地產論壇
登入名稱
密碼
頁數:
樓市今年就一字記之曰升
瀏覽人次:12858    回應:7

樓市今年就一字記之曰升

 

方卓如

2018年1月4日 (信報)

  2017年回報最高嘅投資原來係加密貨幣,平民百姓要在去年年尾先發覺。佢係投資定投機,在現今嘅世界都唔使分得太細。黃金係咪投資?黃金冇息收,只係博佢升值,等下手接你貨,仲唔係龐氏騙局?危機出現嘅時候黃金升得特別明顯,表示佢係冇經濟效益,純粹係危急時用嚟避難作資產儲存,只因全世界都信黃金,全憑個信字。咁究竟係投機定投資?留番畀學術研究,但留意只係掛住學術研究,好難發達。

  加密貨幣今年一字記之曰爆,唔係爆升就係爆破。爆升係因為大家剛剛發覺加密貨幣是什麼一回事,開始有門路可以購買。

加密貨幣唔爆升就爆破

  有貨嘅唔捨得沽,冇貨嘅搶住買,仲唔爆升?爆破係因為政府開始覺得加密貨幣唔對路,趁佢未大到不能倒下時,要開始管。但係加密貨幣等於人民之間嘅互信協定,散布於全世界嘅公開記數賬簿,政府可以點管?唯一方法係禁。所以,2018年大家將會見到好多國家計劃出手,用唔同方法令你買賣唔到加密貨幣,咁就令佢爆破。究竟加密貨幣係會向上爆定向下爆?視乎人類相信加密貨幣嘅速度是否快過政府出手,當全世界認同加密貨幣,等於人類經過幾千年時間相信咗黃金,人與人之間建立了嘅可信記賬制度就有佢嘅價值。

  樓市今年就一字記之曰升。2017年頭好多專家叫你唔好買樓,信佢哋嘅結果係你手上嘅錢只可以買更細嘅樓。其實你唔使係專家,你用普通常識去諗諗,一處人口增長嘅城市,大量移民想湧入居住嘅城市,資金淨流入嘅城市,你認為呢個城市嘅房屋會平?會冇人買?一個城市,如果一直有人嫌貴,等待樓價跌就可以買樓,你認為樓價可以大跌?只要一小跌,呢啲等候多時嘅人仲唔衝入場買樓?要樓價持續下跌,只有兩種情況,一係人口外移,覺得呢個城市無法居住,又或者經濟持續下滑,居住嘅人搵唔到食,民不聊生。香港未來點睇都唔似呢兩種情況,剛剛相反。咁你話,仲要唔要專家出嚟指點你?

樓市今年就一字記之曰升
1. 引刀一快
2018-01-04 10:14
D納米樓,買咗又點?供幾十年咪即係買條大債返嚟自己屈死自己!我當你講中,升又點?

一於大灣區喇,2017房地產最爆發,一定係港澳以外嘅大灣區物業,2018?大灣區就算暴跌,都好過買香港納米樓。
2. 向引刀‧土著‧自醉‧浪子‧阿井 說不
2018-01-04 10:33
傻燦,聽聞大灣區人民生活艱苦喎,唔信睇吓點講:


新十大愁


1.住的愁,

拼搏一生难买楼


2.吃的愁,

防不胜防地沟油


3.穿的愁,

垃圾服装遍地流


4.喝的愁,

贵州茅台二锅头


5.病了愁,

一生积蓄医院留


6.老了愁,

无依无靠喝稀粥


7.出行愁,

人多车堵路难走


8.吃菜愁,

化肥农药用过头


9.活着愁,

劳苦一生白了头


10.死了愁,

一块墓地一座楼


3. Johnny
2018-01-04 11:10
完全同意方生觀點
4. 走投無路
2018-01-04 11:39
樓價已經被辣招及其它訴求(如環保,大陸土豪資產配置)迫到走投無路。所以只好上升,一路上升!
5. hk cit
2018-01-04 12:34
香港警方必須嚴格司機不要使用電話, 特別是職業司機在駕駛期間
6. 香港土著
2018-01-04 19:58
意氣風發,年青財俊,龔生真係會計界之道德領袖。
7. 香港今年難加息
2018-01-05 06:28

期待樓市調整一刻,但觸發的原因是甚麼?不少人認為是聯儲局今年繼續加息,迫香港銀行業齊齊跟加,重演2005年最優惠利率(Prime rate,簡稱P)以1年時間,由5厘調升至8.25厘的情景。

當年香港加息的背景與現時甚有差異。彭博數據顯示,2004年首季底銀行結餘高位為546億元,其後急跌至不足100億元,最終銀行於2005年首季作出加息行動,防止資金流走,往後銀行結餘長時間維持在低於100億元水平。

現時本港銀行結餘最新為約1,800億元,較當年高位時遠為龐大,即使本港因應港美息差擴闊,出現輕微資金流走,銀行大幅加息挽留資金的誘因,相信遠較當年為低。

即使較極端情況,1,800億元全部流走,但尚有另外一個重要因素令港息難急升--外滙基金票據總額。

若果銀行結餘屬「水池」,外滙基金票據就等於「海棉」。嫌1,800億元少,流到乾塘觸發香港加息容易?金管局用手揸一揸海棉,香港隨時再水浸,原因是外滙基金票據總額已達1.1萬億元,而當年2005年外滙基金票據總額僅逾1,000億水平,蓄水量遠較今天為低。

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。