去做司長都唔理,咁既返工質素的確係有d問題
11. 舍神
2018-01-08 19:20
08年又未有辣招既, 不過, 點可能唔知丫! 唔知既係自己會被委任做律政C而已。

如果我冇記錯僭建問題始於丁屋, 前特首, 大法官, 多個高官, 甚至反對派議員, 個個都身有屎。
當年就係咁冇人敢在立法會大興問罪!

講真, 今時今日...要搵冇僭建屋仔......都幾蝦仁! 當然不會是單一事件!

唉!唔通要人頭落地?50步笑百步!羞恥否!
12. 波叔健在
2018-01-08 23:56
朝中屍位素餐,無德無能嘅大有人在,吹得佢漲?
頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。